| e-texts navigator |
| Wylie |
35b1 བྲག་བཅུར་འཚོའོ། ། ཆུ་བའི་འགྲམ་དུ་སོང་སྟེ་སྤོས་དཀར་པོས་དཀྱིལ་འཁོར་བྱས་ནས་མེ་ཏོག་དཀར་པོ་བྱིན་ཏེ། དུ་རུ་ཀས་བདུགས་ལ་སྟོང་ཕྲག་བཅུ་བཟླས་ན་འགྲུབ་པར་འགྱུར་རོ།། ཚན་མོ་ཡང་སྟོང་བཟླས་ནངས
35b2 པར་འོང་ངོ་། འོངས་པ་ལ་མེ་ཏོག་གི་ཆུའི་ཡོན་ཆབ་བྱིན་ནས་བསྐོན་སྲིང་མོར་འགྱུར་རོ།། ངུལ་ཆུ་དང་། བཅུད་ཀྱིས་ལེན་དང་། རྫས་ཀྱི་དངོས་གྲུབ་སྟེར་ཞིང་དཔག་ཚད་སྟོང་དུ་སོང་ནས་བུད་མེད་བཟང་མོ་བླངས་ནས་སྟེར
35b3 བར་བྱེད་ཅིང་མཚན་མོ་སྐར་ཁྱེར་རོ། ། ལྷ་ཁང་སྟོང་པར་སོང་ནས་ཇི་ལྟར་གསུངས་པའི་གཏོར་མ་དང་མཆོད་པ་བྱས་ཏེ་སྟོང་ཕྲག་བརྒྱད་དུ་བཟླས་ན་འགྲུབ་པར་འགྱུར་རོ།། མཚན་མོ་ཡང་གཏོར་མ་བྱིན་ནས་སྟོང་ཕྲག་བརྒྱད
35b4 བཟླས་ན་ངེས་པར་འོང་ངོ་། ། འོངས་པ་ལ་འདོད་པ་བྱས་ན་ཆུང་མར་འགྱུར་ཏེ། ཉི་མ་རེ་རེ་དོང་ཅེ་སྟོང་སྟོང་སྟེར་ཞིང་རྒྱབ་དུ་ཞོན་ན་རི་རབ་ལ་ཡང་བྱེར་བར་བྱེད་དོ།། གཞན་ཡང་རྒྱལ་སྲིད་སྦྱིན་པར་བྱེད་ཅིང་རྒྱལ་པོའི་བུ་མོ
35b5 བཀག་ནས་སྟེར་ཏེ། ལོ་སྟོང་ཕྲག་ལྔ་འཚོ་ཞིང་ཤི་ནས་ཀྱང་རྒྱལ་རིགས་སུ་སྐྱེའོ།། ཆུ་བོ་འདུས་པའི་འགྲམ་དུ་སོང་སྟེ། ཤའི་བཟའ་བ་དང་ཀ་ར་བི་རའི་མེ་ཏོག་སྦྱིན་ཞིང་གུ་གུལ་གྱི་དུད་པས་བདུགས་ལ་སྟོང་ཕྲག་བརྒྱད
35b6 བཟླས་ན་འགྲུབ་པར་འགྱུར་རོ། ། མཚན་མོ་ཡང་མཆོད་པ་རྒྱས་པར་བྱས་ཏེ་མར་གྱི་མར་མི་རབ་ཏུ་སྦར་ནས་སྟོང་ཕྲག་བརྒྱད་བཟླས་ན་འཁོར་ལྔ་བརྒྱས་ཡོངས་སུ་བསྐོར་ནས་རྐང་གདུབ་ཀྱི་སྒྲ་ཆེན་པོས་འོང་ངོ་།། འོངས
35b7 པ་ལ་མི་སྨྲ་བར་གྱུར་པས་འདོད་པར་བྱ་སྟེ་ཆུང་མར་འགྱུར་རོ། ། གལ་ཏེ་སྤོང་བར་བྱེད་ན་འཆི་བར་འགྱུར་རོ།། རྒྱབ་ཏུ་ཞོན་ན་ཉི་མ་རེ་རེ་མཐོ་རིས་སུ་ཡང་བྱེར་བར་བྱེད་དོ།། གཞན་ཡང་རྒྱལ་སྲིང་སྟེང་ཞིང་ལ་སྟོང་ཕྲག་ལྔ
35b8 འཚོལ་ཤི་ནས་ཀྱང་རྒྱལ་རིགས་སུ་སྐྱེའོ། ། ཆུ་བོའི་འགྲམ་དུ་སོང་སྟེ་གུ་གུལ་གྱིས་དཀྱིལ་འཁོར་བྱས་ནས་ཨ་ག་རུའི་བདུག་པ་སྦྱིན་ཞིང་ཇི་ལྟར་གསུངས་པའི་གཏོར་མ་བྱིན་ནས་སྟོང་ཕྲག་བརྒྱད་བཟླས་ན་འགྲུབ་པར
iiif viewer powered by OpenSeadragon
