| e-texts navigator |
| Wylie |
42b1 པར་བྱས་ནས་མཐེ་བོ་གཉིས་འཛུབ་མོ་ལ་བཅངས་པ་ནི་ཡོན་ཆབ་ཀྱི་ཕྱག་རྒྱའོ། ། ཁུ་ཆུར་སོ་སོར་བཅངས་ལ་མཐེ་བོ་བརྐྱང་བ་ནི་སྟངས་སྟབས་ཀྱི་ཕྱག་རྒྱའོ།། འཚུར་སོ་སོར་ཐ་དད་པར་བཅངས་ཏེ། འཛུབ་མོ་གཡོན་པ་བརྐྱང་ནས
42b2 དཔུང་པ་གཡས་པའི་རྩ་བར་བཞག་གོ། ། གཡས་པས་མཐེ་བོས་མཐེའུ་ཆུང་གི་སོར་མོ་མནན་ཏེ། སོར་མོ་ལྷག་ས་བརྐྱང་ནས་ཕྱོགས་བཅུར་བསྐོར་བ་ནི་བཅིང་བའི་ཕྱག་རྒྱའོ།། དེ་ནས་ལྷ་ཆེན་པོའི་ཕྱག་རྒྱ་བཤད་པ། ཐལ་མོ་མཉམ་པར་སྦྱར
42b3 ཏེ། མཐེའུ་ཆུང་དང་སྲིན་ལག་བཀུག་པ་ནི་དྲག་པོའི་ཕྱག་རྒྱའོ།། ཐལ་མོ་མཉམ་པར་སྦྱར་ནས་འཛུབ་མོ་གཉིས་འཁྱུད་དེ་བཀུག་པ་ནི་སྲེད་མེད་ཀྱི་བུའི་དུང་གི་ཕྱག་རྒྱའོ།། སོར་མོ་ཕན་ཚུན་བསྣོལ་ནས་མཐེའ་ཆུང་རབ་ཏུ་བརྐྱང་བ་ནི་སྐྱེ་དགུའི།
42b4 བདག་པོའི་སྤྱི་ཐུགས་ཀྱི་ཕྱག་རྒྱའོ།། ལག་པ་གཡོན་པ་ཁུ་ཚུར་བཅངས་ཏེ་གུང་མོའི་སོར་མོ་བརྐྱང་བ་ནི་ཁྲུང་ཁྲུང་འཇོམས་པའི་མདུང་གི་ཕྱག་རྒྱའོ།། གུང་མོ་སོར་མོའི་ཚིགས་བཀུག་པ་ནི་ཚོགས་ཀྱི་བདག་པོའི་དགྲ་སྟའི་ཕྱག
42b5 རྒྱའོ། ། ཐལ་མོ་མཉམ་པར་སྦྱར་ནས་བཀྲ་ཤིས་ཀྱི་ལག་པར་བྱས་ཏེ། གཡོན་པའི་མཐེའུ་ཆུང་གིས་སྙིང་པོ་བྱས་ནས་གཡོན་པའི་མཐེ་བོའི་རྩེ་མོར་བཞག་ཅིང་། གཡས་པའི་མཐེ་བོང་དེའི་སྟེང་དུ་བཞག་པ་ནི་ཉི་མའི་ཤིང་རྟའི་ཕྱག་རྒྱའོ།།
42b6 ལག་པ་གཡས་པ་བརྐྱང་ནས་འཛུབ་མོ་དང་སྲིན་ལག་བཀུག་པ་ནི་སྒྲ་གཅན་གྱི་ཕྱག་རྒྱའོ།། ལག་པ་གཡས་པ་གར་གྱི་ཚུལ་གྱིས་གཡོན་པའི་སྟེང་དུ་བཞག་ཅིང་ལག་པ་གཡོན་པ་ཁུ་ཚུར་བཅངས་ཏེ་འཛུབ་མོ་དང་གུང་མོ་བརྐྱང་ནས་མཐེ
42b7 བོང་གིས་མཐེའུ་ཆུང་དང་། སྲིན་ལག་གི་སེན་མོ་མནན་པ་ནི་དགའ་བའི་དབང་ཕྱུག་གི་ཕྱག་རྒྱའོ།། ཁུ་ཚུར་སོ་སོར་ཐ་དད་པར་བཅངས་ཏེ་མཐེའུ་ཆུང་འཁྱུད་པ་ནི་ལྷ་མོ་དཀའ་བཟློག་མའི་ཕྱག་རྒྱའོ།། ལག་པ་གཉི་ཀ་གདེངས་ཀ་ལྟར་བསྟན་ཏེ།།
42b8 སྤྱི་བོར་བཞག་པ་ནི་དཔལ་ལྷ་མོའི་ཕྱག་རྒྱའི་མཚན་ཉིད་དོ།། ཐལ་མོ་སྦྱར་ནས་ནམ་མཁའ་ལ་བསྐྱོད་པ་ནི་ཟླ་བའི་ཕྱག་རྒྱའོ།། ཁུ་ཚུར་སོ་སོར་བཅངས་ལ་མཐེའུ་ཆུང་དང་འཛུབ་མོ་འཁྱུད་པ་ནི་ལྷ་མོ་ཟླ་བའི་ཕྱག་རྒྱའོ།། དེ་ནས་རིན་ཆེན་རྒྱན
iiif viewer powered by OpenSeadragon
