| e-texts navigator |
| Wylie |
43b1 སོར་མོ་མནན་ནས་སོར་མོ་ལྷག་མ་བཀྲམ་པ་ནི་བརྒྱ་བྱིན་གྱི་རྡོ་རྗེའི་ཕྱག་རྒྱའོ།། ལག་པ་གཡོན་པའི་ཐལ་མོ་མཉམ་པར་བྱས་ཏེ། ཅུང་ཟད་བསྐྱོད་པ་ནི་མེའི་ཕྱག་རྒྱའོ།། ལག་པ་གཡས་པ་ཁུ་ཚུར་བཅངས་ཏེ་འཛུབ་མོ་བརྐྱང་བ་ནི་གཤིན
43b2 རྗེའི་དབུག་ཏོའི་ཕྱག་རྒྱའོ། ། ལག་པ་གཡས་པ་ཁུ་ཚུར་བཅངས་ཏེ་འཛུབ་མོ་དང་གུང་མོ་བརྐྱང་བ་ནི་སྲིན་པོའི་བདག་པོ་རལ་གྲིའི་ཕྱག་རྒྱའོ།། ལག་པ་གཡོན་པའི་ཁུ་ཚུར་བཅངས་ཏེ། འཛུབ་མོ་བརྐྱང་ནས་བསྐྱིལ་བ་ནི་ཆུ་ལྷའི་ཞགས།
43b3 པའི་ཕྱག་རྒྱའོ།། ལག་པ་གཡོན་པའི་ཁུ་ཚུར་བཅངས་ལ་འཛུབ་མོ་དང་། གུང་མོ་བརྐྱང་བ་ནི་རླུང་ལྷའི་བ་དན་གྱི་ཕྱག་རྒྱའོ།། ལག་པ་གཡས་པ་ཁུ་ཚུར་བཅངས་ཏེ། མཐེ་བོ་བརྐྱང་བ་ནི་རྣམ་ཐོས་ཀྱི་གླང་པོ་ཆེའི་ཕྱག་རྒྱའོ།། ལག་པ
43b4 གཡོན་པ་ཁུ་ཚུར་བཅངས་ཏེ། མཐེའུ་ཆུང་གིས་སོར་མོ་མནན་ནས་སོར་མོ་ལྷག་མ་བརྐྱང་བ་ནི་དབང་ལྡན་གྱི་ཏྲི་ཤུ་ལའི་ཕྱག་རྒྱའོ།། དེ་ནས་རྫོགས་པར་བྱེད་པའི་ཕྱག་རྒྱ་བཤད་པ། ཐལ་མོ་སྦྱར་བ་ནི་རྫོགས་པར་བྱེད་པའི་ཕྱག་རྒྱའོ།།
43b5 སྔགས་བཤད་པ། ཨོཾ་སིད་དྷི་བཛྲ། ཨ་སུ་ར་ཡ་ཨཱ། ཨ་སུ་ར་ཡ་ཧཱུཾ། རྫོགས་པར་བྱེད་པའི་སྔགས་དང་ཕྱག་རྒྱའོ།། དེ་ནས་དངོས་གྲུབ་དགུག་པའི་སྔགས་དང་ཕྱག་རྒྱ་བ། དབ་ཀུ་ཚུར་སོ་སོར་བཅངས་ནས་མཐེའུ་ཆུང་གཉིས་འཁྱུད་དེ།
43b6 འཛུབ་མོ་གཉིས་བརྐྱང་ནས་བསྐྱིལ་བ་ནི་དངོས་གྲུབ་དགུག་པའི་ཕྱག་རྒྱའོ།། སྔགས་ནི་ཨོཾ་བཛྲ་རོ་ཥ་མ་ཧཱ་ཀྲོ་དྷ་སིད་དྷ་ཨཱ་ཀཪྵ་ཡེ་ཧཱུཾ་ཛ་དངོས་གྲུབ་དགུག་པའི་སྔགས་སོ།། རྒྱལ་པོ་ཆེན་པོའི་དངོས་གྲུབ་ནི།། ཁྲོ་བའི་བསྟན་པའི
43b7 དངོས་གྲུབ་སྟེ། ། ལྷ་རྣམས་ཀུན་གྱི་དངོས་གྲུབ་མཆོག། བདག་ལ་མྱུར་དུ་བསྒྲུབ་དུ་གསོལ།། རྡོ་རྗེ་གསོར་ཞིང་སྔགས་དེ་དང་འདི་བརྗོད་པར་བྱའོ།། དེ་ནས་འབྱུང་མོའི་གདོན་གྱི་ཕྱག་རྒྱ་བརྒྱ་བཤད་པ་ལག་པ་གཡོན་པའི་ཐལ་མོ་མཉམ
43b8 པར་བྱས་ནས་མཐེ་བོང་སྒྲེང་སྟེ་ལག་པ་གཡས་པའི་ཁུ་ཚུར་གྱིས་ལག་པ་གཡོན་པའི་གཞན་གྱིས་མི་ཐུབ་པའི་ཕྱག་རྒྱ་བཅིངས་ཏེ་གཡས་པའི་མཐེ་བོང་བསྒྲེང་བ་ནི་རྡོ་རྗེ་འཆང་གི་འབྱུང་པོ་གདོན་གྱི་ཕྱག་རྒྱའོ། ། ཨོཾ་ཛ་ཡ་ཛ
iiif viewer powered by OpenSeadragon
