| e-texts navigator |
| Wylie |
84b1 ཀྱི་དཀྱིལ་འཁོར་གསལ་མཛད་དེ། ། ས་དང་རྣམ་ཐར་ལ་སྤྱད་པས།། བྱང་ཆུབ་ཐོབ་པར་འགྱུར་བ་ཡི།། འདྲེན་པའི་ཐེག་པ་རྣམ་གསུམ་ལ།། གང་དག་རིམ་པར་བཀོད་ལགས་ན།། མཉམ་པས་བླང་ངོར་མི་སྤྱོད་ཅིང་།། བྱང་ཆུབ་གཞན་ནས
84b2 མི་འཆོལ་བའི་ཐབས་མཆོག་དཔག་གིས་མི་ལང་པོའོ། ། ངེས་པའི་ཐེག་ཆེན་ཡོད་པ་གསུངས།། རྒྱལ་བའི་དགོངས་པ་ཚིག་གསུམ་པོ།། གདམ་ངག་ལུང་དུ་མ་གཞག་ན།། བྲོ་ཆུང་མུན་པས་རྨོངས་པ་རྣམས་ངས་པའི་བློ་གྲོས་གང
84b3 ལ་བཞག། རྣམ་པར་ཐར་པའི་ཐེག་པ་གསུམ།། གང་བསྡུ་གང་ལ་གང་གིས་བསྡུ།། འཇིག་རྟེན་གསལ་བའི་ཉེ་ནུབ་ན།། སྒྲོན་མ་གང་གིས་མཛད་པར་འགྱུར།། བསྟན་པ་འཛག་པའི་ལག་བདེ་བ།། རྒོལ་བ་གང་གིས་ཚར་གཅོད་འགྱུར།
84b4 དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་བ། རིག་པ་འཛིན་པ་ཆེན་པོ་ལེགས་སོ།། ཁྱོད་ཀྱིས་དྲི་བ་ལྔ་དྲིས་པ་ནི་ཤིན་དུ་ལེགས་སོ།། འདི་ལྟ་སྟེ། དེ་ཁོ་ན་ཉིད་དུ་ངེས་པའི་ཐེག་པ་ཆེན་པོ་སྟེ། གནས་སྐབས
84b5 གཉིས་དང་བཅུར་འབྱུང་བ་སྟེ། གང་རྨོངས་པ་གདུང་བ་སེལ་བ་ན་ཡང་འབྱུང་། གང་འཇིག་རྟེན་གྱི་སྒྲོན་མ་ཡོངས་སུ་བཀོད་པ་ན་ཡང་འབྱུང་གང་གིས་ངེས་པ་བརྙེད་པ་ན་ཡང་འབྱུང་། སྙིང་པོ་བྱང་ཆུབ་ཉིད་དུ་ངེས་པ་ན་ཡང་འགྱུར།
84b6 དགོངས་པ་ངེས་པར་འགྲེལ་བ་ན་ཡང་འབྱུང་། གདུལ་བྱའི་སྐབས་ལ་བབ་པའི་ཆེད་ན་ཡང་འབྱུང་། བྱིན་གྱིས་བརླབས་ལས་སྣང་བ་ན་ཡང་འབྱུང་། རྒྱུད་པ་ཐབས་ཀྱིས་གྲགས་པ་ན་ཡང་འབྱུང་། གང་གི་ཆེད་དུ་མཛད་པ་ན་ཡང
84b7 འབྱུང་། ལུང་ཆེན་ངེས་པར་བསྟན་པ་ན་ཡང་འབྱུང་། ལས་རྒྱུད་ཡོངས་སུ་གཅོད་པ་ན་ཡང་འབྱུང་། དགོངས་པ་རྣམ་པར་འགྲོ་བ་ན་ཡང་འབྱུང་། དེ་དག་ནི་ཐམས་ཅད་ཀྱི་ཐམས་ཅད་ནས་ཐམས་ཅད་དུ་ཀུན་དུ་ཡོངས་སུ་རྣམ་པ
84b8 སྣང་ངོ་། ། སྣང་བར་གྱུར་ཏོ།། སྣང་བར་འགྱུར་རོ་ཞེས་བཀའ་སྩལ་བས་དྲི་བ་དང་པོའི་ཡོངས་སུ་རྟོག་པ་ཆད་དོ།། དེ་ནས་ཡང་སྟོན་པས་དྲི་བ་གཉིས་པ་བཀའ་སྩལ་པ། རིག་པ་འཛིན་པ་ཆེན་པོ་བློ་དང་ལྡན་པར་བྱའོ།། གྲོས
iiif viewer powered by OpenSeadragon
