| e-texts navigator |
| Wylie |
131a1 མོང་ཐུན་མོང་གང་ཅིའི། ། ཤེས་རབ་ཚེགས་དང་ཐུགས་རྗེ་དང་།། རྟོགས་དང་ཕྱོགས་ཅིག་སྤྱོད་པ་དང་།། འབྲེལ་དང་རིག་འཛིན་སྤྱོད་པ་ཅི།། གང་གིས་གང་ལ་ཇི་ལྟར་སྤྱད།། དེ་ཡི་འབྲས་བུ་གང་ཕྱིར་འགྱུར།། གང་དུ་དེ་དང་མི
131a2 ལྡན་པའི། ། སྤྱད་པའི་སྐྱོན་ཉིད་བདག་ལ་གསུངས།། འདི་ནི་སྤྱོད་པའི་ཁྱད་པར་གྱི་དྲི་བའོ།། ཐུན་མོང་སྤྱི་དང་ཁྱད་པར་གྱི།། རང་བཞིན་ཉིད་དང་ལྷུན་གྲུབ་ཀྱི།། དཀྱིལ་འཁོར་ཞེས་པ་གང་ཅིའི་ཕྱིར།། དེ་ཉིད་ཕྱི་ནང་གསང་བ་དང་།། འདུལ་ཐབས་གཉིས
131a3 སུ་ཇི་ལྟར་འགྱུར། ། ཏིང་འཛིན་དཀྱིལ་འཁོར་རིམ་གསུམ་གང་།། ལྷག་པ་ཏིང་འཛིན་ཞེས་བྱ་བ།། གཉིས་ལ་སྐུ་གསུང་ཐུགས་སྦྱོར་དང་།། ཕྱི་ནད་གསང་བའི་རིམ་པ་ཅི།། གཟུགས་བརྙན་དཀྱིལ་འཁོར་ཇི་ལྟ་བུ།། གང་ཕྱིར་གཟུགས
131a4 བརྙན་ཞེས་བརྗོད་ཅིང་། ། གང་གི་གཟུགས་བརྙན་གང་ལ་སྣོད།། ཕྱི་ནང་གསང་བར་ཇི་ལྟར་འགྱུར།། ལྷག་པ་ཞེས་པ་གང་ཕྱིར་ཏེ།། གཟུགས་བརྙན་ཞེས་པ་ཇི་ལྟ་བུ།། གཉིས་དང་གསུམ་དང་དྲུག་བསྟན་ཅིང་།། དོན་དམ་ཀུན་རྫོབ་བྱང
131a5 ཆུབ་སེམས། ། ཕྱི་ནང་གསང་བ་ཇི་ལྟར་སྦྱོར།། ཚོགས་ཀྱི་དཀྱིལ་འཁོར་གཉིས་ཅི་ཞིག། གང་གིས་གང་དུ་གང་ཚོགས་ནས།། ཇི་ལྟར་སྤྱད་པས་ཅི་ཞིག་འགྲུབ།། འདི་དག་བསྟན་པའི་དགོངས་པ་ཅི།། གནས་སྐབས་གང་དང་འབྲེལ་བར་འགྱུར།།
131a6 ཡན་ལག་རྩ་བ་གང་དང་འབྲེལ།། དཀྱིལ་དང་འཁོར་དུ་ཇི་ལྟར་བརྟག། གསུངས་ཤིག་སྐྱེས་བུ་མཆོག་ཆེན་པོ།། གང་དང་ངེས་པ་མ་རྙེད་པ།། ཀུན་གྱི་སྤྱོད་པར་མ་གྱུར་པ།། ལེགས་པར་གསུངས་ཤིག་རྒྱལ་མཆོག་ཆེ།། འདི་ནི་དཀྱིལ
131a7 འཁོར་གྱི་དྲི་བ་དྲིས་པའོ། ། གང་གིས་གང་ལ་གང་དག་ཏུ།། ཇི་ལྟར་དབང་བསྐུར་ཕུན་སུམ་ཚོགས།། བདག་གིས་ཇི་ལྟར་ཤེས་པར་བགྱིས།། གང་དང་གང་དུ་ཇི་ལྟར་འབྲེལ།། སྐྱོན་དང་ཡོན་ཏན་ཇི་ལྟ་བུ།། འབྲས་བུ་རིམ་པ་བཤད་དུ་གསོལ།།
131a8 འདི་ནི་འཇུག་པའི་ཆོ་ག་ཏུ།། ལས་ཀྱི་རིམ་པ་ཇི་ལྟ་བུ།། རྡོ་རྗེ་སེམས་དཔའ་བདེ་ཆེན་པོ།། སྒྱུ་འཕྲུལ་དྲ་བ་མངོན་རྫོགས་པའི།། ཐབས་དང་ཤེས་རབ་གཉིས་མེད་པས།། བདག་གི་ཐེ་ཙོམ་བསལ་དུ་གསོལ།། འདི་ནི་དབང་གི་དོན་མཐའ།།
iiif viewer powered by OpenSeadragon
