| e-texts navigator |
| Wylie |
44a1 ཡ་མ་ཧཱ་ཀྲོ་དྷ། ཨ་དྷི་པ་ཏི་ཀྲོ་དྷ་རཱ་ཛ། ཨི་མ་མ་བྷ་ཏ་ཨ་སན་དང་ཤ་ཡ་རཀྵ་སྭཱ་ཧཱ། གདན་གྱི་སྔགས་སོ།། དེ་ནས་ལྷའི་གདན་གྱི་ཕྱག་རྒྱ་བཤད་པ། ཐལ་མོ་སྦྱར་བ་བྱས་ཏེ་སོར་མོ་ཐམས་ཅད་བཀྲམ་པ་ནི་པད་མའི་ཕྱག་རྒྱར
44a2 བརྗོད་པ་སྟེ། འདི་ནི་ཕྱག་རྒྱའོ།། སྔགས་ནི། ཨོཾ་པད་མོ་བྷ་བ་ནི་ཥ་ཎ་ཎ་སརྦ་དེ་བ་ཏཱི་སྭཱ་ཧཱ། ལྷ་ཐམས་ཅད་ཀྱི་གདན་གྱི་པད་མའི་ཕྱག་རྒྱ་དང་སྔགས་སོ།། པད་མའི་ཕྱག་རྒྱ་འདི་ཉིད་ལས་མཐེ་བོ་གཡོན་པ་བསྐུལ་བས་ལྷ་ཐམས་ཅད་སྤྱན་དྲང་བ
44a3 དང་གཤེགས་སུ་གསོལ་བའི་ཕྱག་རྒྱ་སྟེ་སྔགས་ནི་ཨོཾ་ས་ར་ས་ར་བི་ས་ར་བི་ས་རེ། གཙྪ་གཙྪ་སརྦ་དེ་བ་ཏཱན། ཤྲཱི་བཛྲ་དྷ་ར་ས་མ་ཨད་ཛྙཱ་བ་ཡ་ཏི་སྭཱ་ཧཱ། གཤེགས་སུ་གསོལ་བའི་སྔགས་སོ།། ཁྲོ་ཆེན་ཐམས་ཅད་གྲུབ་མཛད་པ།
44a4 དངོས་གྲུབ་བདེ་བར་སྦྱིན་མཛད་པ།། མཐུ་ཆེན་བླ་ན་མེད་པ་ནི།། བདག་ལ་སྤྲུལ་སྟེ་གཤེགས་སུ་གསོལ།། བསྟོད་པ་འདིས་བསྟོད་པར་བྱའོ།། འབྱུང་པོ་འདུལ་བའི་རྒྱུད་ཀྱི་རྒྱལ་པོ་ཆེན་པོ་ལས་དངོས་གྲུབ་ཀྱི་ཆོ་ག་དཀྱིལ་འཁོར་གྱི་སྒྲུབ
44a5 པ་རྫོགས་སྷོ། ། །། དེ་ནས་ཁྲོ་བོའི་བདག་པོ་ཆེན་པོ་ཕྱག་ན་རྡོ་རྗེས་འདི་སྐད་ཅེས་གསུངས་སོ།། དཀྱིལ་འཁོར་ཆེན་པོ་འདི་མཐོང་བ་ཙམ་གྱིས་ཁམས་གསུམ་པའི་རྒྱལ་སྲིད་འཐོབ་ཅིང་འདིའི་རྡོ་རྗེ་འཆང་བཟླས་པ་ཙམ་གྱིས་རྡོ
44a6 རྗེ་འཆང་དང་མཚུངས་པར་འགྱུར་རོ། ། གལ་ཏེ་མ་གྲུབ་ན་ཡང་གླིང་བཞི་པའི་འཁོར་ལོས་སྒྱུར་བའི་རྒྱལ་པོར་འགྱུར་རོ།། དཔལ་རྡོ་རྗེ་འཆང་ཁྲོ་བོའི་བདག་པོ་བཟླས་པ་ཙམ་གྱིས་འབྱུང་པོ་ཐམས་ཅད་བྲན་དུ་འགྱུར་རོ།། གལ་ཏེ་སྔགས
44a7 པ་ཁྲོས་ན་ཁྲོས་པ་ཙམ་གྱིས་འཇིག་རྟེན་པའི་ལྷ་ཐམས་ཅད་དུམ་བུ་བརྒྱར་ཞིག་པར་འགྱུར་རོ། ། ཀླུ་དང་གནོད་སྦྱིན་ཐམས་ཅད་མཐོང་བ་ཙམ་གྱིས་གསོད་ཅིང་འཇིག་རྟེན་པའི་ལྷ་ཐམས་ཅད་ཧཱུཾ་གི་སྒྲ་ཙམ་གྱིས་འབྲོས་པར་བྱེད་དོ།། དེ་ནས
44a8 དཔལ་རྡོ་རྗེ་འཆང་ཁྲོ་བའི་བདག་པོ་ཆེན་པོའི་སྔོན་དུ་བསྙེན་པ་བྱ་བ་བཤད་པ། བདག་ཉིད་བསྲུང་བའི་སྔགས་འབུམ་བཟླས་ན་མྱུར་དུ་འགྲུབ་པར་བྱེད་པའོ།། དེ་ནས་དཔལ་རྡོ་རྗེ་འཆང་བསྒྲུབ་པར་འདོད་ན་ཟླ་བ་ཅིག་ཏུ་དུས་གསུམ་དུ་མྱོང
iiif viewer powered by OpenSeadragon
