| e-texts navigator |
| Wylie |
47b1 བཤད་པ། ཕྱག་རྔ་རྗེའི་ཁང་པར་སོང་དེ།། ཕྱག་ན་རྡོ་རྗེ་དང་ཉེ་བར་འདབ་མ་ལ་བྲིས་ལ། ཀར་བི་རའི་མེ་ཏོག་བྱིན་ཏེ། ནམ་བྱེད་ཀྱི་བར་དུ་བཟླས་ན་རང་ཉིད་རྡོ་རྗེ་འཆང་གི་ཁྱིམ་དུ་རིངས་པར་འོང་།། འོངས་པ་ལ་ག་ད། བཻ་ཆུའི་མཛོད
47b2 ཡོན་བྱིད་ན་ཀྱེ་སྒྲུབ་པ་པོ་བཀཱ་ཙི་སུལ་ཞེས་སྨྲའོ། ། བསྒྲུབ་པ་པོས་བདག་གི་མངག་གཞུག་གྱིས་ཤིག་ཅེས་བརྗོད་ན་རྟག་ཏུ་རྗེས་སུ་འབྲང་ཞིང་རས་དང་རྒྱན་དང་། བཟའ་བ་ལ་སོགས་པ་སྟེར་རོ།། དེ་མ་ལུས་བཟད་པ་བྱས་ཏེ
47b3 གལ་ཏེ་ནུང་ཟད་བ་དག་ན་ཕྱིས་འབྱུང་བར་མི་འགྱུར་རོ། ། མཚན་མོ་གཞལ་ཡས་ལང་སྐྱེད་པར་བྱེད་དོ།། དེ་ནས་གར་བྱེད་མའི་སྒྲུབ་པའི་ཐབས་བཤད་པ་ཆུ་བོ་འདུས་པའི་འགྲམ་དུ་སོང་སྟེ། བརྒྱད་སྟོང་བཟླས་ནས་ཉི་མ་བདུན་ན
47b4 མཆོད་པ་ཆེན་པོ་བྱས་ལ་ཉི་མ་ཤར་བ་ཙམ་གྱིས་བཟླས་པ་རྫོགས་པར་བྱ་སྟེ། ཙན་དན་གྱི་བདུག་པ་བྱིན་ནས་ཡང་བཟླས་ན་ནམ་ཕྱེད་ཀྱི་དུས་ན་ངེས་པར་འོང་ངོ་།། འོངས་པ་ལ་འདོད་པས་ལོངས་སྤྱད་ན་ཆུང་མར་འགྱུར་རོ།། ལྷའི
47b5 གསེར་སྲད་བརྒྱ་མལ་དུ་དོར་ནས་ཐོ་རངས་ཀྱིས་འགྲོའོ། ། དེ་བཞིན་དུ་ཉི་མ་རེ་རེ་རྟག་ཏུ་གནས་པར་འགྱུར་རོ།། དེ་ཡང་མ་ལུས་པར་ཟད་པར་བྱས་ཏེ། གལ་ཏེ་ཅུང་ཟད་ལུས་ན་ཕྱིན་ཆད་འབྱུང་བར་མི་འགྱུར་རོ།། དེ་ནས་བྲན
47b6 མ་ཨོ་ཆེན་མོ་སྒྲུབ་པའི་ཐབས་ཀྱི་ཆོ་ག་རྒྱས་པ་དངོས་གྲུབ་སྣ་ཚོགས་གྲུབ་པར་བྱེད་པ་བཟླས་པ་ཙམ་གྱིས་རྟག་ཏུ་འགྲུབ་ཅིང་སྦྱིན་བསྲེག་གི་ལས་མི་དགོས་ལ་སྔོན་དུ་བསྙེན་པ་བྱས་པས་ཕྱག་ན་རྡོ་རྗེས་ཇི་ལྟར་གསུངས
47b7 པ་ལྟར་སྐད་ཅིག་དེ་ལ་འགྲུབ་པའི་དགའ་བྱེད་མའི་སྒྲུབ་པའི་ཐབས་བཤད་པ། མཚན་མོ་རང་གི་ཁྱིམ་སྒོར་བཟླས་ན་ཉི་མ་གསུམ་ན་ངེས་པར་འོང་ངོ་།། བྲན་མོའི་ལས་བྱེད་ཅིང་ས་བོན་ཐམས་ཅད་དང་ཞིང་གི་ལས་དང
47b8 ཁྱིམ་གྱི་བྱ་བ་ལ་སོགས་པ་བསྒྲུབ་པར་བྱེད་དོ། ། དེ་ནས་འདོད་པའི་དབང་ཕྱུག་མའི་སྒྲུབ་པའི་ཐབས་བཤད་པ། ཤའི་ཟས་ཁྱེར་ཏེ་མ་མོའི་གནས་སུ་སོང་ནས་མཚན་མོ་ཉ་དང་ཤེས་བྱ་བ་བྱས་ཏེ། ལན་སྟོང་བཟླས་ན་ཉི་མ
iiif viewer powered by OpenSeadragon
