| e-texts navigator |
| Wylie |
34a1 བཅོམ་ལྡན་འདས་ཀྱི་ཁྲོ་བ་ཆེན་པོའི་རྡོ་རྗེས་སྤྱི་བོ་ཁྲོས་ཤིག། ལན་བརྒྱད་རྣམ་པར་གཤེགས་ཤིང་ཤི་ནས་སྦྱར་བ་ཉིད་དུ་དམྱལ་བ་ཆེན་པོ་བརྒྱད་དུ་འཇུག་པར་གྱུར་ཅིག། དེ་ནས་བྱང་ཆུབ་སེམས་དཔའ་སེམས་དཔའ་ཆེན
34a2 པོ་ཕྱག་ན་རྡོ་རྗེས་ལྷའི་བུད་མེད་ཐམས་ཅད་དང་། ཀླུ་མོ་དང་གནོད་སྦྱིན་མོ་རྣམས་ལ་ལེགས་སོ་ཞེས་བྱ་བ་བྱིན་ཏེ། ལྷའི་བུ་མོ་དང་ཀླུ་མོ་དང་། གནོད་སྦྱིན་མོ་རྣམས་ལེགས་སོ་ལེགས་སོ།། མ་འོངས་པའི་ཚེ་མ་འོངས་པའི་དུས་ན་དེ་བཞིན
34a3 གཤེགས་པ་ཟློས་པའི་མི་རྣམས་ཀྱི་བསྙེན་བཀུར་གྱིས་ཤིག། དེ་ནས་འབྱུང་པོའི་བྲན་རྣམས་ཀྱིས་འབྱུང་པོའི་རྒྱལ་པོ་གཞན་གྱིས་མི་ཐུབ་པ་ལ་སོགས་པ་འཁོར་དང་བཅས་པ་ལངས་ཏེ།། དཔལ་རྡོ་རྗེ་འཆང་ཁྲོ་བའི་བདག་པོ་ཆེན་པོའི
34a4 ཞབས་ལ་མགོ་བོས་བཏུད་ནས་རང་གི་སྙིང་པོ་ཕུལ་བ། ཨོཾ་ཤྲཱི་མ་ཧཱ་བྷཱུ་ཏ་ཀུ་ལ་སུན་ད་རེ་ཧཱུཾ། ཨོཾ་ཤཱི་བི་ཛ་ཡ་སུན་ད་རི་ཧྲཱི། ཨོཾ་ཤྲཱི་བི་མ་ལ་སུན་ད་རི་ཨ། ཨོཾ་ཤཱི་ར་ཏི་སན་ད་རི་དྷ། ཨོཾ་ཤྲཱི་མ་ནོ་ཧ་ར་སུན་ད་རི་ཨི། ཨོཾ་ཤྲཱི་བྷུ་ཥ་ཎ་སུན་ད་རི་མཾ།
34a5 ཨོཾ་ཤཱི་ད་བ་ལ་སུན་ད་རི་མཾ། ཨོཾ་ཤཱི་ཙ་ཀྲཱརྨ་དྷཱ་མ་སུན་ད་རེ་ཏི། ཞེས་པ་འདི་རྣམས་ནི་འབྱུང་པོའི་རྒྱལ་མོ་ཆེན་མོ་སྟེ། དཔལ་གྱི་སྒྲ་ཡིས་རབ་ཏུ་གྲགས་པའོ།། དེ་ནས་དཔལ་གྱི་བསྒྲུབ་པའི་ཐབས་ཀླགས་པ་ཙམ་གྱིས་དངོས་གྲུབ་སྟེར་བསྟེ།
34a6 དཔལ་རྡོ་རྗེ་འཆང་གི་མཚན་བརྗོད་པ་ཙམ་གྱིས་འབྱུང་པོ་དང་འབྱུང་མོ་ཐམས་ཅད་མངག་གཞུག་པར་འགྱུར་རོ།། བཅོམ་ལྡན་འདས་ཀྱིས་བཀའ་སྩལ་པ། གང་གི་ཚེ་དམ་ཚིག་ལས་འདས་ན་འཕྲལ་དུ་འབྱུང་པོ་དང་འབྱུང་མོ་ཐམས་ཅད
34a7 རིགས་དང་རྒུད་དུ་བཅས་ཏེ་ཕུང་བར་བྱའོ། ། དེ་ནས་འབྱུང་པོ་ཆེན་པོ་གཞན་གྱིས་མི་ཐུབ་པས་འདི་སྐད་ཅེས་གསོལ་ཏོ།། ལྷ་ཆེན་པོའི་དམ་ཚིག་ལ་གནས་ཤིང་འཇིག་རྟེན་པའི་སྔགས་དང་ཕྱག་རྒྱའི་ཆོ་ག་ཐམས་ཅད་ཀྱིས་དངོས་གྲུབ་སྩལ
34a8 བར་བགྱིའོ། ། དཔལ་རྡོ་རྗེ་འཆང་བཟླས་པ་ཙམ་གྱིས་ཐམས་ཅད་འགྲུབ་པར་འགྱུར་ཏེ། གལ་ཏེ་མ་གྲུབ་ན་རིགས་དང་རྒྱུད་དུ་བཅས་པ་བརླག་པར་གྱུར་ཅིག། དེ་བཞིན་གཤེགས་པ་ཐམས་ཅད་ཀྱིས་གསུངས་པའི་དམ་ཚིག་ཉམས་པར
iiif viewer powered by OpenSeadragon
