| e-texts navigator |
| Wylie |
53b1 པའི་ཐ་མ་ལ་ཀླུའི་བུ་མོ་རིངེས་པར་འོང་ངོ་། ། འོངས་པ་ལ་ཀླུའི་མེ་ཏོག་སྤྱི་བོར་བྱིན་ན་ཆུང་མར་འགྱུར་ཞིང་ལྷའི་རས་དང་རྒྱན་དང་བཟའ་བ་ལ་སོགས་པ་སྟར་རོ།། དེ་ནས་ཀླུ་མོའི་དམ་ཚིག་གི་སྔགས་བཤད་པ། ཨོཾ་པུ་མ
53b2 གཙྪནྡ་ག་ནི་པུ་བོད་པའི་སྔགས་སོ། ། མཾ་ཨི་པུ་སྤོས་དང་མེ་ཏོག་གི་སྔགས་སོ།། ཨོཾ་པུ་ཨ་ཕུ་དྲི་དང་མཆོད་ཡོན་གྱི་སྔགས་སོ།། ཨ་ཕུ་ཨི་ཕུ་ཏཾ་པུ་བཾ་ཕུ་ཀླུ་མོ་ཐམས་ཅད་ཀྱི་དམ་ཚིག་གི་སྔགས་སོ།། ཕུ་ཨཱ་གཙྪ
53b3 ཨ.རྦྦ། ཤྲཱི་གྷྲཾ་པུ་ནཱ་ན་ར་ག་མ་ན་ཡ་སྭཱ་ཧཱ། སླར་བཏང་བའི་སྔགས་སོ།། དེ་ནས་ཀླུ་མོ་རྣམས་ཀྱི་ཕྱག་རྒྱའི་མཚན་ཉིད་བཤད་པ་ཐལ་མོ་མཉམ་པར་བྱས་ཏེ། སོར་མོ་རྣམས་མགོ་བོའི་ཚུལ་དུ་སྦྱར་ལ་འཛུབ་མོ་ཁ་བསྒྱུར
53b4 བས་མཐེ་བོའི་སོར་མོ་བརྐྱང་བ་ནི་ཀླུ་མོ་ཐམས་ཅད་ཀྱི་དམ་ཚིག་གི་ཕྱག་རྒྱའོ། ། ལས་ཐམས་ཅད་བྱེད་ཅིང་གྲུབ་པའོ།། དགུག་པའི་ཕྱག་རྒྱ་དང་། སླར་གཏང་བ་དང་། མཆོད་པའི་ཕྱག་རྒྱ་ནི་ཁུ་ཚུར་སོ་སོར་བཅངས་ཏེ། མཐའ
53b5 ཆུང་གི་སེན་མོ་མཐེ་བོས་མནན་ནས་སོར་མོ་ལྷག་མ་བརྐྱང་པ་ནི་ཀླུ་མོ་ཐམས་ཅད་ཀྱི་ཕྱག་རྒྱའོ། ། འབྱུང་པོ་འདུལ་བའི་རྒྱུད་ཀྱི་རྒྱལ་པོ་ཆེན་པོ་ལས་ཀླུ་མོ་རྣམས་ཀྱི་སྒྲུབ་པའི་ཐབས་ཀྱི་ཆོ་ག་རྒྱས་པའི་ལེའུའོ།།
53b6 དེ་ནས་གསང་བའི་བདག་པོ་ལག་ན་རྡོ་རྗེས་ཁྲོ་ཞིང་གསོར་ཏེ། ཁྲོ་བོ་འདི་དང་བཅས་ནས་གསུངས་པ། ཨོཾ་བྷ་ཎ་ཎ་བཛྲ་ཧཱུཾ་ཆེ་གེ་མོ་ན་གི་ནི་ཨ་ཀར་ཥ་ཡ་ཧཱུཾ་ཧཱུཾ་ཕཊ་ཕཊ་དེ་ནས་འདི་བཤད་པ་ཙམ་གྱིས་ཀླུ་ཐམས་ཅད་བརྒྱལ
53b7 ཞིང་འགྱེལ་ཏེ་སྤྱི་བོའི་ནད་ཆེན་པོས་ཤིའོ། ། གལ་ཏེ་དམ་ཚིག་ལས་འདས་ན་ཁྲོ་བོ་འདི་དང་བཅས་ཏེ་བཟླས་པས་མྱུར་དུ་འཆེ་ཞིང་དམྱལ་བ་ཆེན་པོ་བརྒྱད་དུ་ལྟུང་བར་འགྱུར་རོ།། ཞེས་དཔལ་རྡོ་རྗེ་འཆང་གིས་གསུངས་སོ།།
53b8 འབྱུང་པོ་འདུལ་བའི་རྒྱུད་ཀྱི་རྒྱལ་པོ་ཆེན་པོ་ལས་ཀླུ་མོ་རྣམས་སྒྲུབ་པར་བྱེད་པའི་ཆོ་ག་རྒྱས་པའི་ལེའུའོ།། །། དེ་ནས་འཁོར་གྱི་དཀྱིལ་འཁོར་དེར་མི་འམ་ཅི་མོ་དྲུག་ལངས་ཏེ། བཅོམ་ལྡན་འདས་དཔལ་རྡོ་རྗེ་འཆང
iiif viewer powered by OpenSeadragon
