| e-texts navigator |
| Wylie |
130a1 པར་དགྱེས་ནས་དུས་བཞི་མཉམ་པ་ཉིད་ཀྱི་དབྱིངས་སྐུ་གསུང་ཐུགས་ཀྱི་ལྷུན་སྟུག་པོ་བཀོད་པའི་རྒྱན་ཉིད་དུ་བཞུགས་སོ། ། འཕགས་པ་རྟོགས་པའི་རྒྱལ་པོ་སྒྱུ་འཕྲུལ་དྲ་བའི་ལེའུ་སྟོང་ཕྲག་བརྒྱ་བ་ལས་མཚན་ཉིད་དང་རླུང
130a2 ཐམས་ཅད་ཀྱི་ལུང་གི་སྤྱི། དེ་བཞིན་གཤེགས་པ་ཐམས་ཅད་ཀྱི་གསང་བ།། གསང་བའི་སྙིང་པོ་དེ་ཁོ་ན་ཉིད་ངེས་པའི་ལེའུ་ལས་ཐམས་ཅད་མ་ལུས་པར་སྤྲོས་ཏེ། འཁོར་ལོ་བསྐོར་བ་དེ་དག་གི་འབྲས་བུའི་མཆོག་གོ།། གསང་བར
130a3 སྙིང་པོ་དེ་ཁོ་ན་ཉིད་ངེས་པ་ལས་མཉེས་པ་དང་ཡོངས་སུ་གཟུང་བའི་ལེའུ་སྟེ་ཉི་ཤུ་རྩ་གཉིས་པ། རྫོགས་སྷོ།། ། རྒྱ་གར་སྐད་དུ། བཛྲ་སཏྭ་མཱ་ཡཱ་ཛྭལ་གུ་ཧྱ་སརྦ་ཨཱ་དང་ཤ་ནཱ་མ་ཏན་ཏ།། བོད་སྐད་དུ་རྡོ་རྗེ་སེམས
130a4 པའི་སྒྲ་འཕྲུལ་དྲ་བ་གསང་བ་ཐམས་ཅད་ཀྱི་མེ་ལོང་ཞེས་བྱ་བའི་རྒྱུད། ཨོཾ་རྣམ་པར་སྣང་མཛད་ལ་ཕྱག་འཚལ་ལོ།། ཧཱུཾ་མི་བསྐྱོད་པ་ལ་ཕྱག་འཚལ་ལོ།། ཨོཾ་སྣང་བ་མཐའ་ཡས་ལ་ཕྱག་འཚལ་ལོ།། དེ་ནས་དཔལ་ལྡན་རྡོ་རྗེ་འཆང
130a5 རྒྱལ་བ་ཀུན་གྱི་གསང་བའི་བདག། ཀུན་གྱིས་དབང་བསྐུར་གཏེར་འཛིན་པས།། དགྱེས་ཤིང་སྤྱན་གདངས་གུས་བཅས་པས།། རྒྱལ་བ་ཀུན་ལ་བསྟོད་བཀོར་ནས།། སྤྱན་སྔར་གུས་འདུག་འདི་སྐད་གསོལ།། ཨེ་མའོ་སངས་རྒྱས
130a6 ཀུན་གྱི་གསུང་། རྟོག་པ་ཀུན་གྱི་རྒྱལ་པོ་སྟེ།། ཆོ་ག་རྒྱས་པར་བསྟན་པའི་རྒྱུད།། དྲི་མེད་ཟབ་མོ་བརྟག་དཀའ་བ།། འདུལ་བ་མདོ་སྡེ་ཆོས་མངོན་དང་།། དམ་ཚིག་བསྒྲུབ་དང་གྲུབ་པ་དང་།། སྐུ་གསུང་ཐུགས་ཀྱི་ཆོ་གའི་རྒྱུད།། མ
130a7 ལུས་གཏན་ལ་འབེབས་པ་འདི། ། རྡོ་རྗེ་སེམས་དཔའ་ཇི་ལྟར་ལགས།། སྒྱུ་འཕྲུལ་གང་གིས་བསྟན་པ་དེ།། དྲ་བའི་རྒྱུད་དེ་གང་ཕྱིར་བསྟན།། ལུང་ནི་གང་ཕྱིར་བརྗོད་པ་ཉིད།། གང་ཕྱིར་སྤྱི་ཞེས་བྱ་བར་བཤད།། གསང་བ་ཞེས་ནི་ཇི་ལྟ
130a8 བུ། ། སྙིང་པོའི་དོན་ནི་ཅི་ཡི་ཕྱིར།། དེ་ཁོ་ན་ཉིད་ཅེས་ཇི་ལྟར་བརྗོད། ངེས་པ་ཞེས་པ་ཅི་ཡི་ཕྱིར།། མཚན་འདི་གང་ཟག་གང་ལ་གསུངས།། མཚན་གྱི་དྲི་བ་དྲིས་པའོ།། ཐུན་མོང་ཁྱད་པར་ཚུལ་ཉིད་ཀྱི།། སྟོན་པ་ཞེས་ནི་ཅི་ཡི་ཕྱིར།།
iiif viewer powered by OpenSeadragon
