| e-texts navigator |
| Wylie |
33a1 དེ་ན་ས་བཅོམ་ལྡན་འདས་ཀྱིས་བཀའ་སྩལ་པ། འབྱུང་པོའི་བདག་པོ་གྲང་བཞི་པ་ཐམས་ཅད་ཀྱི་མི་རྣམས་ལ་དངོས་གྲུབ་རྫོགས་པར་བྱིན་ཅིག། འཇམ་བུའི
33a2 གླིང་བའི་མི་རྣམས་ལ་དངུལ་ཆུ་དང་བཅུད་ཀྱིས་ལེན་པའི་རྫས་རྣམས་སྒྲུབ་ཅིང་བདེ་བར་བྱིན་ཅིག། དབྱིག་དང་གསེར་དང་དངུལ་དང་། མུ་ཏིག་དང་བཻ་དཱུརྱ་དང་པད་མ་རཱ་ག་དང་། མེ་དང་ཆུ་ཡི་ཤེལ་དང་། སྤོས་དང་ལྷའི་ན་བཟའ་རྣམས
33a3 བྱིན་ཅིག། འདི་ཟློས་པའི་འབྲས་བུ་འགྱུར་བར་གྱིས་ཤིག། བསྙེན་བཀུར་གྱིས་ཤིག། དེ་བཞིན་གཤེགས་པ་ཐམས་ཅད་བཟློས་པའི་རིན་པོ་ཆེ་ཡི་ཅོད་པན་དང་། གོས་དང་དྲི་དང་། བདུག་པ་དང་། མེ་ཏོག་ལ་སོགས་པ་དང་ཡོ་བྱད་དང་།
33a4 རྫས་ཐམས་ཅད་བགེགས་མེད་པར་བྱིན་ཅིག། རྒྱལ་པོའི་འཇིགས་པ་དང་། དགྲའི་འཇིགས་པ་དང་། སེང་གེའི་འཇིགས་པ་དང་། སྟག་གི་འཇིགས་པ་ཐམས་ཅད་ཟློགཅིག། ཀྱེ་ཀྱེ་གཞན་གྱིས་མི་ཐུབ་པ་འབྱུང་པོའི་དབང་ཕྱུག་ཆེན་པོ
33a5 མྱུར་དུ་མྱུར་དུ་ཉོན་ཅིག་ཉོན་ཅིག། ལེ་ལོ་ཅན་དང་ཚུལ་ཁྲིམས་འཆལ་པ་དང་། སྡིག་པ་བྱེད་པ་དང་རྫུན་སྨྲ་བ་རྣམས་ལ་ངེས་པར་དངོས་གྲུབ་བྱིན་ཅིག། གལ་ཏེ་རིག་སྔགས་འཆང་ལ་དངོས་གྲུབ་མི་སྦྱིན་ན་ཀླུ་མོ་དང་གནོད་སྦྱིན
33a6 མོ་དང་ས་ལ་འཇོམས་མ་དང་། ལྷ་མ་ཡིན་མོ་དང་། མི་འམ་ཅི་མོ་དང་ནམ་མཁའ་ལྡིང་མོ་དང་། ལྟོ་འཕྱེ་ཆེན་མོ་དང་ཤ་ཟ་མོ་དང་འབྱུང་མོ་དང་དྲི་ཟ་མོ་རྣམས་ཀྱི་སྤྱི་བོ་མི་ཕྱེད་པའི་རྡོ་རྗེས་འགས་པར་བྱ་ཞིང་དམྱལ་བ་ཆེན་པོ་བརྒྱད་དུ
33a7 ལྟུང་བར་བྱའོ། ། དེ་ནས་དེ་བཞིན་གཤེགས་པ་ཐམས་ཅད་ཀྱིས་འདི་སྐད་དུ་ལེགས་སོ་ལེགས་སོ།། ལག་ན་རྡོ་རྗེ་ལེགས་པར་བཤད་དོ།། མི་རྣམས་ལ་ཕན་པའི་ཕྱིར་བྱང་ཆུབ་སེམས་དཔའ་སེམས་དཔའ་ཆེན་པོ་བརྩོན་འགྲུས་དང
33a8 སྟོབས་དང་ཕ་རོལ་གནོན་པ་མི་ཕྱེད་པར་གྲགས་པ། ལྷ་ཐམས་ཅད་ཀྱིས་ཕྱག་བྱས་པ་ཁམ་གསུམ་པའི་ཆོས་ཀྱི་རྒྱལ་པོ་ཆེན་པོ་གླིང་བཞི་པའི་འཇིག་རྟེན་གྱི་ཁམས་ཐམས་ཅད་གྲུབ་པར་བྱེད་པ་ཆོས་ཀྱི་འཁོར་ལོ་ཐམས་ཅད
iiif viewer powered by OpenSeadragon
