| e-texts navigator |
| Wylie |
34b1 གྱུར་ཅིག། དེ་བཞིན་གཤེགས་པའི་ཁྲོ་བོའི་རྡོ་རྗེས་སྤྱི་བོ་བཀས་པར་གྱུར་ཅིག། མྱུར་བ་ཉིད་དུ་ཤི་སྟེ་རྣམ་པ་ཐམས་ཅད་དུ་དམྱལ་བ་ཆེན་པོ་བརྒྱད་དུ་འཇུག་པར་གྱུར་ཅིག། དེ་ནས་ཡང་དག་བཤད་བྱ་བ།། སྒྲུབ་པ
34b2 བོ་ཡི་གནས་མཆོག་སྟེ། ། ཆུ་བིའི་འགྲམ་དང་དུར་ཁྲོད་དང་།། ཕྱག་ན་རྡོ་རྗེའི་ཁྱིམ་དག་སྟེ།། དེར་ནི་འབྱུང་པོ་འབྱུང་མ་ཀུན།། འགྲུབ་འགྱུར་འདི་ལ་ཐེ་ཙོམ་མེད།། འབྱུང་བའི་རྒྱལ་མོ་ཆེན་པོ་བརྒྱད་ཀྱི་བསྒྲུབ་པའི་གནས་སོ།། དེ་ནས
34b3 ཕྱག་རྒྱ་བཤད་བྱ་བ། ། འབྱུང་མོ་བརྒྱད་ཀྱི་སྒྲུབ་པ་སྟེ། ལག་གཡོན་ཁུ་ཚུར་དམ་བཅངས་ནས།། གུང་མོ་རབ་ཏུ་བརྐྱང་བྱས་པ།། སྤྱན་དྲང་མཆོད་པའི་ཕྱག་རྒྱ་སྟེ།། རིགས་ཀྱི་མཆོག་ནི་སྒྲུབ་བྱེད་པའོ།། ཁུ་ཚུར་ཕན་ཚུན་བཅངས་ནས
34b4 ནི། ། འཛུབ་མོ་རབ་ཏུ་བརྐྱང་བྱས་པ།། རང་གི་དམ་ཚིག་བསྲུང་བ་ཡི།། འབྱུང་མོ་སྐད་ཅིག་དེ་ལ་བསྒྲུབ།། ལག་གཡོན་ཁུ་ཚུར་དམ་བཅངས་ནས།། མཐེ་ཟུང་རབ་ཏུ་བརྒྱང་བྱས་པ།། ཉེ་བར་བྱེད་པའི་ཕྱག་རྒྱ་སྟེ།། འབྱུང་པོ་ཐམས
34b5 ཅད་རྗེས་འབྲང་བའོ། ། ལག་པ་གཡོན་པ་བརྐྱང་ནས་ནི།། འཛུབ་མོ་བསྐྱིལ་བ་བྱས་ནས་སུ།། མཐེ་བོང་གཡས་ནི་མནན་བྱས་པ།། འབྱུང་ཀུན་དབང་དུ་བྱེད་པའོ།། ལག་གཡོན་ཁུ་ཚུར་བཅངས་པ་ལས།། སྲིན་ལག་རབ་ཏུ་བརྐྱང
34b6 པ་ནི། ། འབྱུང་མོ་ཐམས་ཅད་ཞུགས་པསྟེ། བགེགས་ཀུན་ཟློག་པར་བྱེད་པའོ།། ལག་གཡོན་ཁུ་ཚུར་བཅངས་ནས་ནི།། འཛུབ་མོ་རབ་ཏུ་བརྐྱང་བྱས་པ།། འབྱུང་མོ་མངོན་ཕྱོགས་བྱེད་པ་སྟེ།། བདུག་པ་ཐམས་ཅད་ཟ་བྱེད་པའོ།། ལག་པ
34b7 གཡོན་པས་ཁུ་ཚུར་བཅངས་ཏེ། མཐེ་ཆུང་བརྐྱང་བ་ནི་འབྱུང་མོའི་དམ་ཚིག་གི་ཕྱག་རྒྱ་སྟེ། ཐམས་ཅད་དུ་ལས་ཐམས་ཅད་བྱེད་པའོ།། ལག་པ་གཉི་གའི་སོར་མོ་རྣམས་གཅིག་གི་སྟེང་དུ་གཅིག་བསྐྱོན་པ་བྱས་པ་ལ་ལག་པ
34b8 གཡས་པ་རྐེད་པ་གཡས་པར་བཞག་ལ། ལག་པ་གཡོན་པས་གཡས་གནན་པའི་སྟེང་དུ་བཞག་པ་ནི་མཆོག་གི་སྙིང་པོ་སྟེ་འཐུང་མོ་ཐམས་ཅད་ཀྱི་ཕྱག་རྒྱའོ།། ཕྱག་རྒྱ་འདི་དག་བཅིངས་པ་ཙམ་གྱིས་འབྱུང་མོ་རྣམས་མྱུར
iiif viewer powered by OpenSeadragon
