| e-texts navigator |
| Wylie |
46a1 གསུངས་པ་དངོས་གྲུབ་ཀྱི་མཆོག་བཤད་པར་བྱ་སྟེ། ལེ་ལོ་ཅན་དང་སྡིག་པ་བྱེད་པ་དང་བརྫུན་དུ་སྨྲབས་ཀྱང་གྲུབ་པར་བྱེད་དོ།། ཚུལ་ཁྲིམས་དང་ལྡན་པ་དང་། ཟང་ཟིང་སྤངས་པ་དང་ཚངས་པར་སྤྱོད་པ་ལ་རྟག་ཏུ
46a2 གནས་པ་དང་། རྟག་ཏུ་ཁྲོ་བོའི་བཟླས་པ་ལ་གནས་པས་འབྱུང་མོ་དང་། ཀླུ་མོ་དང་གནོད་སྦྱིན་མོ་བསྒྲུབ་པར་འདོད་ན་སྔགས་ཀྱི་ཚོགས་ཀྱིས་དགུག་པ་ལ་སྦྱར་བར་བྱའོ།། ལྷ་མོ་ཨུ་མ་བསྒྲུབ་པར་བྱེད་པ་རྣམས་ལ་ཕན་པའི་དོན་དུ
46a3 བསྙེན་བཀུར་དུ་མར་བྱ་བར་བཤད་པའོ། ། དང་པོར་བསྒྲུབ་པར་བྱ་ཞིང་དེའི་འོག་ཏུ་དངོས་གྲུབ་ཀྱི་མཆོག་བཟང་པོ་རིག་འཛིན་དང་། ཕྱོགས་ཀྱི་བདག་པོ་དང་ནོར་གྱི་ཆར་དང་། གཏེར་ཆེན་པོ་དང་ཡིད་བཞིན་གྱི་ནོར་བུ་དང་བུམ་པ
46a4 བཟང་པོ་ལ་སོགས་པ་དང་གནོད་སྦྱིན་མོའི་བསྒྲུབ་པ་དང་། ཤ་ཟ་མོ་དང་ས་ལ་འཇོམས་མ་ལ་སོགས་པ་གསུངས་པ་རྣམས་འགྲུབ་སྟེ། སངས་རྒྱས་ཉིད་ཀྱང་འགྲུབ་ན། ཐ་མལ་པ་འབྱུང་མོ་བྲན་དུ་བྱ་བ་རྣམས་ལྟ་སྨོས་ཀྱང་ཅི་དགོས།
46a5 ཏེ། དེའི་མོདདོ་ལ་འགྲུབ་པར་འགྱུར་རོ།། འབྱུང་པོ་འདུལ་བྱེད་ཀྱི་རྒྱུད་ཆེན་པོ་ལ་ནི་སྒྲུབ་པ་པོ་རྟག་ཏུ་ཁྲོ་བོའི་བཟླས་པ་ལ་གནས་ན་སློབ་དཔོན་ལ་སྨོད་པ་དང་། ལྷ་ཐམས་ཅད་ལ་སྨོད་པ་དང་། དམ་པའི་ཆོས་སྤོང་བ་དང་། ཐམས་ཅད
46a6 དུ་དམ་ཚིག་ཉམས་པ་དང་། མེད་པ་དང་སྔགས་དང་རྒྱུད་སྤངས་པས་ཀྱང་གལ་ཏེ་འདོད་ན་ངེས་པར་དེའི་མོད་ལ་མྱུར་དུ་འགྲུབ་པར་འགྱུར་བར་ཁྲོ་བོ་ཉིད་ཀྱིས་གསུངས་སོ།། བཅོམ་ལྡན་འདས་དཔལ་རྡོ་རྗེ་འཆང་ཁྲོ་བོའི་བདག
46a7 བོས་འདི་སྐད་ཅེས་གསུངས་སོ། ། དེ་ནས་འདིར་མཆོག་ཏུ་གསང་བ་ཆེན་པོ་འབྱུང་པོ་འདུལ་བའི་རྒྱུད་ཀྱི་རྒྱལ་པོའི་སྒྲུབ་པའི་ཐབས་གསུངས་པ། དང་པོ་རེ་ཤིག་ཀླགས་པ་ཙམ་གྱིས་འགྲུབ་པར་བྱེད་པ་བྲན་པོ་དང་། བྲན་མོ
46a8 ཐམས་ཅད་སྒྲུབ་པར་བྱེད་པ། དཔལ་རྡོ་རྗེ་འཆང་ཁྲོ་བའི་བདག་པོ་བཟླས་པ་ཙམ་གྱིས་མྱུར་དུ་འགྲུབ་པར་བྱེད་པ་དོན་ཡོད་ཅིང་བགེགས་འཇོམས་ལ་གྲུབ་པར་བྱེད་པའི་སྔགས་ཀྱི་ཚིག་རྣམས་སོ།། ཨོཾ་གྲྀ་ཧཱུ~ཾ་ཀ་ནྱག་རྒྱ་ཆེག།
iiif viewer powered by OpenSeadragon
