| e-texts navigator |
| Wylie |
58a1 དོན་དུ་ཇི་ལྟར་གསུངས་པ་མངག་གཞུག་པའི་ཐབས་ཏེ། བསྟེན་པར་བྱ་བ་མ་ཡིན་པའི་ལེ་ལོ་ཅན་དང་སྡིག་པ་བྱེད་པ་དང་། རྫུན་དུ་སྨྲ་བ་དང་། ཚུལ་འཆོས་ཅན་དང་། དབུལ་པོ་དང་། ནད་ཀྱིས་གདུངས
58a2 པ་དང་། ཚེ་ཐུང་བ་དང་སེམས་མི་བརྟན་པའི་མི་རྣམས་ཀྱང་སྤང་བར་མི་བྱ་སྟེ་གལ་ཏེ་ལོངས་སྤྱོད་དང་ནོར་དང་གྲགས་པ་འདོད་ན་ཡང་སྐད་ཅིག་གིས་ཕུན་སུམ་ཚོགས་པར་སྟེར་རོ།། སྔགས་འདིས་དངུལ་ཆུ་དང་།
58a3 བཅུད་ཀྱིས་ལེན་པའི་དངོས་གྲུབ་དང་། ལྷའི་རྒྱལ་སྲིད་ཀྱི་དངོས་གྲུབ་ཀྱང་གྲུབ་པར་བྱེད་ན་མི་རྣམས་ཀྱི་རྒྱལ་སྲིད་གྲུབ་པར་བྱེད་པ་ལྟ་སྨོས་ཀྱང་ཅི་དགོས་ཏེ། དེ་བཞིན་དུ་འདི་ལྷའི་བུ་མོ་ཐམས་ཅད་སྐད་ཅིག་ཙམ་གྱིས
58a4 གྲུབ་པར་བྱེད་དོ། ། གསང་སྔགས་འདི་ནི་ཀླགས་པས་གྲུབ་པར་བྱེད་ཅིང་ཤིན་ཏུ་བརྩོན་འགྲུས་དམན་པ་རྣམས་ལ་ཡང་ཅི་ལྟར་བདེ་བ་ལྟར་མྱུར་དུ་གྲུབ་པར་བྱེད་ཅིང་སེམས་ཅན་ཐམས་ཅད་ལ་བདེ་བ་རབ་ཏུ་སྦྱིན་པ་ཡི་གེ
58a5 བཞི་པོ་ཆེར་གསང་བ། དངོས་གྲུབ་ཐམས་ཅད་སྟེར་བར་བྱེད་པ་ཀླགས་པ་ཙམ་གྱིས་མངོན་པར་གྲུབ་པར་བྱེད་པ་སྟེ། འདི་ལ་ཐེ་ཚོམ་མི་བྱའོ།། འབྱུང་པོ་འདུལ་བའི་རྒྱུད་ཆེན་པོ་ལས་དངོས་གྲུབ་ཀྱི་བསྒྲུབ་པའི་ཚི་ག
58a6 རྒྱས་པའི་ལེའུའོ། ། །། དེ་ནས་འབྱུང་པོ་འདུལ་བའི་རྒྱུད་ཆེན་པོ་ལས་འབྱུང་པོ་བརྒྱད་ཀྱི་ཕྱག་རྒྱའི་མཚན་ཉིད་བཤད་པ་སོར་མོ་རྣམས་ཕན་ཚུན་འཁྱུད་ཏེ། གུང་མོ་བརྐྱང་ནས་ཁབ་ལྟར་བཟུང་བ་ནི་འབྱུང་པོ
58a7 ཆེ་པོ་གཞན་གྱིས་མི་ཐུབ་པའི་ཕྱག་རྒྱའོ། ། ཕྱག་རྒྱ་འདི་ཉིད་གུང་མོ་བཀུག་ཅིང་འཛུབ་མོ་བརྐྱང་ནས་བཀུག་པ་ནི་རྒྱལ་བའི་ཕྱག་རྒྱའོ།། ཕྱག་རྒྱ་འདི་ཉིད་ལས་འཛུབ་མོ་གཡོན་པ་བསྐྱིལ་ཞིང་མཐེའུ་ཆུང་བརྐྱང་སྟེ། སོ་སོར
58a8 བཟུང་བ་ནི་རྫོགས་བྱད་ཀྱི་ཕྱག་རྒྱའོ། ། སེར་མོ་ཕན་ཚུན་འཁྲུད་དེ་བཟུང་བ་ནི་ཀུན་དུ་རྫོགས་པར་བྱེད་པའི་ཕྱག་རྒྱའོ།། ཕྱག་རྒྱ་འདི་ཉིད་ལས་མཐེའུ་ཆུང་དང་མཐེ་བོ་ནང་དུ་བཀུག་སྟེ་བཟུང་བ་ནི་དུར་ཁྲོད་ཀྱི་བདག་པོའི
iiif viewer powered by OpenSeadragon
