| e-texts navigator |
| Wylie |
39a1 མོ་བསྐྱེད་མོས་ཙམ་དུ་སང་སྟེ་བརྒྱད་སྟོང་བཟླས་ན་ཉི་མ་གསུམ་ན་རྐང་གདུབ་ཀྱི་སྒྲ་ཐོས་སོ། ། ཉི་མ་བཞིན་འབྱུང་མོ་འོང་བ་མཐོང་ངོ་།། ཉིམ་ལྡན་མདུན་ན་འདུག་གོ་ཉི་མ་དྲུག་ན་དོང་ཚེ་ལྔ་སྟེར་རོ།། ཉི་མ་བདུན་ན་ཡང་འོང་སྟེ།
39a2 ཁྱིམ་དང་བཅས་ནས་འདས་པ་ལ་ཆགས་པ་བྱས་ན་ཆུང་མར་འགྱུར་རོ།། དེ་བཞིན་དུ་ཉི་མ་བརྒྱད་པ་ལ་སྔས་སུ་མཎྜཎྜལ་བྱས་ལ་གུ་གུལ་གྱི་བདུག་པ་བྱིན་ཏེ། སྟོང་ཕྲག་བརྒྱད་བཟླས་ན་འཐུང་མོའི་གཟུགས་ཀྱིས་ཁྱིམ་ང
39a3 བཅས་ནས་འོང་བ་ལ་ཆགས་པ་བྱས་ན་ཆུང་མར་འགྱུར་རོ། ། ལྷའི་མུ་ཏིག་གི་དོ་ཤལ་མལ་དུ་བོར་ནས་ཐོ་རངས་ཀྱིས་འགྲོ་སྟེ་ངེས་ཀྱང་མུ་ཏིག་གི་དོ་ཤལ་བླང་བར་བྱའོ།། བླངས་པ་ཙམ་གྱིས་དང་ཚེ་ཉི་ཤུ་རྩ་ལྔ་དང་རས་ཟུང་ཅིག་སྟེརམ
39a4 དགྲ་ཐམས་ཅད་འཇོམས་པར་བྱེད་ཅིང་ཚོལ་སྟོང་ཐུབ་པར་འགྱུར་ཏེ། ཤི་ནས་རྒྱལ་རིགས་སུ་སྐྱེའོ།། ལྷ་ཁང་སྟོང་པར་སོང་ནས་མཚན་མོ་བརྒྱད་སྟོང་བཟླས་ན་ཉི་མ་གསུམ་ན་འབྱུང་མོ་རང་ཉིད་སྣང་བ་ཆེན་པོ་བྱས་ནས་འཁོར་བརྒྱད
39a5 བརྒྱས་ཡོངས་སུ་བསྐོར་ཏེ་ངེས་པར་འོང་ངོ་། ། འོངས་པ་ལ་ཙན་དན་གྱི་ཆུའི་མཆོད་ཡོན་བྱིན་ན་དགའ་བར་འགྱུར་ཏེ་ཆུང་མར་འགྱུར་ལ་དངུལ་ཆུ་དང་བཅུད་ཀྱིས་ལེན་དང་། རྫས་ཀྱིས་གྲུབ་པ་སྟེར་རོ།། འཁོར་བརྒྱད་བརྒྱས་གོས་དང་རྒྱན
39a6 དང་བཟའ་བ་ལ་སོགས་པ་སྟེར་རོ། ། ལོ་ལྔ་སྟོང་འཚོ་ཞིང་གང་གི་ཚེ་འཆི་བ་ན་རྒྱལ་རིགས་སུ་སྐྱེའོ།། མཚན་མོ་རྒྱལ་པོའི་ཁབ་ཏུ་སོང་སྟེ། སྟོང་ཕྲག་བརྒྱད་བཟླས་ན་སྔོན་དུ་བསྙེན་པ་བྱས་པར་འགྱུར་རོ།། ནུབ་ལྔར་ཀ་ར་བི་རིའི་ཤིང་གིས
39a7 མེ་རབ་ཏུ་སྦར་ཏེ་མ་ལ་ཏིའི་མེ་ཏོག་ཞོ་མར་གྱིས་བྱུགས་ཏེ་བརྒྱད་བརྒྱ་བསྲེགས་ན་འཐུང་མོའི་རྒྱལ་མོ་དབང་ཕྱུག་ཆེན་མོ་འཁོར་ལྔ་བརྒྱའི་རྐང་གདུབ་ཀྱི་སྒྲ་ཆེན་པོས་སྲུར་དུ་འོང་ངོ་། ། འོངས་པ་ལ་མེ་ཏོག་གི་མཆོད་ཡོན་བྱིན་ནམ་དང
39a8 སྲིད་མོ་དང་ཆུང་མར་འགྱུར་རོ། ། གལ་ཏེ་མར་གྱུར་ན་སེམས་སུན་འབྱུང་བར་མི་བྱ་སྟེ། ལྷས་འདོད་པའི་བཟའ་བ་སྟེར་ཞིང་གསེར་སྲང་འབུམ་སྟེར་རོ།། གལ་ཏེ་སྲིང་མོར་གྱུར་ན་ནི་རྒྱལ་སྲིད་སྟེར་ཞིང་དཔག་ཚད་སྟོང་ནས་ཀྱང་བུད་མེད
iiif viewer powered by OpenSeadragon
