| e-texts navigator |
| Wylie |
35a1 དུ་འོང་སྟེ། གལ་ཏེ་མ་འོངས་ན་མིག་དང་སྤྱི་བོ་འགས་ཤིང་སྐྱམས་ཏེ་འཆི་བར་གྱུར་ཅིག། དེ་ནས་དཔལ་རྡོ་རྗེ་འཆང་ཐོ་བོའི་བདག་པོ་ཆེན་པོས་འདི་སྐད་ཅེས་བཀའ་སྩལ་ཏོ།། གལ་ཏེ་འཐུང་མོ་རྣམས་དམ་ཚིག་ལས
35a2 འདའ་བར་བྱེད་ན་ཁྲོ་བོ་འདི་དང་བཅས་པས་དགུག་པའི་ཕྱིར་བཟླ་སྟེ། ཨོཾ་ཀ་ཊུ་ཀ་ནུ་སུཾ་བཱི་ཆེ་ག་མོ་བྷཱུ་ཏི་ནི་ཧཱུ~ཾ་ཕཊ། ཁྲོ་བོ་འདི་དང་བཅས་པས་བརྒྱ་ཕྲག་བརྒྱད་བཟླས་ན་མྱུར་བར་འོང་བར་འགྱུར་རོ།། གལ་ཏེ་མྱུར་དུ་མ་འོངས་ན
35a3 མིག་དང་སྤྱི་བོ་འགས་པ་འམ་བསྐམས་ཏེ་འཆིའོ། ། དེ་ནས་སྒྲུབ་པའི་ཐབས་ཀྱི་ཆོ་ག་བཤད་པ། ཆུ་བོའི་འགྲམ་དུ་སོང་སྟེ་ཙན་དན་གྱི་དཀྱིལ་འཁོར་བྱས་ནས་མེ་ཏོག་གཅལ་དུ་བཀྲམ་སྟེ། གུ་གུལ་གྱི་དུད་པས་བདུག་ཅིང་སྟོང་ཕྲག་བརྒྱད
35a4 བཟླས་ན་འགྲུབ་པར་འགྱུར་རོ། ། མཚན་མོ་ཡང་སྟོང་བཟླས་ན་འོང་སྟེ། འོངས་ནས་འདོད་པ་སྦྱིན་པར་འགྱུར་ཏེ་ཆུང་མར་འགྱུར་རོ།། གསེར་སྲང་བརྒྱ་མལ་དུ་དོར་ནས་ཐོ་རངས་ཀྱི་འགྲོ་བར་བྱེད་དོ།། ཉི་མ་རེ་རེ་འདི་ལྟར་བྱས་ན་ཟླ
35a5 བ་གཅིག་གི་བར་དུ་ངེས་པར་འགྲུབ་བོ། ། ཆུ་བོའི་འགྲམ་དུ་སོང་སྟེ་ཙན་དན་གྱིས་དཀྱིལ་འཁོར་བྱས་ནས་ཞོ་དང་འབྲས་ཆན་གྱི་གཏོར་མ་བྱིན་ན་ཉི་མ་བདུན་ན་ངེས་པར་འོང་ངོ་།། འོངས་ནས་ཙན་དན་གྱི་ཆུའི་མཆོད་ཡོན་བྱིན་ན་དགའ
35a6 བར་གྱུར་ཏེ། སྡུག་པ་དེས་ཅི་བྱ་ཟེར་སྟེ། སྒྲུབ་པ་པོ་ཡིས་རྒྱལ་སྲིད་སྐད་ཅིག་ཅེས་སྨྲའོ།། དེ་ནས་ཡུལ་འཁོར་ཡང་ཡོངས་སུ་སྐྱོང་བར་བྱེད་དོ།། གོས་དང་རྒྱན་དང་བཟའ་བ་ལ་སོགས་པ་འཐུན་པར་སྦྱིན་པར་བྱེད་དོ།། དཔལ་རྡོ་རྗེ
35a7 འཆང་གི་ཁང་པར་སོང་སྟེ། ཀ་ར་པི་རའི་མེ་ཏོག་སྦྱིན་ཞིང་དགུ་གུལ་གྱིས་བདུག་པས་བདུགས་ལ་སྟོང་ཕྲག་བརྒྱད་བཟླས་ན་འགྲུབ་པར་འགྱུར་ཏེ། མཚན་མོ་ཡང་སྟོང་བཟླས་ན་ངེས་པར་འོང་ངོ་།། འོང་བ་ལ་མེ་ཏོག་གི་སྟན་སྦྱིན
35a8 ཞིང་ལེགས་པ་འོངས་སོ་ཞེས་བརྗོད་ན་ཆུང་མར་འགྱུར་ཏེ། ལྷའི་དངུལ་ཆུ་དང་བཅུད་ཀྱིས་ལེན་དང་། རྫས་ཀྱི་དངོས་གྲུབ་སྟེར་ཞིང་དགྲ་ཐམས་ཅད་འཇོམས་པར་བྱེད་དོ།། རྒྱབ་དུ་ཞོན་ན་མཐོ་རིས་སུ་ཡང་ཁྱེར་བར་བྱེད་དེ།། ལེ་སྟོང
iiif viewer powered by OpenSeadragon
