| e-texts navigator |
| Wylie |
57b1 སྐྱེས་ཀྱི་ཤ་དང་། གུ་གུལ་དང་། སྦྲང་རྩི་དང་ལྡན་པའི་བདུག་པས་བདུག་ཅིང་སྟོང་ཕྲག་བརྒྱད་བཟླས་ན་ཉི་མ་དང་པོ་ལ་རྨི་ལམ་དུ་མཐོང་བར་བྱེད་དོ།། ཉི་མ་གཉིས་པ་ལ་རང་ཉིད་མཐོང་བར་བྱེད་དོ།། ཉི་མ་གསུམ་པ་ལ་རིངས
57b2 པར་འོང་ཞིང་མདུན་དུ་འདུག་ནས་འདི་སྐད་སྨྲ་བར་བྱེད་དོ། ། བཀའ་ཅི་སྲོལ་དེ་ནས་སྒྲུབ་པ་པོས་མངག་གཞུག་གྱིས་ཤིག་ཅེས་བརྗོད་པར་བྱའོ།། རྟག་ཏུ་ཕྱི་བཞིན་འབྲང་བར་འགྱུར་ཞིང་རང་ཉིད་སོང་ནས་མི་བཟང་བའི
57b3 གཏེར་སྟེར་ཞིང་འདས་པ་དང་མ་འོངས་པ་དང་ད་ལྟར་བྱུང་བ་རྣམས་སྨྲ་བར་བྱེད་དོ། ། གོས་དང་རྒྱན་དང་། བཟའ་བ་བཟང་པོ་རྣམས་སྟེར་བར་བྱེད་ཅིང་ལོ་ཉིས་སྟོང་འཚོ་བར་བྱེད་དོ།། དེ་ནས་ཕོ་ཉ་མཆོག་གི་སྒྲུབ་པའི་ཐབས
57b4 བཤད་པ་རྡོ་རྗེ་འཆང་གི་ཁང་པར་སོང་སྟེ། ནག་པོའི་ཚེས་བཅུ་བཞི་ལ་ཁྲི་བཟླས་ནས་ཉི་མ་བདུན་པ་ལ་བསྒྲུབ་པ་བརྩམ་པར་བྱ་སྟེ། ཙན་དན་གྱི་དཀྱིལ་འཁོར་བསྒྲུབ་པར་བྱས་ནས་གུ་གུལ་གྱི་བདུག་པ་སྦྱིན་ཞིང་མེ་ཏོག།
57b5 དཀར་པོ་དང་འབྲས་ཅན་དཀར་པོ་དང་། མར་དང་འོ་ཐུག་སྦྱིན་ཞིང་ཀཱ་ཤའི་ཁྲི་ལ་འདུག་སྟེ། མར་གྱི་མར་མེ་རབ་ཏུ་སྦར་ནས་མཚན་མོ་ཅི་སྲིད་ནམ་ཕྱེད་ཀྱི་བར་དུ་བཟླས་ན་མངག་གཞུག་མཆོག་རང་ཉིད་འོད་ཏེ།། འོངས་པ
57b6 ལ་ཅན་ངན་གྱི་མཆོད་ཡོན་བྱིན་ན། ཀྱེ་སྒྲུབ་པ་པོ་བདག་གིས་ཅི་བྱ་ཞེས་སྨྲ་བར་བྱེད་དོ།། དེ་ནས་སྒྲུབ་པ་པོས་བདག་གི་མངག་གཞུག་གྱིས་ཤིག་ཅེས་བསྒོ་ན་དེ་ཕན་ཆད་མངག་གཞུག་པར་འགྱུར་ཞིང་ལྷས་མངོན་པར
57b7 འདོད་པའི་བཟའ་བ་སྟེར་རོ། ། དངུལ་ཆུ་དང་བཅུད་ཀྱིས་ལེན་སྟེར་ཞིང་གཏེར་རྙེད་པར་བྱེད་ལ་རྒྱབ་ཏུ་ཞོན་ན་མཐོ་རིས་སུ་ཡང་ཁྱེར་བར་བྱེད་ཅིང་གཞན་ཡང་རྒྱལ་སྲིད་སྟེར་བར་བྱེད་དོ།། འབྱུང་པོ་འདུལ་བའི་རྒྱུད་ཀྱི
57b8 རྒྱལ་པོ་ཆེན་པོ་ལས་མངག་གཞུག་པ་སྒྲུབ་པའི་ཆོ་ག་རྒྱས་པའི་ལེའུའོ། ། །། དེ་ནས་འདིར་ཡང་དག་པར་བཤད་པ་ནི་དངོས་གྲུབ་སྣ་ཚོགས་སྒྲུབ་པར་བྱེད་པ་སློབ་དཔོན་རྣམས་ལ་ཕན་པའི
iiif viewer powered by OpenSeadragon
