| e-texts navigator |
| Wylie |
39b1 བླངས་ནས་སྟེར་རོ། ། གལ་ཏེ་ཆུང་མར་གྱུར་ན་ནི་བུད་མེད་མཛེས་མ་ལྟ་བུས་ལུས་ཀྱི་ལོངས་སྤྱོད་སྟེར་ཞིང་རེ་བ་ཐམས་ཅད་ཡོངས་སུ་རྫོགས་པར་བྱེད་དོ།། ལོ་ཁྲི་འཚོ་ཞིང་གང་གི་ཚེ་འཆི་བ་ན་རྒྱལ་རིགས་སུ་སྐྱེ་བར་བྱེད་དོ།། དེ་ནས་ཟླ་ར
39b2 ཉེ་བ་ལ་ཁྲི་བཟླས་པ་བྱས་ནས་མཚན་མོ་ལྷ་ཁང་དུ་སོང་སྟེ་མཆོད་པ་རྒྱས་པར་བྱས་ནས་མཚན་ཐོག་ཐག་བཟླས་ན་ཐོ་རངས་ངེས་པར་འོང་ངོ་། ། འོངས་པ་ལ་ཁྲག་གི་མཆོད་ཡོན་བྱིན་ན་དགའ་བར་འགྱུར་ཞིང་། མངག་གཞུག་མར
39b3 འགྱུར་རོ། ། ཏི་དེ་ཞིང་དོང་ཙེ་ལྔ་ལྔ་སྟེར་ཞིང་ལྷའི་འདོད་པའི་བཟའ་བ་སྟེར་རོ།། ལོ་ལྔ་བརྒྱ་འཚོ་བར་འགྱུར་རོ།། འདི་ནི་ཀ་ཏ་ཡན་བརྒྱད་ཀྱི་སྒྲུབ་པའི་ཐབས་ཀྱི་ཆོ་ག་རྒྱས་པའི་ལེའུའོ།། །། དེ་ནས་རྣམ་པར་བཤད་བྱ་བ།། འབྱུང་པོ་འདུལ
39b4 བའི་རྒྱུད་ཆེན་གྱི། ། བྲན་པོ་དང་ནི་བྲན་མོ་དག། སྒྲུབ་པར་བྱེད་པའི་ཆོ་གའོ།། ཨོཾ་རཱ་ཧུ་རཱ་ཧུ། མ་ཧཱ་ཙེ་རུ་ཀ་ནན་ད་རི་དྷ་ནན་ཏི་ཏ་ཧ་ར་ཐཱ་ཡཱ། ཨོཾ་ཏྲ་ཧྲ་ཧྲ་ཏྲ་ཏྲ་གྲིཧྞ་གྲིཧྞ། མཾ་ས་སི་དྷི་མ་མེ་པྲ་ཡཙྪ་སྭཱ་ཧཱ། ར་སྐྱེས་ནག་པོའི་ཤ་བཙོད་པའི་སྔགས
39b5 ཏེ་མཚན་མོ་དྲར་ཁྲོད་དུ་སོང་ནས་བརྒྱ་རྩ་བརྒྱད་བཟླས་ན་ཤ་ཐམས་ཅད་བཙོངས་པའི་ལས་འགྲུང་བར་འགྱུར་རོ། ། མཚན་མོ་དུང་ཁྲོད་དུ་སོང་ནས་ཤ་སྲང་བརྒྱད་ཁྱེར་ནས་ཕྱོགས་བཞིར་རྣམ་པར་བལྟས་ཏེ། ཀྱེ་ཀྱེ་དུང་བྲོད་ན་གནས་པའི་འབྱུང་མོ་རྣམས་ཤ་ཉོའམ་ཞེས
39b6 བོས་ནས། བྲམ་ཟེའི་གཟུགས་ཀྱིས་མདུན་དུ་འདུག་སྟེ། ཀྱེ་སྐྱེས་བུ་ཆེན་པོ་ཙ་བཞེད་ཅེས་སྨྲ་ན། སྒྲུབ་པ་པོ་ཡིས་གསེར་འདོད་དོ་ཞེས་སྨྲ་སྟེ། གསེར་སྲང་བརྒྱ་སྟེར་བར་བྱེད་དོ།། དེ་ནས་ཤ་སྦྱིན་ཏེ་གལ་ཏེ་མི་འདོད་ན་མིག་དང་སྤྱི་བོ་འགས་པ་འམ
39b7 འཆི་བར་འགྱུར་རོ། ། དེ་ནས་དབང་ཕྱུག་ཆེན་པོ་ལྷ་ཆེན་པོ་རིག་འཛིན་བྱེ་བ་དུ་མས་ཡོངས་སུ་བསྐོར་ཏེ། ལྷའི་བུ་མོ་དུ་མ་དང་། གནོད་སྦྱིན་དང་། ཀླུ་དང་མི་འམ་ཅི་དང་། ལྟོ་འཕྱེ་ཆེན་པོ་ཁྲི་ཕྲག་བརྒྱ་སྟོང་དུ་མ་དང་ལྷན་ཅིག་ཏུ་འཁོར་གྱི་དཀྱིལ་འགྲོ
39b8 ཆེན་པོ་དེར་དཔལ་རྡོ་རྗེ་འཆར་ཁྲོ་བའི་བདག་པོ་ཆེན་པོ་ལ་ལན་གསུམ་བསྐོར་བ་བྱས་ཏེ། ཞབས་ལ་མགོ་བོས་ཕྱག་འཚལ་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ལ་མི་ཕྱེད
iiif viewer powered by OpenSeadragon
