| e-texts navigator |
| Wylie |
37a1 མཐེའུ་ཆུང་བ་བྱུང་བ་ནི་མི་སྡུག་གདོང་མའི་ཕྱག་རྒྱའོ། ། ལག་པ་གཡས་པ་ཁུ་ཚུར་བཅངས་ནས་འཛུབ་མོ་བརྐྱང་བ་ནི་སྤྱོད་ངན་མའི་ཕྱག་རྒྱའོ།། ཕྱག་རྒྱ་འདི་ཉིད་ལས་འཛུབ་མོ་བཀུག་ཅིང་གུང་མོ་བརྐྱང་བ་ནི་ཀློག་ལྟར་འཇིགས
37a2 མའི་ཕྱག་རྒྱའོ། ། ཕྱག་རྒྱ་འདི་ཉིད་ལས་མཐེའུ་ཆུང་རབ་ཏུ་བརྐྱང་བ་ནི་བཞིན་མཛེས་མའི་ཕྱག་རྒྱའོ།། དུར་ཁྲོད་དུ་འཇུག་མའི་འབྱུང་མོ་ཆེན་མོ་བརྒྱད་ཀྱི་ཕྱག་རྒྱའི་མཚན་ཉིད་ཀྱི་ཆོ་ག་རྒྱས་པའི་ལེའུའོ།། །། དེ་ནས་འདིར་ནི་བཤད་བྱ།
37a3 འབྱུང་པོ་འདུལ་བའི་རྒྱུད་ཆེན་རྒྱལ།། དུར་ཁྲོད་འཇུག་པའི་འབྱུང་ཆེན་མོའོ།། བརྒྱད་པོ་སྒྲུབ་པའི་ཆོ་ག་སྟེ།། དབུལ་པོ་རྣམས་ལ་ཕན་དོན་དུ།། བྲན་མོའི་སྒྲུབ་ཐབས་དམ་པའོ།། དུར་ཁྲོད་དུ་སོང་ནས་སྟོང་ཕྲག་བརྒྱད་བཟླས་ན་སྔོན
37a4 དུ་བསྙེན་པ་བྱས་པར་འགྱུར། དེ་ནས་བསྒྲུབ་པ་བརྩམ་པར་བྱ་སྟེ། མཚན་མོ་དུར་ཁྲོད་དུ་སོང་ནས་སེང་ལྡེང་གི་ཡམ་ཤིང་ཞོ་དང་སྦྲང་རྩི་དང་མར་གྱིས་བྱུགས་པས་སྦྱིན་པ་སྲེག་བརྒྱ་བྱས་ན་དེ་ནས་འབྱུང་མོ་དུར་ཁྲོད་དུ་འཇུག་མ་མྱུར
37a5 དུ་འོང་སྟེ། ངས་ཅི་བྱ་ཞེས་མངག་གཞུག་བྱེད་པར་འགྱུར་རོ།། དེ་ནས་ཞིང་བསྐྱེད་པའི་ཞིང་གི་ལས་བྱེད་ཅིང་ཉི་མ་རེ་དེ་ཞིང་དོད་ཚེ་རེ་རེ་སྟེར་རོ།། མཚན་མོའི་ཞིང་གི་སེབ་དུ་སོང་སྟེ་ཉ་དང་ཤས་ཇི་ལྟར་གསུངས་པའི་གཏོར་མ་སྦྱིན་ཞིང
37a6 ལན་ཉི་ཤུ་རྩ་གཅིག་ཡོངས་སུ་བཟླས་ན་ལས་ཀྱི་ཤ་ཟ་མོ་ཇི་ལྟར་བསྟན་པའི་ལས་ཐམས་ཅད་བྱེད་དོ། ། མཚན་མོ་དུར་ཁྲོད་དུ་སོང་སྟེ་སྟོང་ཕྲག་བརྒྱད་བཟླས་ན་ཤ་ཟ་མོ་ཉན་རྣམ་མྱུར་དུ་བཟང་མོའི་གཟུགས་ཀྱིས་འོང་སྟེ་མངག
37a7 གཞུག་མར་འགྱུར་རོ། ། ཁྱིམ་གྱི་ལས་དང་བྱ་བ་དང་ཤགས་དང་དྲག་པོའི་ལས་ལ་སོགས་པ་བྱེད་དོ།། མཚན་མོ་དུར་ཁྲོད་དུ་སོང་ནས་སྟོང་ཕྲག་བརྒྱ་བཟླས་ན་ཤ་ཟ་མོ་ཉན་རྣམ་འབྱུང་མོའི་འཁོར་ལྔ་བརྒྱས་ཡོངས་སུ་བསྐོར་ཏེ
37a8 མྱུར་དུ་འོང་ངོ་། ། འོངས་པ་ལ་ཉ་དང་ཤ་ལས་བྱས་པའི་གཏོར་མ་དམར་པོ་བྱིན་ན་དགའ་བར་འགྱུར་རོ།། བྲན་གྱི་ལས་བྱེད་ཅིང་རས་ཟུང་ཅིག་དང་དོང་ཙེ་གཅིག་དང་འབྲས་ཆན་དང་རྒྱན་ལ་སོགས་པ་སྒྲུབ་པ་པོ་དང་འགྲོ་བ་ལྔ་ལ
iiif viewer powered by OpenSeadragon
