| e-texts navigator |
| Wylie |
48a1 བདུན་ན་ངེས་པར་འོང་ངོ་། ། འོངས་པ་ལ་ཁྲག་གི་མཆོད་ཡོན་བྱིན་ན་བདག་པོ་བཀའ་ཅི་སྩལ་ཞེས་སྨྲ་བར་བྱེད་དོ།། སྒྲུབ་པ་པོས་ལྷ་མོ་ཆུང་མར་གྱུར་ཅིག་ཅེས་སྨྲས་ན་ཆུང་མར་འགྱུར་ཞིང་རེ་བ་ཐམས་ཅད་སྐོང
48a2 ལ་རྒྱལ་སྲིད་སྟེར་བར་བྱེད་དོ། ། དེ་ནས་ལྷ་མོའི་སྒྲུབ་པའི་ཐབས་བཤད་པ་མཚན་མོ་ལྷ་མོའི་ཁང་པར་སོང་སྟེ། སྟན་བཤམས་ལ་ཙན་དན་དཀར་པོ་དང་སྣ་མའི་མེ་ཏོག་གིས་མཆོད་ཅིང་གུ་གུལ་གྱི་བདུག་པ་བྱིན་ནས་སྟོང་ཕྲག
48a3 བརྒྱད་བཟླས་ན་བཟླས་པའི་མཐར་ངེས་པར་འོང་ངོ་། ། འོངས་པ་ལ་འཁྱུང་པ་དང་། འོ་བྱས་པ་དང་ཇི་ལྟར་དགའ་བ་འདོད་པ་བྱས་ན་ལྷ་མོ་གསེར་གྱི་མདོག་ཅན་གཞོན་ནུ་མ་རྒྱན་ཐམས་ཅད་ཀྱིས་བརྒྱན་པ་ཆུང་མར་འགྱུར་རོ།།
48a4 དོང་རྩེ་བརྒྱད་དང་རས་ཟུང་ཅིག་དང་། གནས་རྣམས་དང་། བཟའ་བ་བཟང་པོ་རྣམས་འཁོར་དང་བཅས་པ་སྟེར་རོ།། འདི་ཉིད་ཀྱིས་རྣམ་ཐོས་སྲས་ཀྱི་ཁང་པར་འདུག་ན་གསང་བའི་མཐའ་དང་། བཟླས་པའི་མཐའ་ལ་ཤིན་ཏུ་མྱུར
48a5 བར་རྫས་བླངས་ནས་སྟེར་བར་བྱེད་དོ། ། བཅོམ་ལྡན་འདས་རྡོ་རྗེ་འཆང་གིས་དེ་སྐད་ཅེས་གསུངས་སོ།། འབྱུང་པོ་འདུལ་བའི་རྒྱུད་ཆེན་པོ་ལས་འབྱུང་མོ་བརྒྱད་ཀྱི་སྒྲུབ་པའི་ཐབས་ཀྱི་ཆོ་ག་རྒྱས་པའི་ལེའུའོ།། །། དཔལ
48a6 རྡོ་རྗེ་འཆང་ལ་ཕྱག་འཚལ་ལོ། ། དེ་ནས་ཤིན་ཏུ་འདའ་བར་དཀའ་བའི་སྒྲུབ་པའི་ཐབས་ལྷ་ཆེན་པོ་ཐམས་ཅད་གསོད་པར་བྱེད་པའི་སྔགས་ཀྱི་ཚིག་གསུངས་པ།། ཨོཾ་ཧ་ན་ཧ་ན་སརྦ་མཱ་ར་ཡ་བཛྲ་ཛྭ་ལེ་ཧཱུཾ་ཕཊ། དེ་ནས་འདི་བཤད
48a7 པ་ཙམ་གྱིས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་རྡོ་རྗེ་རྣོན་པོ་འབར་བའི་འཕྲེང་བ་འཁྲུགས་པར་གང་བར་གྱུར་ཏོ། ། ཧཱུཾ་ཧ་ན་ཕཊ་དེ་ནས་འདི་བཤད་པ་ཙམ་གྱིས་ཚངས་པ་དང་། ཁྱབ་འཇུག་དང་དབང་ཕྱུག
48a8 ཆེན་པོ་ལ་སོགས་པ་འཇིག་རྟེན་པའི་ལྷ་ཐམས་ཅད་དང་རིགས་འཛིན་དུ་མ་དང་། ཀླུ་དང་གནོད་སྦྱིན་དང་། འབྱུང་པོ་དང་ཡི་དགས་དང་ལྷའི་བུ་མོ་དང་ཤ་ཟ་དང་དྲི་ཟ་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། ནམ་མཁའ་ལྡིང
iiif viewer powered by OpenSeadragon
