| e-texts navigator |
| Wylie |
47a1 རྣ་ཅན་མ་དང་། དོ་ཤལ་ཅན་མ་དང་སེང་གེ་མ་དང་། རྒོད་བྱེད་མ་དང་གར་བྱེད་མ་དང་། དགའ་བ་མ་དང་འདོད་པའི་དབང་ཕྱུག་མ་དང་། ལྷ་མོ་རྣམས་སོ།། འབྱུང་མོ་བརྒྱད་པ་རྣམས་རུང་མར་དོན་དུ་གཉེར་རམ། མར
47a2 གཉེར་རམ་ཡང་ན་སྲིང་མོར་གཉེར་ན་སྒྲུབ་པ་པོ་ཤིང་གཅིག་པར་སོང་སྟེ། མཚན་མོ་དང་ཉིན་མོ་དུས་གསུམ་དུ་སྟོང་ཕྲག་བརྒྱད་བཟླས་ནས་བཟླས་པའི་མཐར་མཆོད་པ་ཆེན་པོ་བྱས་ནས། གུ་གུལ་གྱི་བདུག་པ་བྱིན་ཏེ་བཟླས་ན
47a3 དེ་ནས་ནམ་བྱེད་ཀྱི་དུས་སུ་རྒྱན་ཅན་མ་ངེས་པར་འོང་ངོ་། ། འོངས་པ་ལ་ཙན་དན་གྱི་ཆུའི་ཡོན་ཆབ་བྱིན་ན། དགའ་བར་འགྱུར་རོ།། མ་དང་སྲིད་མོ་དང་ཆུང་མར་འགྱུར་ཏེ། གང་མངོན་པར་འདོད་པ་དེ་སྨྲ་བར་བྱའོ།། གལ་ཏེ་མར་གྱུར
47a4 ན་ནི་འཁོར་བརྒྱད་བརྒྱའི་གོས་དང་། རྒྱན་དང་བཟའ་བ་ལ་སོགས་པ་སྟེར་རོ།། གལ་ཏེ་ཆུང་མར་གྱུར་ན་ནི་དོང་ཚེ་སྟོང་སྟོང་སྟེར་ཞིང་དངུལ་ཆུ་དང་བཅུད་ཀྱིས་ལེན་སྟེར་རོ།། གལ་ཏེ་སྲིང་མོར་གྱུར་ན་ནི་དཔག་ཚད་སྟོང་ནས་བུད་མེད་བཟང་མོ
47a5 བླངས་ནས་སྟེར་ཞིང་དངུལ་ཆུ་དང་བཅུད་ཀྱིས་ལེན་སྟེར་ལ་ལྷའི་གཏེར་སྟེར་རོ། ། མཚན་མོ་དུར་ཁྲོད་དུ་སོང་སྟེ་ཁྲི་བཟླས་ན་བཟླས་པའི་མཐར་རྣ་ཆ་དང་། དོ་ཤལ་ཅན་གྱི་འབྱུང་མོ་ངེས་པར་འོང་ངོ་།། འོངས་པ་ལ་ཁྲག་གི་མཆོད
47a6 ཡོན་བྱིན་ན་དགའ་བར་འགྱུར་རོ། ། མ་གྱིས་ཤིག་ཅེས་བསྒོ་ན་མ་དང་འདྲ་བར་ཡོངས་སུ་སྐྱོང་བར་བྱེད་དོ།། མཚན་མོ་ལྷ་ཁང་སྟོང་པར་སོང་སྟེ་ཁྲི་བཟླས་ན་འབྱུང་མོ་དོ་ཤལ་ཅན་མྱུར་དུ་འོང་ངོ་།། འོངས་པ་ལ་ཆགས་པ་སྤྲད་ན
47a7 དུང་མར་འགྱུར་རོ། ། འགྲོ་བ་བཅུ་གཉིས་ཡོངས་སུ་སྐྱོང་བར་བྱེད་ཅིང་དོང་རྩེ་ཉི་ཤུ་རྩ་ལྔ་དང་རས་ཟུང་གཅིག་སྟེར་རོ།། དེ་ནས་སེང་གེ་མའི་སྒྲུབ་ཐབས་བཤད་པ་མཚན་མོ་ལིང་ཀ་གཅིག་པར་སོང་སྟེ། ཁྲི་བཟླས་ན་རང་ཉིད
47a8 འོངས་ཤིང་ཀྱེ་སྒྲུབ་པ་པོ་བཀའ་ཅི་སྩལ་ཞེས་སྨྲ་ཞིང་སྒྲུབ་པ་པོས་ཆུང་མ་བགྱིས་ཤིག་ཅེས་བསྒོ་ན་ལྷའི་དངུལ་ཆུ་དང་བཅུད་ཀྱིས་ལེན་སྟེར་ཞིང་དོང་རྩེ་བརྒྱད་དང་རས་ཟུང་ཅིག་སྟེར་རོ། ། དེ་ནས་རྒོད་བྱེད་མའི་སྒྲུབ་ཐབས
iiif viewer powered by OpenSeadragon
