| e-texts navigator |
| Wylie |
40a1 པར་བསྟན་པ། ཁམས་གསུམ་པའི་རྒྱལ་པོ་ཆེན་པོ་འབྱུང་པོ་དང་། ཀླུ་དང་གནོད་སྦྱིན་དང་། རིག་འཛིན་རྣམས་འཇིག་པར་བྱེད་པ། བགེགས་ཐམས་ཅད་འཇོམས་པ། སྡུག་བསྔལ་བ་དང་། ཉོན་མོངས་པ་ཐམས
40a2 ཅད་སེལ་བ། གདོན་ཐམས་ཅད་དང་། རོ་ལངས་དང་ལུས་སྲུལ་པོ་རྣམས་གསོད་པ། དཀྱིལ་འཁོར་གོསང་ཆེན་ཐམས་ཅད་གྲུབ་པར་བྱེད་པ་བཤད་དུ་གསོལ། དེ་ནས་འཁོར་གྱི་དཀྱིལ་འཁོར་དེར་གནས་པའི་བྱང་ཆུབ་སེམས
40a3 དཔའ་སེམས་དཔའ་ཆེན་པོ་འཇམ་དཔལ་གཞོན་ནུར་གྱུར་པས་འབྱུང་པོའི་དབང་ཕྱུག་ལྷ་ཆེན་པོ་ལ་ལེགས་སོ་ཞེས་བྱ་བ་བྱིན་ཏེ། ལེགས་སོ་ལེགས་སོ།། ལྷ་ཆེན་པོ་མ་འོངས་པའི་དུས་ན་འཛམ་བུའི་གླིང་གི་མི་རྣམས་ལ
40a4 ཕན་པའི་དོན་དུ་འབྱུང་པོ་ཐམས་ཅད་དང་། ཀླུ་དང་གནོད་སྦྱིན་དང་། མི་འམ་ཅི་རྣམས་བྲན་མོར་སྒྲུབ་པའི་ཐབས་ཁྲོ་བོའི་བདག་པོ་ཆེན་པོས་གསུངས་ཤིག། དེ་ནས་འདིར་ནི་བཤད་བྱ་བ།། དཀྱིལ་འཁོར་ཆེན་པོ་དམ་པ་སྟེ།
40a5 གྲུ་བཞི་པ་ལ་སྒོ་བཞི་པ།། རྟ་བབས་དག་ནི་བཞིས་བརྒྱན་ཅིང་།། ཆ་རྣམས་བཅུ་དྲུག་དག་དང་ལྡན།། རྡོ་རྗེ་རབས་མཛེས་བྱས་པ།། དེའི་དབུས་དགོད་བྱདག་པོ་སྟེ།། འབར་བའི་ཕྲེང་བ་ཡང་དག་འཁྲུག། ཁྲོ་བོ་ཆེན་པོ་ཕྱག་བཞི་པ།།
40a6 མིག་སྨན་སྦྱངས་པའི་འོད་འདྲ་ཞིང་།། ཕྱག་གཡས་ཀྱིས་ནི་རྡོ་རྗེ་གསོར།། གཡོན་པའི་ཕྱག་གིས་བསྡིགས་འཛུབ་མཛད།། ཞལ་གྱི་མཆེ་བ་གཙིགས་པ་སྟེ།། སྦྲུལ་བརྒྱད་ཀྱིས་ནི་རྣམ་པར་བརྒྱན།། ཐོད་པའི་ཕྲེང་བའི་ཅོད་པན
40a7 ཅན། ། འཇིག་རྟེན་གསུམ་ཡང་འཇིགས་བྱེད་ཅིང་།། སྒྲ་ཆེར་དྲག་ཏུ་བཞད་མཛད་པ།། འཇིག་རྟེན་གསུམ་པོའི་བདག་པོ་སྟེ།། གཡོན་བརྐྱང་བ་ཡིས་ལེགས་པར་བཞུགས།། ཉི་མ་བྱེ་བའི་གཟི་ལྡན་ལ།། གཞན་གྱིས་མི་ཐུབ་ཞབས
40a8 ཀྱིས་མནན། ། ཕྱག་རྒྱ་འཆིང་བས་བཞུགས་པ་སྟེ།། སྲིན་ལག་གཉིས་ནི་འཁྱུད་ནས་སུ།། འཛུབ་མོ་གཉིས་ནི་བཀུག་བྱས་ཏེ།། མཐེའུ་ཆུང་དང་ནི་གུང་མོ་དག། མཐེ་བོ་ཡིས་ནི་མདན་བྱས་པ།། དཔལ་ལྡན་འདི་འདྲའི་རྒྱ་འཛིན་ཅིང་།།
iiif viewer powered by OpenSeadragon
