| e-texts navigator |
| Wylie |
207a1 དབང་པོར་དང་།། ངེས་པ་ཁོང་དུ་རུང་བ་ཡིས།། ཡང་དག་དོན་ལ་དེས་གཞག་བྱ།། ཤེས་དང་འཇུག་དང་འབྲས་བུ་དང་།། ལྷན་གྱིས་གྲུབ་པའི་མཚན་ཉིད་ཡིན།། དེ་འབྲེལ་དེ་དགོས་དེ་མཐོན་དགོས།
207a2 དེ་ཡིས་རྗེས་སུ་བྱེད་དགོས་ཡིན།། ཐོས་ཆུང་གོམས་དང་ངེས་པར་གྱུར།། ཕྱེ་མཐོང་ཞུགས་དང་ཐོབ་པ་ཡིན།། དེ་ཚོལ་དེ་རེང་འཇུག་མངོན་གྱུར།། བསྙེན་པ་ཉེ་བསྙེན་བསྒྲུབ་དང་འགྲུབ།། དེ་བའི་ནམཉམ
207a3 འབྲུར་རྣལ་འབྱོར་པར། ། ལྡན་གྲུབ་ལས་སུ་རུང་བའོ།། དེ་ནི་ངེས་པར་འཇུག་རིམས་ཡིན།། གཞན་གྱི་དོན་དུ་འབྱུང་རིམས་པའི།། གོ་དང་པོ་འཕྲུལ་སྡང་མཛད་པའོ།། ཇི་ལྟར་རིམ་བཞིན་སྦར་བ་ཡིན།། དེ་ཤེས་དེ
207a4 མ་སྐྱེས་པར་ཤེས། ། དེ་དུས་དངོས་མེད་ཤེས་པ་དང་།། ཡེ་ནས་ཤེས་པའི་རིམ་བཞིན་ནོ།། ཐམས་ཅད་མཉམ་ཉིད་དེ་ཉིད་དང་།། བསྲུབ་དང་མི་འདའ་བྱེད་འཐུན་རྫས།། རང་བཞིན་རྣམ་པ་ལྔར་སྣང་བའོ།། གང
207a5 མཁས་ཆེ་དང་བཀའ་ཡས་ཡངས། ། སྔར་དང་རླབ་ས་ཆེན་ཅིང་སྟོན་དང་།། ཀུན་ཤོང་ཀུན་སྤྱོད་པ་དེར་འཇུག་པའོ།། བཅོམ་དང་ཤི་དང་མཐའ་རྒྱས་དང་།། ནུབ་པར་འདུས་པ་ལས་བའིའོ།། གང་དུ་སྦྱོར་བའི་ཡན་ལག
207a6 འདིས། ཡན་ལག་ཐམས་ཅད་རྫོགས་པ་ཡིན།། ལང་ཀའི་བདག་པོ་དེ་དག་ནི་ཡན་ལག་ཡིན་ཏེ། ཡན་ལག་དེས་གང་ལྟར་བརྗོད་པ་ཐམས་ཅད་རྣམ་པར་འབྱེད་པར་ཤེས་པར་བྱའོ།། དེ་སྐད་ཅེས་གསང་བ་པའི
207a7 བདག་པོས་ཀླས་པས། དམན་པའི་ལུས་ཀྱི་སེམས་དཔའ་རྣམས་ཆོས་ཐམས་ཅད་ཁོང་དུ་ཡོངས་སུ་རུང་བར་གྱུར་ཏོ།། སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་འཇུག་པ་ཐབས་ཀྱི་ཡན་ལག
207a8 ལས་ཐབས་རྣམ་པར་འགྲེལ་བའི་ལེའུ་སྟེ་ལྔ་བཅུ་རྩ་གཉིས་པའོ། ། །། དེ་ནས་ཡང་ལང་ཀའི་བདག་པོས་གསང་བ་བའི་བདག་པོ་ལ་དྲིས་པ། ཀྱེ་གསང་བའི་བདག་པོ་མདོ་ཡོངས་སུ་གྲོལ་བ་ཞེས་བགྱི་བ་ཇི
iiif viewer powered by OpenSeadragon
