| e-texts navigator |
| Wylie |
269a1 བུག་མཐའ་བུ་བྱེད་པས། ། ཡངས་དོག་ཚིག་གི་མཐའ་དང་བྲལ།། ཀུན་པར་གཡལ་པའི་ལམ་དུ་གཅིག། བདེ་ཆེན་གླེང་ཡང་རྡོ་རྗེ་དམ།། བཅོམ་ལྡན་འདས་ཐམས་ཅད་གྲུབ་པས་དེ་སྐད་ཅེས་གསུངས་སོ།། ཡང
269a2 འདི་ལྟ་སྟེ། དེ་བཞིན་ཉིད་ལས་མེད་པས་ན།། ཡིད་དང་བ་ཡིན་གཉིས་ལས་འདས།། བདག་མེད་རྡོ་རྗེ་དེ་བཞིན་ཉིད།། ང་མེད་མི་འགྱུར་རྡོ་རྗེ་དམ།། བཅོམ་ལྡན་འདས་ཡོན་ཏན་ཀུན་གྱི་འབྱུང་ངོ་བོ་ཉིད་དག་པས་དེ
269a3 སྐད་ཅེས་གསུངས་སོ། ། གྲོགས་པོ་དག་གཞན་ཡང་འདི་ལྟ་སྟེ། ཡོད་མཐོང་སྣང་གྲགས་ཆོས་སོ་ཅོག། ཐ་དད་ཀ་ཚོགས་མཐའ་ཡས་ཀྱང་།། རང་བཞིན་མ་བཅོས་དེ་བཞིན་ཉིད།། མ་བསྒྲིབས་འོད་གསལ་རྣམ
269a4 དག་ཞིང་། ། བཅོམ་ལྡན་འདས་དྲི་མེད།། ངོ་བོ་ཉིད་དག་པས་དེ་སྐད་ཅེས་གསུངས་སོ།། དེ་བཞིན་དུ་ག་ཏེ། ཀུན་དུ་བཟང་པོའི་ཡེ་ཤེས་འདི།། ལུས་ཀྱང་ས་བྱས་རང་འབྱུང་སྟེ།། ཐམས་ཅད་འབྱུང་བའི་རྩ་བས་ན།། རང་ལས་རླུང
269a5 བའི་དཀྱིལ་འཁོར་རྫོགས། ། བཅོམ་ལྡན་འདས་དཀོན་མཆོག་སྤྲིན་ངོ་བོ་ཉིད་དག་པས་འདི་སྐད་ཅེས་གསུངས་སོ།། གཞན་ཡང་དག་བ་བཟླས་པར་བཤད་པ་ནི་འདི་ལྟ་སྟེ། ཡེ་ནས་མ་བཅོས་ཇི་བཞིན་པ།། ཆོས་སོ།
269a6 ཅོག་གི་སྙིང་པོ་སྟེ།། མེད་པ་ལས་བྱང་སྣ་ཚོགས་སྣང་།། སྡད་མེད་དེ་བཞིན་དཀྱིལ་འཁོར་རྫོགས།། བཅོམ་ལྡན་འདས་བཀོད་པའི་འབྱུང་གནས་ངོ་བོ་ཉིད་དག་པས་དེ་གད་གསུངས་སོ།། གཞན་ཡང་འདི་ལྟ་སྟེ། རང་འབྱུང་རིག
269a7 པའི་སེམས་ཉིད་ཀྱིས། ། མ་བཅོས་ཆོས་ཉིད་དབྱིངས་ཀྱི་དོ།། ལྷུན་གྲུབ་ཐབས་དང་ཤེས་རབ་ལས།། ཡང་དག་རང་བཞིན་དཀྱིལ་འཁོར་གསལ།། བཅོམ་ལྡན་འདས་སེང་གེ་སྒྲ་ངོ་བོ་ཉིད་དག་པས་དེ་སྐད་ཅེས་གསུངས
269a8 སོ། ། གཞན་ཡང་བཅོམ་ལྡན་འདས་མཛེས་པའི་ཏོག་ངོ་བོ་ཉིད་དག་པས་གསུངས་པ། འཇིག་རྟེན་འཇིག་རྟེན་འདས་པ་ཡི།། བདེ་དང་མི་བདེ་རྣམ་པ་ཀུན།། དེ་བཞིན་ཉིད་དུ་རོ་གཅིག་པས།། ཚོར་བ་བདེ་སྡུག་གང་ཡང་མེད་ཅེས
iiif viewer powered by OpenSeadragon
