| e-texts navigator |
| Wylie |
56a1 བཞག་པ་ན་གཞུ་དང་མངའི་ཕྱག་རྒྱའོ། ། ལག་པ་གཡས་པ་ཁུ་ཆུར་བཅངས་ཏེ། འཛུབ་མོ་བརྐྱང་བ་ནས་བསྒྲིལ་བ་ནི་ལྕགས་ཀྱུའི་ཕྱག་རྒྱའོ།། ཐལ་མོ་མཉམ་པར་བྱས་ཏེ། འཛུབ་མོ་གཉིས་བཀུག་པ་ནི་མེ་ཏོག
56a2 གི་ཕྱག་རྒྱའོ། ། སོར་མོ་རྣམས་ཕན་ཚུན་དུ་འཁྱུད་དེ། འཛུབ་མོ་གཉིས་བརྐྱང་བ་ནི་སྤོས་ཀྱི་ཕྱག་རྒྱའོ།། ལག་པ་སོ་སོར་བརྐྱང་སྟེ་དཔུང་པའི་རྩ་བ་གཉིས་སུ་བཞག་པ་ནི་དྲིའི་ཕྱག་རྒྱའོ།། ལག་པ་གཡས་པ་ཁུ་ཚུར་བཅངས
56a3 ཏེ། གུང་མོའི་སོར་མོ་རབ་ཏུ་བརྐྱང་བ་ནི། མར་མེའི་ཕྱག་རྒྱའོ།། འབྱུང་པོ་འདུལ་བའི་རྒྱད་ཀྱི་རྒྱལ་པོ་ཆེན་པོ་ལས་ཁྲོ་བོའི་དཀྱིལ་འཁོར་གྱི་ཆོ་ག་རྒྱས་པའི་ལེའུའོ།། དེ་ནས་འབྱུང་པོ་བརྒྱད་ཀྱི་སྒྲུབ་པའི་ཐབས་ཀྱི་ཆོ་ག་རྒྱས
56a4 པར་བཤད་པ། ཨོཾ་ཧྲཱིཿཛྫཿགཞན་གྱིས་མི་ཐུབ་པའི་འོ།། ཨོཾ་ཧཱུཾ་ཛ་རྒྱལ་བའི་འོ། ཨོཾ་ཧྲིརྔ་རྫོགས་བྱེད་ཀྱིའོ།། ཨོཾ་བྷྲྀ་ཛ་ཀུན་ཏུ་རྫོགས་བྱེད་ཀྱིའོ།། ཨོཾ་སཱུ་ཛ་དུ་ར་ཁྲོད་ཀྱི་བདག་པོའིའོ།། ཨོཾ་རུཾ་ཛ་རིག་སྔགས་ཀྱི་དབང་ཕྱུག་གིའོ།། ཨོཾ་ཧྲིཾ་ཧཱུ་ཛ། འབྱུང་པོའི་དབང་ཕྱུག་གིའོ།།
56a5 ཨོཾ་ཨ~ཾ་ཛ་མ་དག་གཞུག་མཆོག་གིའོ།། འབྱུང་པོ་གཞན་གྱིས་མི་ཐུབ་པའི་སྒྲུབ་པའི་ཐབས་བཤད་པ། རྡོ་རྗེ་འཆང་གི་ཁྱིམ་དུ་སོང་སྟེ། སྔོན་དུ་འབུམ་བཟླས་ཏེ། སྔོན་དུ་བསྙེན་པ་བྱས་པར་འགྱུར་རོ།། དེ་ནས་ཟླ་བཉ
56a6 ལ་མཆོད་པ་རྒྱ་ཆེན་པོ་བྱས་ཏེ། ཅི་ལྟར་གསུངས་པའི་འབྲས་ཆན་དཀར་པོ་དང་། སྦྲང་རྩི་དང་ཞོ་དང་། བུ་རཾ་དང་འོ་མ་དང་ཤ་རྣམས་ཀྱིས་མཆོད་ཅིང་གུ་གུལ་གྱི་བདུག་པ་བྱིན་ནས། མཚན་ཐོག་ཐག་བཟླས་ན་ཐོ་རངས
56a7 ངེས་པར་འོང་ངོ་། ། གལ་ཏེ་ངེས་པར་མ་འོངས་ན་སྐད་ཅིག་དེ་ལ་འཆིའོ།། འོངས་ན་བསྒོ་བ་དོན་མེད་པར་མི་བྱེད་དོ།། སྒྲུབ་པ་པོས་མངག་གཞུག་གྱིས་ཤིག་ཅེས་བསྒོ་ན་དེ་ཕན་ཆད་མངག་གཞུག་གི་ལས་བྱེད་ལ་རིག་པ
56a8 འཛིན་པའི་རྒྱལ་སྲིད་སྟེར་བར་བྱེད་ཅིང་དགྲ་ཐམས་ཅད་ཚར་གཅོད་པར་བྱེད་དོ། ། ཟླ་བའི་ལྷ་མོ་བླངས་ནས་སྟེར་ཞིང་རྒྱབ་ཏུ་ཞོན་ན་ལྷའི་འཇིག་རྟེན་དུ་ཡང་ཁྱེར་བར་བྱེད་དོ།། བརྒྱ་བྱིན་ཉིད་ཀྱང་སྟེར་བར་བྱེད་ཅིང་བསྐལ
iiif viewer powered by OpenSeadragon
