| e-texts navigator |
| Wylie |
54a1 གི་ཞབས་ལ་སྤྱི་བོས་བཏུད་ནས་རང་གི་སྙིང་པོ་ཕུལ་བ། ཨོཾ་མ་ནོ་ཧ་རི་སྭཱ་ཧཱ། ཨོཾ་སུ་བ་གེ་སྭཱ་ཧཱ། ཨོཾ་བི་ཤི་ལ་ནེ་ཏྲི་སྭཱ་ཧཱ། ཨོཾ་སུ་ར་བི་མི་ཡེ་སྭཱ་ཧཱ། ཨོཾ་ཨ་ཤ་མུ་ཁི་སྭཱ་ཧཱ། ཨོཾ་བ་ཐ་ཀ་ར་མུ་ཁི་སྭཱ་ཧཱ། དེ་ནས
54a2 མི་འམ་ཅི་མོ་དྲུག་གི་སྒྲུབ་པའི་ཐབས་ཀྱི་ཆོ་ག་རྒྱས་པར་བཤད་པ། རིའི་རྩེ་མོ་ལ་སོང་སྟེ་སྟོང་ཕྲག་བརྒྱད་བཟླས་ན་མི་འམ་ཅི་མ་དྲུག་གི་བཟླས་པ་རྫོགས་པ་དང་། མཆོད་པ་ཤིན་ཏུ་ཆེན་པོ་བྱས་ཏེ། བ་གླང་གི
54a3 དང་གུ་གུལ་དང་ལྡན་པའི་བདུག་པས་བདུག་ཅིང་ཅི་སྲིད་ནམ་ཕྱེད་ཀྱི་བར་དུ་བཟླས་ན་ནམ་ཕྱེད་ན་ངེས་པར་འོང་སྟེ། དེ་ལ་འཇིགས་པར་མ་བྱས་ན་ཀྱེ་སྒྲུབ་པ་པོ་ཅི་བཀའ་སྩལ་ཅེས་སྨྲ་བར་བྱེད་དོ།། སྒྲུབ་པ་པོས་ཀྱང་ཀྱེ
54a4 བཟང་མོ་བདག་གི་ཆུང་མ་གྱིས་ཤིག་ཅེས་སྨྲས་ནས་རྒྱབ་ཏུ་ཞོན་ན་ལྷའི་འཇིག་རྟེན་དུ་འཁྱེར་བར་བྱེད་ཅིང་བཟའ་བ་བཟང་པོ་སྟེར་བར་བྱེད་དོ། ། དེ་ནས་སྒྲུབ་པའི་ཐབས་ཕྱི་མ་བཤད་པ་རིའི་དྲུང་ངམ་གཙུག་ལག་ཁང་དྲིལ།
54a5 བཟླས་ན་བཟླས་པའི་མཐའ་ལ་རང་ཉིད་འོད་ཞིང་ལྷ་མའི་ལག་པ་འཇམ་པོས་རྐང་པ་ལ་ཉུག་པར་བྱེད་ཅིང་མྱུར་དུ་ཆགས་པ་བྱས་ན་ཆུང་མར་འགྱུར་ཞིང་དང་ཚེ་བརྒྱད་དང་གོས་ཟུང་ཅིག་སྟེར་བར་བྱེད་དོ།། ཆུ་བའི་འགྲམ་དུ
54a6 སོང་ནས་ཁྲི་བཟླས་ནས་ཡང་མཚན་ཐོག་ཐག་བཟླས་ན་ཐོ་རངས་ངེས་པར་འོང་ངོ་། ། འོངས་ནས་ཆུང་མར་འགྱུར་ཞིང་ཉི་མ་རེ་རེ་དོང་ཚེ་ལྔ་ལྔ་སྟེར་བར་བྱེད་དོ།། མཚན་མོ་ཆུ་བོ་འདུས་པའི་འགྲམ་དུ་སྟོང་ཕྲག་བརྒྱད
54a7 བཟླས་ན་བཟླས་པའི་མཐའ་ལ་ངེས་པར་འོང་ཞིང་བལྟ་བར་བྱེད་དོ། ། ཉི་མ་གཉིས་པ་ལ་མདུན་དུ་འདུག་ཅིང་གཏམ་སྨྲ་བར་བྱེད་དོ།། ཉི་མ་གསུམ་པ་ལ་ཆགས་པ་སྤྱད་ན་ངེས་པར་འགྲུབ་ཅིང་ཆུང་མའི་ལས་ཐམས
54a8 ཅད་བྱེད་ལ། དོང་ཚེ་བརྒྱད་དང་རས་ཕྲུགས་གཅིག་སྟེར་བར་བྱེད་དོ།། ཉིན་གཅིག་བཞིན་དུ་རིའི་རྩེ་མོར་ཤ་ཟ་ཞིང་ཁྲི་ཁྲི་བཟླས་ན། ལྷ་མོའི་གཟུགས་ཀྱིས་མྱུར་དུ་འོངས་ཤིང་མདུན་དུ་སྡོང་ངོ་།། འཁྱུད་ཅིང་འོ་བྱས་ཏེ་མི
iiif viewer powered by OpenSeadragon
