| e-texts navigator |
| Wylie |
50b1 ཨོཾར་ཏི་པྲི་ཡེ་སྭཱ་ཧཱ། ནན་མོའིའོ།། ཨོཾ་པད་མི་ནི་ཡེ་སྭཱ་ཧཱ། པད་མའི་ག། ཨོཾ་ན་ཏ་མེ་བཱ་ནི་ཏི་སྭ་རུ་བ་མ་ཏི་སྭཱ།། གར་བྱེད་མའི་ག། ཨོཾ་ཨ་ནུ་ར་ག་ནི་མཱ་ནི་སཱཧཱ། རྗེས་སུ་ཆགས་མའའོ།། དེ་ནས་གནད་སྦྱིན་མོ་བརྒྱད་ཀྱི་སྩ
50b2 པ་ཐབས་ཀྱི་ཆོ་ག་རྒྱས་པར་བཤད་པ། རྡོ་རྗེ་འཆང་གི་ཁྱིམ་དུ་སོང་སྟེ་གུ་གུལ་གྱི་བདུག་པ་སྦྱིན་ཞིང་དུས་གསུམ་དུ་སྟོང་ཕྲག་རེ་བཟླས་ན་ཟླ་བ་གཅིག་གི་ནང་དུ་ངེས་པར་འོང་ངོ་།། འོངས་པ་ལ་ཙན་དན་གྱི་ཆུས་མཆོད་ཡིན
50b3 བྱིན་ནམ་དང་སྲིང་མོ་དང་ཆུང་མའི་ལས་བྱེད་དོ། ། གལ་ཏེ་མར་གྱུར་ན་སམ་སུན་དབྱུང་བར་མི་བྱ་སྟེ། དངུལ་ཆུ་དང་བཅུད་ཀྱིས་ལེན་སྟེར་ཞིང་། ཉིས་ང་ནིང་དོང་ཚེ་སྟོང་སྟེར་རོ།། གལ་ཏེ་སྲིང་མོར་གྱུར་ན་ནི་གྲུབ་པའི་རྫས
50b4 དང་། དངུལ་ཆུ་དང་བཅུད་ཀྱིས་ལེན་སྟེར་ཞེང་ལྷའི་བུ་མོ་བཟང་མོ་བླངས་ནས་སྟེང་ལ། འདས་པ་དང་མ་འོངས་པ་དང་། ད་ལྟར་བྱུང་བ་སྨྲ་བར་བྱེད་དོ།། གལ་ཏེ་ཆུང་མར་གྱུར་ན་བསམ་པ་ཐམས་ཅད་རྫོགས་པར་བྱེད་ཅིང
50b5 ནོར་གྱི་བདག་པོ་ཆེན་པོ་བྱེད་དོ། ། དེ་ནས་ཡིད་འཕྲོག་མའི་སྒྲུབ་པའི་ཐབས་བཤད་པ་ཆུ་བོའི་འགྲམ་དུ་སོང་སྟེ། ཙན་དན་གྱི་མཎྜལ་ཉེ་བར་བྱུགས་ཏེ། མཆོད་པ་ཤིན་ཏུ་ཆེན་པོ་བྱས་ན། ཨ་ག་རུའི་བདུག་པ་སྦྱིན་ཞིང་ཉི
50b6 མ་བདུན་དུ་ཁྲི་བཟླས་ནས་ཉི་མ་བདུན་པ་ལ་མཆོད་པ་རྒྱས་པར་བྱས་ཏེ། ནམ་ཕྱེད་ཀྱི་བར་དུ་བཟླས་ན་དེ་ནི་ངེས་པར་འོང་ངོ་།། གལ་ཏེ་མ་འོངས་ན་འཆི་བར་འགྱུར་རོ།། བཀའ་སྩལ་ཅིག་ཅེས་སྨྲ་བར་བྱེད་ཅིང་དེས་བདག
50b7 གི་བྲན་མོ་གྱིས་ཤིག་ཅེས་བསྒོན་འཁོར་བརྒྱད་བརྒྱའི་ཞལ་ཏ་བྱེད་ཅིང་དོང་ཚེ་བརྒྱ་ཉི་མ་རེ་རེ་ལ་སྟེར་ཏེ། དེས་ཀྱང་མ་ལུས་པར་ཟད་པར་བྱའོ།། གལ་ཏེ་ཅུང་ཟད་འཇོག་ན་ཕྱིན་ཆད་འབྱུང་བར་མི་འགྱུར་རོ།། དེ་ནས་གསེར
50b8 ལྡན་མའི་སྒྲུབ་པའི་ཐབས་བཤད་པ། བ་རུ་རའི་ཤིང་གནས་པར་སོང་སྟེ་ཉ་དང་ཤས་བསྒྲུབ་ཅིང་ཆང་ཡང་བྱིན་ནས་བདག་ཉིད་ཀྱང་བཏུང་ཞིང་ལྤགས་པར་གནས་པར་བཟླས་པ་བྱ་སྟེ། སྟོང་ཕྲག་རེ་རེ་བཟླས་སོ།། དེ་བཞིན
iiif viewer powered by OpenSeadragon
