| e-texts navigator |
| Wylie |
45a1 ཏེ་སྟང་ཕྲག་བརྒྱད་བཟླས་ན་ཉི་མ་བདུན་ན་ལྷ་ཆེན་པོ་མྱུར་དུ་འོང་ངོ་། ། གལ་ཏེ་མ་འོངས་ན་དེའི་མོ་ལ་འཆིའོ།། སྲེད་མེད་ཀྱི་བུ་མནན་ཏེ་ཉི་མ་བདུན་སྟོང་ཕྲག་བདུན་བཟླས་ན་ཉི་མ་བདུན་པ་ལ་ངེས་པར་འོང་ངོ་།། གལ་ཏེ་མ་འོངས
45a2 ནསྤྱི་བོ་འགས་པ་འམ་སྐམས་པར་འགྱུར་རོ། ། ངེས་པར་སྲེད་མེད་ཀྱི་བ་འཁོར་དང་བཅས་པ་མངག་གཞག་པར་འགྱུར་རོ།། ཚངས་པ་མནན་ཏེ་སྟོང་ཕྲག་བརྒྱད་བཟླས་ན་ཉི་མ་བདུན་ནམྦར་བར་འོང་སྟེ་གལ་ཏེ་མ་འོངས་ན་སྐམས་ཏེ
45a3 འཆིའོ། ། མངག་གཞུག་པར་འགྱུར་རོ།། བརྒྱ་བྱིན་རྐང་པ་གཡོན་པས་མནན་ཏེ། ཉི་མ་བདུན་དུ་སྟོང་ཕྲག་བརྒྱད་བཟླས་ན་ཉི་མ་བདུན་ན་ངེས་པར་འོང་སྟེ། གལ་ཏེ་མ་འོངས་ན་ངེས་པར་འཆི་བར་འགྱུར་རོ།། འདིས་བརྒྱ་བྱིན
45a4 མངག་གཞུག་པར་འགྱུར་ཞིང་བང་ན་གནས་པ་བླངས་ཏེ་སྟེར་བར་བྱེད་དོ། ། གལ་ཏེ་མ་འོངས་ན་སྤྱི་བོ་འགས་ཤིང་དུམ་བུ་བརྒྱར་འཇིག་ལ་རང་གི་རིགས་རྒྱུད་རྣམས་བརླག་པར་འགྱུར་རོ།། གཞོན་ནུ་མནན་ནས་སྟོང་ཕྲག་བརྒྱད
45a5 བཟླས་ན་ཉི་མ་བདུན་ན་མྱུར་དུ་འོང་སྟེ། གཞོན་ནུ་མ་ངག་གཞུག་པར་འགྱུར་རོ།། གཞོན་ནུའི་གདོན་ཐམས་ཅད་བྲན་དུ་འགྱུར་ཞིང་ཆེ་གེ་མོ་འཚོ་བར་གྱིས་ཤིག། ཆེ་གེ་མོ་སོད་ཅིག་ཅེས་སྨྲས་ན་དེ་དག་ཐམས་ཅད་བྱེད་དོ།། ཚོགས
45a6 ཀྱི་བདག་པོ་མནན་ཏེ། སྟོང་ཕྲག་བརྒྱད་བཟླས་ན་ཉི་མ་བདུན་ན་མྱུར་དུ་འོང་སྟེ། གལ་ཏེ་མ་འོངས་ན་རིགས་རྒྱུད་བརླག་ཅིང་འཆི་བར་འགྱུར་རོ།། ལོག་འདྲེན་ཐམས་ཅད་མངག་གཞུག་པར་འགྱུར་རོ།། ཉི་མ་རྐང་པ་གཡོན་པས་མནན་ཏེ།
45a7 བརྒྱད་སྟོང་བཟླས་ན་ཉི་མ་བདུན་ན་མྱུར་དུ་འོང་སྟེ་རྒྱལ་སྲིད་སྟེར་རོ།། གལ་ཏེ་མ་འོངས་ན་འཆི་འམ། རང་གི་རྒྱུད་བརླག་པར་འགྱུར་རོ།། ཟླ་བ་མནན་ཏེ་བརྒྱད་སྟོང་བཟླས་ན་ཉི་མ་བདུན་ན་མྱུར་དུ་འོང་ཞིང་མངག་གཞུག་པར་འབྱུང
45a8 ལ་གསེར་སྲད་བརྒྱ་སྟེར་རོ། ། གལ་ཏེ་མ་འོངས་ན་སྤྱི་བོ་འགས་ཤིང་སྐམས་ཏེ་འཆི་བར་འགྱུར་རོ།། རང་གི་རིགས་དང་རྒྱུད་ཕུང་བར་ཡང་འགྱུར་རོ།། འདི་ནི་ཟླ་བ་འཁོར་དུ་བསྒྲུབ་པར་བཤད་པའོ།། འཇིགས་བྱེད་རྐང་པ་གཡོན
iiif viewer powered by OpenSeadragon
