| e-texts navigator |
| Wylie |
32b1 ལྷ་ཆེན་པོས་བཅོམ་ལྡན་འདས་ཀྱི་ཞབས་ལ་སྤྱི་བོས་ཕྱག་འཚལ་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། ཁྲོ་བོའི་བདག་པོ་ཆེན་པོ་གདུག་པ་དང་མ་རུངས་པ་རྣམས་གསོད་པར་བྱེད་པ་བཤད་དུ་གསོལ།
32b2 དེ་ནས་དབང་ཕྱུག་ཆེན་པོ་ལྷ་ཆེན་པོ་ལ་ལེགས་སོ་ལེགས་སོ་ཞེས་བྱ་བ་བྱིན་ནས་འབྱུང་པོ་ཐམས་ཅད་གསོད་པའི་སྔགས་ཀྱི་ཚོག་གསུངས་པ། ཨོཾ་བཛྲཛྲ་བ་རྟེན་ཏནས་གྷུ་ན་། ནས་འདིག་ས་དྲ་བ་ཙམ་རྩི་དང་རྡོ་མ་ཤིབ་སྤུའི་བུག
32b3 ནམས་ནས་རྡོ་རྗེ་འབར་བ་དུ་མ་བྱུང་བར་གྱུར་ཏེ། འབྱུང་པོ་དང་འབྱུང་མོ་ཐམས་ཅད་ཀྱི་ལུས་སྐམས་ཤིང་བརྒྱ་བྱིན་དང་ཚངས་པ་དང་། ཁྱབ་འཇུག་ལ་སོགས་པ་ལྷ་ཐམས་ཅད་བསད་པར་གྱུར་ཏོ།། དེ་ནས་དེ་བཞིན
32b4 གཤེགས་པ་ཐམས་ཅད་ཀྱི་ངོ་མཚར་དང་བཅས་པས་འདི་སྐད་ཅེས་གསུངས་སོ། ། ལེགས་སོ་དཔལ་ལྡན་རྡོ་རྗེ་འཆང་ཁྲོ་བོའི་བདག་པོ་ཆེན་པོ་མ་འོངས་པའི་ཚེ་མ་འོངས་པའི་དུས་ན་འབྱུང་པོ་དང་འབྱུང་མོ་ཚར
32b5 གཅོད་པར་བྱེད་པ་ནི་ལེགས་སོ། ། དེ་ནས་ཡང་སླར་རེའི་རྣམ་པར་ཤྭེ་པ་འགུགས་པའི་སྔགས་གསུངས་པ།། ཨོཾ་བཛྲ་ཨ་ཡུ་ཥེ་ས་ར་ས་རཱ་སྨིན། དེ་ནས་གསུངས་པ་ཙམ་གྱིས་དཔལ་རྡོ་རྗེ་འཆང་གི་ཤངས་ཀྱི་བུ་ག་ནས
32b6 རླུང་ཆེན་པོ་རོ་འཚོ་བར་བྱེད་པ་བྱུང་བར་གྱུར་ཏེ་དེ་བྱུང་བ་ཙམ་གྱིས་འབྱུང་པོ་དང་འབྱུང་མོ་རྣམས་ཀྱི་ལུས་ལ་ཞུགས་སོ། ། ཞུགས་པ་ཙམ་གྱིས་འབྱུང་པོ་དང་འབྱུང་མོ་རྣམས་ལངས་ཏེ་ཆེར་འཇིགས་ཤིང་རབ་ཏུ
32b7 འདར་བར་གྱུར་པས་བཅོམ་ལྡན་འདས་བསྐྱབ་དུ་གསོལ། བདེ་བར་གཤེགས་པ་བསྐྱབ་དུ་གསོལ། བཅོམ་ལྡན་འདས་ཀྱི་བཀའ་བཞིན་བགྱིད་དོ་ཞེས་སྨྲས་སོ།། དེ་ནས་འབྱུང་པོའི་བདག་པོ་གཞན་གྱིས་མི་ཐུབ་པ
32b8 འཁོར་གྱི་དཀྱིལ་འཁོར་དེར་བཅོམ་ལྡན་འདས་ཀྱི་ཞབས་ལ་སྤྱི་བོས་ཕྱག་འཚལ་ནས་བཅོམ་ལྡན་འདས་ཁྲོ་བོའི་བདག་པོ་ཆེན་པོ་དཔལ་སྲིད་པ་གསུམ་ལས་རྣམ་པར་རྒྱལ་བ་བདེ་བར་གཤེགས་པ་བསྐྱབ་དུ་གསོལ། བཅོམ་ལྡན་འདས་ཡངས་སུ་བསྐྱབ་དུ་གསོལ།
iiif viewer powered by OpenSeadragon
