| e-texts navigator |
| Wylie |
41a1 རླུང་དུ་རླུང་གི་ལྷ་ཉིད་དོ།། བྱང་དུ་ལུས་ངན་རྒྱལ་པོ་བདག། དབང་ལྡན་ཟླ་བ་བྲི་བྱ་སྟེ།། རང་རང་གནས་སུ་དགོད་པར་བྱ།། དེ་ནས་དཀྱིལ་འཁོར་དུ་འཇུག་པའི་ཆོ་ག་བཤད་པར་བྱ་སྟེ། རྡོ་རྗེ་སློབ་དཔོན་བདག
41a2 ཉིད་གཙུག་གཏོར་སྔོན་པོ་བཅིངས་ཏེ། རམ་སྔོན་པོ་ཟུང་ཅིག་བགོས་ནས། རྡོ་རྗེ་གསོར་ཞིང་འདི་སྐད་ཅེས་བརྗོད་དོ།། སེམས་ཅན་ཀུན་ལ་ཕན་དོན་དུ།། མྱུར་དུ་དངོས་གྲུབ་སྦྱིན་མཛད་པ།། གྲུབ་པའི་རྡོ་རྗེ་ཁྲོ་བོ་ཆེ།། ལྷ་ཉིད
41a3 དམ་ཚིག་ལ་བཞུགས་ཤིག། དེ་ནས་དཔལ་ཁྲོ་བོ་ཆེན་པོ་ལྷ་ཉིད་དམ་ཚིག་ལ་བཞུགས་ཤིག་ཅེས་བརྗོད་དོ།། དེའི་འོག་ཏུ་དཔལ་ཁྲོ་བོ་ཆེན་པོའི་ཕྱག་རྒྱ་བཅིངས་ཏེ་གཞུག་ཅིང་འདི་སྐད་ཅེས་བརྗོད་དོ།། ཧཱུཾ་བཛྲ་ཕཊ། འདི་སྐད
41a4 བརྗོད་པ་ཙམ་གྱིས་བདག་ཉིད་ཁྲོ་བོ་འཇུག་གོ། ། དེ་ནས་སློབ་མ་གཞུག་པར་བྱ་སྟེ། རས་སྔོན་པོས་གདོད་གཡོགས་ནས་ཁྲོ་བའི་ཕྱག་རྒྱ་སྤྱི་བོར་བཀག་སྟེ། རྡོ་རྗེའི་ཆུ་ཁར་སྦྱིན་པར་བྱབྱའོ།། མེ་ཏཥྛ་ཏིཥྛས་དྷི་ཧཱུཾ་འདིས་སྦྱིན་པ་ད
41a5 བྱའོ། ། ཨོཾ་པྲ་བེ་ཤ་ཀྲོ་དྷ་ཧཱུ་ཧཱུཾ་ཧཱུཾ་ཨ། འདི་དང་ཁྲོ་བོ་དབབ་པའི་ཕྱག་རྒྱས་དབབ་པར་བྱ་སྟེ། ཡི་གེ་ཧཱུཾ་གིས་རི་རབ་ཀྱི་སྟེང་ན་འདུག་པ་ཡང་འབེབས་ཤིང་འདས་པ་དང་། མ་འོངས་པ་དང་ད་ལྟར་བྱུང་བ་ཡང་སྨྲ་བར་བྱེད་དོ།། དེ་ནས
41a6 མེ་ཏོག་དོར་བར་བྱས་ནས་དེའི་འོག་ཏུ་གདོང་གཡོགས་བཀྲོལ་ཏེ་ལྷའི་རིགས་བསྟན་ཅིང་མིང་གི་དབང་བསྐུར་ཏེ། མཆོད་པ་བྱ་ཞིང་ཕྱག་རྒྱ་དང་སྔགས་ཀྱང་བསླབ་པར་བྱའོ།། འབྱུང་པོ་འདུལ་བའི་རྒྱུད་ཆེན་པོ་ལྔ་དངོས་གྲུབ་ཀྱི
41a7 ཆོག་རྒྱས་པའི་ལེའུ་རྫོགས་སྷོ། ། །། དེ་ནས་འདིར་འབྱུང་པོ་འདུལ་བའི་རྒྱུད་ཆེན་པོ་ལས་ཆོ་ག་རྒྱས་པར་བཤད་པ། དང་པོ་རེ་ཤིག་ལག་པ་གཉིས་ལ་ཟླ་བའི་དཀྱིལ་འཁོར་བསྒོམས་ཏེ། དེ་དག་གི་དབུས་སུ་ཡི་གེ
41a8 ཧཱུཾ་འབར་བའི་ཕྲེང་བ་འཁྲུགས་པ་ལ་བསམས་ཏེ། སྔགས་འདི་བཟླས་པར་བྱའོ།། ཨོཾ་སིད་དྷི་བཛྲ་ཧཱུཾ། དེ་ནས་སྡིག་པ་ཐམས་ཅད་འཇོམས་པའི་བསྔགས་བཟླས་ཏེ། སྙིང་ཁར་ཟླ་བའི་དཀྱིལ་འཁོར་བསམས་ཏེ། དེའི་སྟེང་དུ།
iiif viewer powered by OpenSeadragon
