| e-texts navigator |
| Wylie |
57a1 དུར་ཁྲོད་ཀྱི་བདག་པོའི་སྒྲུབ་པའི་ཐབས་ཀྱི་ཆོ་ག་རྒྱས་པར་བཤད་པ། མཚན་མོ་དུར་ཁྲོད་དུ་སོང་སྟེ་ཉི་མ་བདུན་དུ་སྟོང་ཕྲག་བརྒྱད་བཟླས་ན་ཉི་མ་བདུན་པ་ལ་འབྱུང་པོ་ལ་ཤ་དང་ཉ་དང་ཏིལ་དང་འཛམ་བུ་ཏི།
57a2 དང་། མངར་གསུམ་ཟན་གྱིས་དྲིལ་བའི་རྀ་ལུ་དང་། རྟ་ཤ་ཁམ་ཚད་དུ་བཏུབས་པ་བསྲེགས་ནས་མར་ལ་རྡོས་ལ་འཛམ་བུ་ཏི་ཀ་དང་། འབྲས་ཆན་དང་ཞོ་དང་བུ་རམ་དང་། འོ་ཐུག་དང་། སྲན་ཚོད་དང་། སྣུམ་ཁུར
57a3 རྣམས་ཀྱིས་ཅི་ལྟར་གསུངས་པ་བྱིན་ནས་གུ་གུལ་གྱི་བདུག་པ་ཡང་བྱིན་ཏེ། ཅི་སྲིད་ནམ་ཕྱེད་ཀྱི་བར་དུ་བཟླས་ན་ཧ་ཧ་ཞེས་བྱ་བའི་སྒྲ་ཐོས་པར་བྱེད་དེ། འཇིགས་པ་མ་བྱས་ན་རང་གི་ཚོགས་ཀྱིས་ཡོངས་སུ་བསྐོར་ཏེ་འོད
57a4 འོངས་པ་ལ་གཏོར་མ་བྱིན་ན་དགའ་བར་འགྱུར་ཏེ། འབྱུང་པོའི་མངག་གཞུག་ཐམས་ཅད་བྱེད་དོ།། ཉི་མ་རེ་རེ་དོང་ཚེ་བརྒྱད་བརྒྱད་སྟེར་ཞིང་དགྲ་ཐམས་ཅད་འཇོམས་ཏེ་ལོ་ལྔ་སྟོང་འཚོའོ།། དེ་ནས་རིགས་ཀྱི་དབང་ཕྱུག་གི
57a5 སྒྲུབ་པའི་ཐབས་བཤད་པ། ལྷའི་ཁང་པར་སོང་སྟེ། སྤོས་དམར་པོ་དང་། མེ་ཏོག་དམར་པོ་དང་། གུ་གུལ་གྱི་བདུག་པ་སྦྱིན་ཞིང་ཁྲི་བཟླས་ན་སྔོན་དུ་བསྙེན་པ་བྱས་པར་འགྱུར་རོ།། མཚན་མོ་ནག་པོའི་ཚེས་བཅུ་བཞི་ལ
57a6 ཉ་དང་ཤ་དང་ཏིལ་དང་འཛམ་བུ་ཏི་དང་། འབྲས་ཆན་དམར་པོས་ཇི་ལྟ་བར་བསྒྲུབ་ཅིང་དུ་རུ་སྐ་དང་། མེ་ཏོག་སྦྱིན་ཏེ་ཇི་སྲིད་ནམ་ཕྱེད་ཀྱི་བར་དུ་བཟླས་ན་ནམ་ཕྱེད་ན་སྣང་བ་ཆེན་པོ་དང་། འཇིགས་པར་བྱེད་པའི་གཟུགས་ཀྱིས
57a7 འོང་སྟེ། དེ་ལ་འཇིགས་པར་མ་བྱས་པདས་ཅི་བྱ་ཞེས་སྨྲ་བར་བྱེད་དོ།། སྒྲུབ་པ་པོས་མངག་གཞུག་གྱིས་ཤིག་ཅེས་བསྐོན། ཉི་མ་རེ་དུས་གསུམ་དུ་དོང་ཚེ་ལྔ་ལྡི་སྟེར་བར་བྱེད་དོ།། ལྷས་མངོན་པར་འདོད་པའི་བཟའ་བ
57a8 སྟེར་བར་བྱེད་ཅིང་ལེ་ལྔ་སྟོང་འཚོའོ། ། དེ་ནས་འབྱུང་པོའི་དབང་ཕྱུག་གི་སྒྲུབ་པའི་ཐབས་བཤད་པ། མཚན་མོ་ལིང་ཀ་གཅིག་པར་སོང་སྟེ། གཅིག་པུ་ནུབ་གསུམ་དུ་འབྲས་ཆན་དམར་པོ་དང་ཉ་དང་ཤས་གཏོར་མ་སྦྱིན་ནིང
iiif viewer powered by OpenSeadragon
