| e-texts navigator |
| Wylie |
33b1 བསྐོར་བར་བྱེད་པ། སྡུག་བསྔལ་ཐམས་ཅད་འཇོམས་པར་བྱེད་པའི་བསྒྲུབ་པའི་ཐབས་ཏུ་རིན་པོ་ཆོག་སྣ་ཚོགས་པ་ཕྱག་རྒྱ་དང་སྔགས་ཀྱི་ཚིག་གིས་སྒྲུབ་པའི་ཐབས་ཁྲོ་བའི་རྒྱལ་པོ་ཆེན་པོབཅོམ་ལྡན་འདས་ཐོ་ཅུ་པོ་ཆེན་པོ་དག་སོས
33b2 ཤད་ཅིག་ཅེས་གསུངས་སོ། ། དེ་ནས་རྡོ་རྗེ་འཆང་ཁྲོ་བོའི་བདག་པོ་ཆེན་པོས་རོ་འཚ་བར་བྱེད་པའི་སྔགས་གསུངས་པ། ཨོཾ་ཀརྡྷ་ཀརྡྷ་མི་ཏྲ་པ་ཛཱི་བ་ཡ~ཾ་ཏིདྷ་ཡ། དེ་ནས་འདི་གསུངས་པ་ཙམ་གྱིས་ལྷ་ཐམས་ཅད་མྱོས་ཏེ་བརྒྱལ
33b3 ཞིང་འགྱེལ་ནས་ཆེར་འཇིགས་ཤིང་རབ་ཏུ་འདང་བར་གྱུར་ཏེ་གནས་སོ། ། དེ་རས་ལྷ་ཆེན་པོས་གསོལ་པ། བྱང་ཆུབ་སེམས་དཔའ་ཆེན་པོ་སྐྱོབས་ཤིག་སྐྱོབས་ཤིག། དེ་ནས་རྡོ་རྗེ་འཆང་ཁྲོ་བོའི་བདག་པོ་ཆེན་པོས་འདི་སྐད་ཅེས
33b4 གསུངས་སོ། ། བ་འཇིགས་ཤིག་མ་འཇིགས་ཤིག། ཀྱེ་འབྱུང་པོའི་བདག་པོ་ཁྱེད་རྣམས་གཞན་ལས་རྒྱལ་བར་བྱ་བའི་ཕྱིར་ལྷ་ཐམས་ཅད་དབང་དུ་བསྡུ་ཞིང་འབྱུང་པོ་ཐམས་ཅད་ཚར་གཅད་པར་བྱའོ།། དེ་ནས་རིག་སྔགས་འཆང
33b5 གི་དབང་པོ་དང་ལྷའི་བུད་མེད་ཐམས་ཅད་ཀྱིས་འདི་སྐད་ཅེས་གསོལ་ཏོ། ། བཅོམ་ལྡན་འདས་བསྐྱབ་དུ་གསོལ་དཔལ་རྡོ་རྗེ་འཆང་རྒྱལ་པོ་ཆེན་པོས་བསྐྱབ་དུ་གསོལ། དེ་ནས་ཁྲོ་བོ་ཆེན་པོ་རྡོ་རྗེ་ཆེན་པོ་རྡོ་རྗེ་འཆང་གིས་འདི་སྐད
33b6 ཅེས་གསུངས་སོ། ། ཀྱེ་བུད་མེད་རྣམས་གོ་བར་གྱིས་ཤིག། དཔལ་རྡོ་རྗེ་འཆང་རྒྱལ་པོ་ཆེན་པོ་ལ་སོགས་པའི་བསྙེན་བཀུར་བྱེས་ཤིག། དབྱིག་དང་གསེར་དང་མུ་ཏིག་དང་རིན་པོ་ཆེ་དང་། བཻ་དཱུརྱ་དང་། པད་མ་རཱ་ག་དང་རྫས་ཐམས
33b7 ཅད་ཕུལ་ཅིག། དེ་ནས་ལྷའི་བུད་མེད་ལ་སོགས་པ་ལྷའི་བུ་མོ་དང་གནོད་སྦྱིན་མོ་ཐམས་ཅད་ཀྱིས་འདི་སྐད་ཅེས་གསོལ་ཏོ།། བཅོམ་ལྡན་འདས་འགུམ་མོ་འགུམ་མོ་དཔལ་རྡོ་རྗེ་ཁྲོ་བོ་ཟློས་པ་རྣམས་ཀྱི་བྲན་མོ་བགྱིད་དོ།། བསྙེན
33b8 བསྐུར་བབྱེད་དོ། ། གལ་ཏེ་ཁྲོ་བོ་བཟློས་པའི་བསྙེན་བཀུར་མ་བགྱིས་ན་རིགས་དང་རྒྱུད་དུ་བཅས་པ་བརླག་པར་གྱུར་ཅིག། དམ་པའི་ཆོས་སྤངས་པར་གྱུར་ཅིག། དེ་བཞིན་གཤེགས་པ་ཐམས་ཅད་ལ་སྨད་པར་གྱུར་ཅིག།
iiif viewer powered by OpenSeadragon
