| e-texts navigator |
| Wylie |
162b1 མུད་པའི་ཁམས་པས་ནི་རྣམ་པར་ཤེས་པ་ཞེས་བྱ་བར་བཏགས་སོ། ། སྣང་བའི་ཁམས་པ་དག་གིས་ནི་ཡེ་ཤེས་བྱ་བར་བཏགས་སོ།། མི་གདདས་པ་རྣམས་ཀྱིས་ནི་སངས་རྒྱས་སུ་བཏགས་སོ།། དམ་པའི་མིག་ཅན་རྣམས་ཀྱིས་ནི་གསང་སྔགས
162b2 སུངས་ཟིན་པ་ཡིན་ནོ། ། དེ་ནས་ཡང་ལང་ཀའི་བདག་པོས་དྲིས་པ། གསང་བ་པའི་བདག་པོ་དེ་དག་ཞིང་ཁམས་ནི་གང་། འདར་ནི་གང་། བསྟན་པ་ནི་ཅི་ཞིག་སྒྲོགས། དུས་ནི་གང་། མཛདཔ་ནི་གང་ཞེས་དྲིས་སོ།། གསང་བ་པའི་བདག་པོས་པ
162b3 ལང་ཀའི་བདག་པོས་ཇིསྐད་དུ་དྲི་བ་ལྔ་ནི་འདི་ལྟ་སྟེ། གང་ངོ་བོ་ཉིད་མེད་པ་དེའི་ཞིང་ཁམས་ནི་བསྐྱེད་དུ་མེད་པའོ།། ལ་ནི་སངས་རྒྱས་པ་མེད་པའོ།། བསྟན་པ་ནི་བསམ་དུ་མེད་པའོ།། དུས་ནི་ཚད་ལས་འདས་པའོ།། མཛད་པ་ནི
162b4 ཡང་མཛད་པའོ། ། གང་རྣམ་པར་དག་པ་དེའི་ཞིང་ཁམས་ནི་བདལ་ཁྱབ་ཆེན་པོའོ།། འཁོར་ནི་ཡེ་ཤེས་རྒྱ་མཚོའི་ཚོགས་སོ།། བསྟན་པ་ནི་བྱ་བ་མེད་པའི་ཆོས་སོ།། དུས་ནི་ཐམས་ཅད་ནས་ཐམས་ཅད་དུའོ།། མཛད་པ་ནི་ཆོས་ཐམས
162b5 ཅད་སྣང་བར་མཛད་པའོ། ། གང་སྨིན་པ་དེའི་ཞིང་ཁམས་ནི་བདེ་བ་ཅན་ནོ།། འཁོར་ནི་ཡོངས་སུ་སྨིན་པ་རྒྱ་མ་ཧེའི་ཚོགས་སོ།། བསྟན་པ་ནི་བརྗོད་ཏུ་མེད་པའོ།། དུས་ནི་གང་ནམ་གནས་གཙང་མ་ནའོ།། མཛད་པ་ནི་རྣལ་འབྱོར
162b6 དམ་པ་ཉིད་དོ། ། གང་གསང་བ་དེའི་ཞིང་ཁམས་ནི་པད་མོ་ཅན་ནོ།། འཁོར་ནི་རྒྱལ་བ་རྒྱ་མཚོའི་ཚོགས་སོ།། བསྟན་པ་ནི་གསང་སྔགས་རྒྱ་མཚོ་ཉིད་དོ།། དུས་ནི་གཙུག་གཏོར་འཁོར་ལོས་སྐུར་བ་འདོད་པ་ན་རྒྱལ་བ་ཀུན་གྱི་སྐུ་སྤྱན
162b7 པར་འབྱོར་པའི་དུམ་ཉིད་ནའོ། ། བཛད་པ་ནི་སྐྱེས་བུ་དམ་པ་རྣམས་དགོངས་པ་དམ་པའི་ཐེ་ཚོམ་གཅོད་པར་མཛན་པའོ།། གང་རྒྱུན་གྱི་ཞིང་ཁམས་ནི་མོས་པ་ཅན་ནོ།། འཁོར་ནི་མོས་པ་ཐོདད་པའི་ཚོགས་སོ།། བསྟན་པ་ན
162b8 བསམ་གྱིས་མི་ཁྱབ་པའོ། ། དུས་ནི་སྐྱོན་མོ་ཡོངས་སུ་བཀོད་པ་ནའོ།། མཛད་པ་ནི་གང་གི་མུན་པ་སེལ་བར་མཛད་པའོ།། ལང་ཀའི་བདག་པོ་དེ་དག་ཀྱང་སོ་སོར་བལྟ་བར་ནི་མི་བྱའོ།། དེ་ཅིའི་ཕྱིར་ཞེ་ན། གང་ངོ་བོ་ཉིད་མེད་པ་ལས།
iiif viewer powered by OpenSeadragon
