| e-texts navigator |
| Wylie |
65a1 དུ་སྣང་ངོ་། ། སྐད་ཅིག་དེ་ལ་སེམས་ཅན་དེ་དག་ཐམས་ཅད་བདེ་བ་ཐམས་ཅད་ཀྱིས་ཚིམ་པར་གྱུར་ཏོ།། འོན་པ་རྣམས་ནི་སྒྲ་ཐོས་སོ།། ལོང་བ་རྣམས་ནི་མིག་འཐོབ་བོ།། སྤྲོས་པ་རྣམས་ནི་དྲན་པ་རྙེད་དོ།། ནང
65a2 བ་རྣམས་ནི་སོས་པར་གྱུར་ཏོ། ། སྦྲུམ་མ་རྣམས་ནི་བདེ་བར་བཙས་སོ།། སེམས་ཅན་དམྱལ་བ་ཐམས་ཅད་ཀྱི་སྡུག་བསྔལ་རྣམས་ནི་མེད་པར་གྱུར་ཏོ།། ཡུད་ཙམ་དེ་ལ་དུད་འགྲོའི་སྐྱེ་གནས་དང་། ཡི་དགས་ཀྱི་སྐྱེ་གནས
65a3 དང་། གཤིན་རྗེའི་འཇིག་རྟེན་རྣམས་ཀྱི་མིང་ཡང་མི་ཟག་པར་གྱུར་ཏོ།། འཇིག་རྟེན་གྱི་བར་གང་དག་མུན་པ་མུན་ནག་དང་། མུན་པ་མུན་ནག་ཆེན་པོར་འདུག་པ་དེ་དག་ཐམས་ཅད་ཀྱང་གསལ་བར་སྣང་བར་གྱུར་ཏོ།། དེར
65a4 སེམས་ཅན་གང་དག་སྐྱེས་པ་དེ་དག་ཐམས་ཅད་དང་། སེམས་ཅན་གཞན་འདིར་སྐྱེས་པ་རྣམས་ཀྱང་གཅིག་གིས་གཅིག་ཤེས་སོ།། དེ་ནས་སེམས་ཅན་དེ་དག་ཐམས་ཅད་ཀྱི་ངོ་མཚར་རྨད་ཏུ་བྱུང་བའི་ཆོས་ཀྱི་དགའ
65a5 བ་ཐོབ་སྟེ། བདེ་བ་མཆོག་གིས་ཚིམ་པར་གྱུར་ནས་ཀུན་དུ་བལྟས་པ་དང་། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མཐོང་སྟེ། དེ་དག་གིས་གསེར་གྱི་མཆོད་སྡོད་ལྟར་དཔལ
65a6 གྱིས་འབར་ཞིང་རང་གི་གཟི་བརྗིད་གྱིས་མངོན་པར་འཕགས་པ་དེ་མཐོང་ནས་དེ་ཉིད་ལ་སྐྱབས་སུ་དོང་ངོ་། ། སྐྱབས་སུ་དོང་མ་ཐག་ཏུ་དེ་དག་ཐམས་ཅད་དེ་བཞིན་གཤེགས་པའི་འཁོར་གྱི་དཀྱིལ་འཁོར་དེ་ཉིད་དུ
65a7 བདག་སོན་པ་སྙམ་དུ་ཤེས་སོ། ། སྣང་བ་དེས་བདུད་ཀྱི་ཁྱིམ་ཐམས་ཅད་ཀུན་དུ་འབར་རབ་ཏུ་འབར་ཀུན་ཏུ་རབ་ཏུ་མཆེད་ཅིང་འབར་ཏེ་མེ་ལྕེ་གཅིག་ཏུ་གྱུར་པར་ཀུན་དུ་སྣང་ངོ་།། བདུད་ཀྱི་རིས་ཀྱི་ལྷ་དེ་དག་ཀྱང་སྐད་ཅིག་དེ
65a8 ལ་ཉམ་ཟག་པའི་སྒྲར་ངུ་ཞིང་སྐྲག་ནས་བྱེར་རོ། ། བདུད་སྡིག་ཅན་ཡང་བཞིན་བཟང་པོ་རྙི་རཱི་པོར་གྱུར་ཅིང་ལུས་རྡུལ་ནས་བདུད་ཀྱི་རིས་ཀྱི་ལྷའི་བུ་ཐམས་ཅད་ལ་སྨྲས་པ། གྲོགས་པོ་དག་བདུད་ཀྱི་ཁྱིམ་ཐམས་ཅད
iiif viewer powered by OpenSeadragon
