| e-texts navigator |
| Wylie |
177a1 བྱེད་ན་འང་། གང་ཐབས་ལ་མཁས་པ་དེ་ཇི་ལྟ་བ་བཞིན་དབང་དུ་འདུའོ།། གང་ཐབས་ཀྱིས་མ་ཟིན་ན་ནི་རང་གི་སྲོག་ལ་འབབ་པར་བྱེད་དོ།། གཞན་ཡང་གསང་སྔགས་འདི་ནི་སྦྲུལ་གྱི་མགོ་ལ་འདུག་པའི་ནོར་བུ་རིན་པོ་ཆེ
177a2 རང་འདྲ་། གང་ཇི་ལྟར་ཐབས་ཀྱིས་ཟིན་ན་རིན་པོ་ཆེ་དེ་ལ་དགའ་བ་དེར་སྲང་དུ་ཡོད་ལ།། གང་གི་ཐབས་ཀྱིས་མ་ཟིན་ན་ཚེ་དང་བྲལ་བར་བྱེད་དོ།། གཞན་ཡང་ལྡུམ་བུ་ལ་ཏང་རེ་དང་འདྲ་སྟེ། གང་གི་ཐབས་ཀྱིས་ཟེར་ན་ཆང་ནང་དྲག་པོ་ཡིད
177a3 གཅོད་པར་བྱེད་ལ། ། གང་ཐབས་ཀྱིས་མ་ཟིན་ན་སྲོག་དང་བྲལ་བར་ཡང་བྱེད་དེ། དེ་ལྟར་ན་གང་ཐབས་ཀྱིས་ཟན་པ་ནི་དུག་འགྱུར་རྩི་དང་། གསེར་འགུར་རྩི་དང་། མུན་འགྱུར་གྱི་སྒྲོན་མ་བཞིན་དུ་ཆུང་ངུས་ཆེན་པོ་འཇོམས་པར་ནུས་ཏེ།
177a4 གང་ཕྱིན་ཅི་མ་ལོག་པར་ངེས་པ་ཉིད་ཀྱིས་ཐམས་ཅད་དེ་ཁོ་ན་ཉིད་དུ་འགྱུར་རོ།། འདུས་པ་ཆེན་པོའི་ཚོགས་དེ་ལྟ་བས་ན་གསང་བ་དམ་པ་འདི་ནི་སྨད་པར་དཀའ་བས་སྔོན་དུ་བྱུད་པར་སྤྱད་པར་སྤྱོད་པ་དག་གསང་བ་དམ་པ་ངོས་མ་ཟིན་པས
177a5 ལོག་པའི་ལམ་དུ་བྱུང་བ་ཡང་ཡོད་དོ། ། གང་ཐབས་ལ་མཁས་པས་ངོས་ཟིན་པ་མ་ནོར་བའི་ལམ་དུ་བྱུང་བ་ཡང་ཡོད་པས་འདུས་པ་ཆེན་པོའི་ཚོགས་གང་གསང་བ་དམ་པ་ངོས་ཟིན་པའི་ཐབས་ཀྱི་སྤྲིན་ཆེན་པོས་སྤྱད་པ་སྤྱོད་པ་ལ་མཁས་པ
177a6 བགྱིས་ཤི་ག་དེ་སྐད་ཅེས་བཀའ་སྩལ་པ་དང་། འདུས་པའི་ཚོགས་ཀྱིས་འདི་སྐད་ཅེས་གསོལ་ཏོ།། བཅོམ་ལྡན་འདས་གང་དུ་གསང་སྔགས་ལོག་པའི་ལམ་པ་ནི་གང་ལགས། གང་མ་ནོར་བའི་ལམ་པ་ནི་གང་ལགས། བདག་ཅག་རྣམས
177a7 ལརྒྱ་རར་བཤར་དུ་གསོལ། དེ་སྐད་ཅེས་གསོལ་བ་དང་། ལང་ཀའི་བདག་པོ་བཅོམ་ལྡན་འདས་དེས་འདམ་པ་ཆེན་པོའི་ཚོགས་ལ་བཀའ་སྩལ་པ། འདུས་པ་ཆེན་པོའི་ཚོགས་འདི་ལྟ་སྟེ། རྒྱད་དེ་གྲགས་པས་གང་སྤྱོད་པ།
177a8 གསང་སྔགས་གསང་བའི་སྙིང་པོ་འདི།། ཇི་ལྟ་དེ་ལྟར་གཏམ་ལ་དབབ།། འདིན་ཡང་དག་གསང་བའི་ལམ།། གང་དུ་ལོག་པའི་ཆོས་རྣམས་དང་།། གསང་སྔགས་གསང་བའི་སྙིང་པོ་གཉིས།། བཏགས་པ་མིང་གི་སྒྲ་གཅིག་ཕྱིར།། ངེས་པའི
iiif viewer powered by OpenSeadragon
