| e-texts navigator |
| Wylie |
40b1 འཇིག་རྟེན་གསུམ་གྱི་འབྱོར་འགྲུབ་པའོ།། ཁྲོ་བའི་མདུན་དུ་དབུ་མ་ཡི།། བདག་པ་ཡང་དག་བྲི་བར་བྱ།། ལྷོ་རུ་ཁྱབ་འཇུག་བྲི་བྱ་སྟེ།། ནུབ་ཏུ་ཚངས་པ་ལྷ་ཉིད་དོ།། བྱང་དུ་བདག་པོ་སྨིན་དྲུག་གོ།། དབང་ལྡན་དུ་ནི་ཚོགས་བདག་པོ།། འོད
40b2 ཟེར་སྟོང་གིས་མཛེས་པ་ནི། ། མེ་འི་གྲཝར་ནི་བྲི་བར་བྱ།། སྒྲ་གཅན་བདེན་བྲལ་གྲཝ་རུ་བྲི།། དགའ་བའི་དབང་ཕྱུག་རླུང་གི་གྲཝར།། གསེར་གྱི་ཁ་དོག་ལྟ་བུའི་ལུས།། རྒྱན་རྣམས་ཀུན་གྱིས་རྣམ་པར་བརྒྱན།། ནང་ཟད་དགོད་ཅིང
40b3 ཆགས་པ་ཡིས། ། བཅོམ་ལྡན་འདས་ལ་བལྟ་བ་ཡིས།། མཆོད་པའི་ལྷ་མོ་གནས་པ་རྣམས།། དཀྱིལ་འཁོར་ཕྱི་རོལ་བྲི་བྱ་སྟེ།། ཁྲོ་བོ་ཡི་ནི་གཡོན་ལོགས་སུ།། ལྷ་མོ་ཨུ་མ་བྲི་བར་བྱ།། ཁྲོ་བོ་ཡིན་མདུན་ཉིད་དུ།། དཔལ་གྱི་ལྷ
40b4 མོ་བྲི་བར་བྱ། ། ལག་པ་མེ་ཏོག་ཐོགས་པའོ།། ཁྲོ་བོ་ཡི་ནི་གཡས་ལོགས་སུ།། རྒྱན་ཀུན་གྱིས་ནི་བརྒྱན་བྱས་ཤིང་།། ལག་པ་ན་ནི་སྤོས་ཐོགས་པའི།། ཐིག་ལེ་མཆོག་ནི་ལེགས་པར་བྲི།། ཁྲོ་བོ་ཡི་ནི་རྒྱབ་ཀྱི་ཆར།། ལྷ་ཡིརྣ་ཆས
40b5 བརྒྱན་པ་ཡི། ། ལག་ན་མར་མེ་ཐོགས་པར་ནི།། ཟླ་བའི་ལྷ་མོ་བྲི་བར་བྱ།། ལཱ་ཡི་རྣཆས་བརྒྱན་པ་ཡི།། ལག་ན་དྲི་ཡི་སྣོད་ཐོགས་པ།། རིན་ཆེན་རྒྱན་གྱིས་བརྒྱན་པ་ཡི།། ལྷ་མོ་མེ་ཡི་གྲ་རུ་བྲྀ།། ཀླུ་དང་སྙན་དངགས་མད་སྨྲ་བའི།།
40b6 ཚིག་དབང་ལྷ་མོ་སྲིན་པོར་བྲི།། གནོད་སྦྱིན་ཀུན་གྱི་དབང་ཕྱུག་མ།། སྡུ་གུ་མཛེས་མ་ཞེས་གྲགས་པ།། ལག་ན་རིན་ཆེན་ཕྲེང་ཐོགས་པ།། རླུང་གི་གྲཝར་ནི་བྲི་བར་བྱ།། འབྱུང་པོ་ཀུན་གྱི་དབང་ཕྱུག་རྒྱལ།། མི་འབྱུང་ཞེས་བྱའི
40b7 འབྱུང་མོ་ནི། ། རྒྱན་རྣམས་ཀུན་གྱིས་བརྒྱན་པ་རུ།། དབང་ལྡན་གྲཝ་རུ་བྲི་བར་བྱ།། བཞིན་བཟངས་མིག་གི་སྒྲས་རིང་ཞིང་།། གཟུགས་དང་ལང་ཚོས་བརྒྱན་པ་ལ།། མདོག་ནི་གསེར་དང་འདྲ་བ་སྟེ།། སྐྲན་མཐོན་ཏིང་འཁྱིལ་བ་ལ།
40b8 ཡན་ལག་ཀུན་མཛེས་ལྷ་མོ་ནི།། སྒྲུབ་པའི་རིགས་ལ་དགའ་རྣམས་སོ།། བརྒྱ་བྱིན་ཤར་དུ་བྲི་བྱ་སྟེ།། མེ་ནི་མེ་རུ་ལེགས་པར་བྲི།། ལྷོར་ནི་གཤིན་རྗེའི་རྒྱལ་པོ་སྟེ།། སྲིན་པོའི་བདག་པོ་བདེན་བྲལ་དུ།། ནུབ་ཏུ་ཆུ་ཡི་རྒྱལ་པོའོ།།
iiif viewer powered by OpenSeadragon
