| e-texts navigator |
| Wylie |
52a1 དུ་འོངས་ན་མིག་དང་སྐྱེ་བོ་འགས་ཤིང་དེའི་མོད་ལ་འཆི་སྟེ། ། དམྱལ་བ་ཆེན་པོ་བརྒྱད་དུ་ལུང་ངོ་།། དེ་ནས་ཁྲོ་བོའི་ཕྱག་རྒྱའི་མཚན་ཉིད་བཤད་པ།། ཁུ་ཆུང་སོ་སོར་བཅངས་ཏེ་མཐེའུ་ཆུང་གཉིས་འཁྱུད་ནས
52a2 འཛུབ་མོ་གཉིས་བརྐྱང་སྟེ་བཀུག་པ་འདི་ནི་ཁྲོ་བོའི་མི་ཕྱེད་པའི་ལྕགས་ཀྱུའི་ཕྱག་རྒྱའོ། ། ཕྱག་རྒྱ་འདིས་འཇིག་རྟེན་གསུམ་ཡང་འགུགས་པར་བྱེད་དོ།། དེ་ནས་གནོད་སྦྱིན་མོའི་ཕྱག་རྒྱ་བཤད་པ། གུང་མོའི་སོར་མོ་གཉིས
52a3 མི་མཉམ་པར་བྱས་ཏེ། སྲིན་ལག་གཉིས་རྣམ་པར་བརྐྱང་ཞིང་འཛུབ་མོ་གཉིས་སྦྱར་བར་བྱས་ནས་མཐེའུ་ཆུང་གཉིས་སྙིང་པོར་བྱས་པ་ནི་གནོད་སྦྱིན་མོ་ཐམས་ཅད་ཀྱི་རྩ་བའི་ཕྱག་རྒྱ་དམ་པ་སྟེ། འདི་བཅངས་པ
52a4 ཙམ་གྱིས་གནོད་སྦྱིན་མོ་ཐམས་ཅད་འོང་ངོ་། ། ཕྱག་རྒྱ་འདི་ཉིད་ལ་མཐེ་བོ་གཡས་པས་བོད་པར་བྱའོ།། ཨོཾ་ཧྲི་ཨཱ་གཙྪ་ཨ་གཙྪ་སརྦ་ཡཀྵི་ནི་སྭཱ་ཧཱ། བོད་པའི་སྔགས་སོ།། ཕྱག་རྒྱ་འདི་ཉིད་ལས་མཐེ་བོང་གཡོན་པས་སླར
52a5 གཏད་པར་བྱའོ། ། ཨོཾ་ཤཱི་ཀཙྪ་གཙྪ་ཆེ་གེ་མོ་ཡཀྵི་ཎི་ཤྲཱི་གྷྲཾ་བུ་ནར་ག་ན་མ་ཡ་སྭཱ་ཧཱ།། ཁུ་ཚུར་སོ་སོར་བཅངས་ཏེ་གུང་མོའི་སོར་མོ་རབ་ཏུ་བརྐྱང་བ་ནི་གནོད་སྦྱིན་མོ་ཐམས་ཅད་མངོན་དུ་ཕྱོགས་པར་བྱེད་པའི་ཕྱག་རྒྱའོ།། ཨོཾ་མ
52a6 ཏཱ་ཡཀྵེ་བི་མེ་ཐུན་པྲི་ཡེ་སྭཱཧཱ། ཁུ་ཚུར་ཕན་ཚུན་བཅངས་ལ་མཐེའུ་ཆུང་བརྐྱང་སྟེ།། བཀུག་པ་ནི་གནོད་སྦྱིན་ཐམས་ཅད་ཉེ་བར་བྱེད་པའི་ཕྱག་རྒྱའོ།། ཨོཾ་ཀཱམ་བྷོ་ག་ཤྭ་རེ་སྭཱ་ཧཱ། ཁུ་ཚུར་ཕན་ཚུན་སྩོལ་ཏེ་ལག་པ་གཉིས་འཛུབ་མོ
52a7 གཅིག་གི་སྟེང་དུ་གཅིག་བསྐྱོན་པའི་སྦྱོར་བ་བཞག་པ་ནི་གནོད་སྦྱིན་མོ་ཐམས་ཅད་ཀྱི་དམ་ཚིག་གི་ཕྱག་རྒྱའོ། ། ཀཱི་སྙིང་པོའོ།། ཁུ་ཚུར་ཕན་ཚུན་བཅངས་ཏེ་འཛུབ་མོ་དང་གུང་མོ་བརྐྱང་པ་ནི་གནོད་སྦྱིན་མོ་ཐམས་ཅད་ཀྱི་བདུག
52a8 པ་དང་། མེ་ཏོག་དང་དྲི་དང་མར་མེའི་ཕྱག་རྒྱའོ།། ཨོཾ་སརྦ་མ་ནོ་ཧ་ར་བྲི་སྭཱ་ཧཱ། འབྱུང་པོ་འདུལ་བའི་རྒྱུད་ཀྱི་རྒྱལ་པོ་ཆེན་པོ་ལས་གནོད་སྦྱིན་མོའི་སྒྲུབ་པའི་ཐབས་ཀྱི་ཆོ་ག་རྒྱས་པའི་ལེའུའོ།། །། དེ་ནས་ཀླུའི་རྒྱལ་པོ་རྣམས
iiif viewer powered by OpenSeadragon
