| e-texts navigator |
| Wylie |
59a1 ཞིང་ལོ་ཁྲི་འཚོའོ། ། གལ་ཏེ་མགྲུབ་ན་མིག་དང་སྤྱི་བོ་འགས་ཤིང་སྐམ་ལ་སྐད་ཅིག་དེ་ཉིད་ལ་འཆིའོ།། ཞེས་ཁྲོ་བོ་ཉིད་ཀྱིས་གསུངས་སོ།། གུར་དགུམ་གྱིས་མིང་བྲིས་ཏེ་གང་པ་གསོད་པས་མནན་ནས་རྡོ་རྗེ
59a2 གསོར་ཞིང་ཡི་གེ་ཧཱུཾ་ཧཱུཾ་ཕཊ་ཕཊ་ལན་བདུན་བརྗོད་ན་བརྗོད་པར་གྱུར་པས་ངེས་པར་སྐད་ཅིག་གིས་འཆི་བར་བྱེད་དོ། ། བྱུང་པོ་འདུལ་བའི་རྒྱུད་ཀྱི་རྒྱལ་པོ་ལས། སྒྲུབ་པའི་ཐབས་ཀྱི་ཆོ་ག་རྒྱས་པའོ།། ག་གུལ་གྱི་བདུག་པ
59a3 སྦྱིན་ཞིང་གཏོར་མ་བཤམས་ཏེ་རས་དཀར་པོ་བཀབ་ལ་སྔགས་འདི་ལན་གསུམ་བརྗོད་དོ། ། དེ་བ་སཾ་བྷཱུ་ཏ་མ་ཧི་ཏ། པྲ་ཎི་པ་ཏ་ཡ་བི་བཛ་ཡོང་པྲི་ཐག་མ་ཧཱ་བྷཱུ་ཏ་སྭ་སྠཱ་ན་མ་ཏ་ཏྲ་གཙྪ་ཏིསྨ་ཤ་ནི་དེ་བ་ཨ་ལ་ཡེ་ཥྱ་ན་དཱིཏ
59a4 ཏེ། ཙ་ཏུཥྚ་ཐེ་ཨེ་ཀ་ལིང་གེ་ཝ་དེ་བ་ཨཱ་ཡ་ཏི་ནི་ཝ། ཤཱི་གྷྲཾ་གཙྪ་ཏུ་བྷཱུ་ཏ་ནཱ་མ་ས་མཱ་ཡ་པྲ་ཏི་བཱ་ལ་ནུ་ཡ། ཡ་ཏིཀྵ.ེ་བན་གཙྪ་ཏི་ཏདཀྵེ་ཎ། མུར་དྷ་ནི་སཱ་ལ་ཡེང་བྷུ་ཏ་ན་རཻ་ར་ཀྲྀ་ནར་ཀང་པ་ཏེད། ཡ་ཐ་ཡ་ཐ། སྭ་སྠ་ནེ་གཙྪ་ཏུ་ཡ
59a5 ཐཱ་སུ་ཁཱི་སྭཱ་ཧཱ། རྡོ་རྗེ་སློབ་དཔོན་གྱིས་ལྷ་རྣམས་ཉེ་བར་བསྡུ་བར་བྱའོ།། འབྱུང་པོ་འདུལ་བའི་རྒྱུད་ཀྱི་རྒྱལ་པོ་ཆེན་པོ་ལས་རིམ་པར་ཕྱེ་བ་གཉིས་པ་རྫོགས་ཏེ། འབྱུང་པོ་འདུལ་བ་ཞེས་བྱ་བའི་རྒྱུད་སྟོང་ཕྲག་བཅུ་དྲུག་པ་ལས
59a6 ཇི་སྙེད་པ་རྣམས་རྫོགས་སྷོ། ། ། རྒྱ་གར་གྱི་མཁན་པོ་བུདྡྷ་ཨ་ཀ་ར་བར་མ་དང་། ལོ་ཙྪ་བ་དགེ་སློང་ཆོས་ཀྱི་ཤེས་རབ་ཀྱིས་བསྒྱུར་ཅིང་ཞུས་ཏེ་གཏན་ལ་ཕབ་པའོ།། ། འཕགས་པ་ལག་ན་རྡོ་རྗེའི་མཚན་བརྒྱད
59a7 བ་གསང་སྔགས་དང་བཅས་པ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ།། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ལག་ན་རྡོ་རྗེ་འཁོར་གྱི་ནང་ནས་ལངས་ཏེ། བཅོམ་ལྡན་འདས
59a8 གང་ན་བ་དེ་ལོགས་སུ་ཐལ་མོ་སྦྱར་བ་བཏུད་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་སེམས་ཅན་རྣམས་ཀྱི་དོན་གྱི་སླད་དུ་རིག་པ་མཆོག་གི་ཆོ་ག་རྒྱས་པ་ཆེན་པོ་གསང་བ་དང་བཅས་པ།
iiif viewer powered by OpenSeadragon
