| e-texts navigator |
| Wylie |
31b1 ཀླུང་ཀྱི་རྒྱལ་པོ་ཆེན་པོ་རྫོགས་སྷོ། ། །། ཕྱག་ན་རྡོ་རྗེ་ལ་ཕྱག་འཚལ་ལོ།། དེ་ནས་ལྷམ་ཡིན་གྱི་དབང་པོ་གཞན་ལེན་གྱིས་སླར་ཡང་བཅོམ་ལྡན་འདས་དཔལ་རྡོ་རྗེ་འཛིན་པའི་མགོན་པོ་ལ་གུས་པས་ཕྱག་འཚལ་ནས་ཐས
31b2 སྦྱར་ཏེ་གསོལ་བ། སྦྱར་བ་བཅུ་གཉིས་པོ་འདི་རྣམས་གང་ལ་གང་བྱུང་བ་དང་བུག་ཐམས་ཅད་ཀྱི་འཁྲུལ་འཁོར་ནམ་མེད་པར་འགྱུར་བ་ལགས། བཅོམ་ལྡན་འདས་ཀྱིས་བཀའ་སྩལ་པ། དེ་དེ་བཞིན་ཏེ་དབྱར་བླ་ཐ་ཆུངས་ཀྱི
31b3 ནག་པོའི་བཅུ་བཞི་ལ་གཟའ་ཕུར་བུའི་ཉི་མ་དང་། སྐར་མ་རྒྱལ་འཇོམ་པ་ལ་ངེས་པར་བུ་གའི་སྒོ་འབྱེད་པར་འགྱུར་རོ།། སྟོན་ཟླ་ཐ་ཆུངས་ཀྱི་གནམ་སྟོང་ལ་ཕུར་བའི་ཉི་མ་དང་། རྒྱུ་སྐརས་རི་འཛེམ་པ་ལ་ངེས་པར་བུགའི
31b4 སྒོ་གྲོལ་བར་འགྱུར་རོ། ། གཞོན་ནུ་མ་རང་ཉིད་འོངས་ནས་འཇུག་པར་བྱེད་དོ།། སྟོན་ཟླ་ཐཆུངས་ཀྱི་ཉལ་ཕུར་བུའི་ཉི་མ་དང་། སྐར་མ་པྲ་ཉེ་འཇོས་པ་ལ་བུ་ག་ཐམས་ཅད་ཀྱི་འཁྲུལ་འཁོར་མེད་པར་འགྱུར་རོ།། དཀུན་ཟླ་འབྲིང
31b5 པོ་ནག་པོའི་བཅུ་བཞི་ལ་ཕུར་བུའི་ཉི་མ་དང་སྐར་མ་རྒྱལ་འཇོམ་པ་ལ་འཁྲུལ་འཁོར་ཐམས་ཅད་གྲོལ་བར་འགྱུར་རོ། ། དགུན་ཟླ་ཐ་ཆུངས་ཀྱི་ནག་པོའི་བཅུ་བཞི་ལ་ཕུར་བུ་དང་། སྐར་མ་གྲོ་ཞུན་ལ་བུ་ག་ཐམས་ཅད་ཀྱི
31b6 འཁྲུལ་འཁོར་མེད་པར་འགྱུར་རོ། ། དགུན་ཟ་ཐ་ཆུངས་ཀྱི་དཀར་པོའི་བཅུ་བཞི་ལ་ཕུར་བུའི་ཉི་མ་དང་སྐར་མ་རྒྱལ་འཛེམ་པ་ན་འཁྲུལ་འཁོར་མ་ལུས་པ་གྲོལ་བར་འགྱུར་རོ།། སྟོན་ཟླ་ར་བའི་ནག་པོའི་ཚེས་བརྒྱད་ལ་ཕུར
31b7 བུའི་ཉིད་པར་དང་། སྐར་མནམ་གྲུ་འཇོམ་པ་ན་བུ་གའི་སྒོ་ཐམས་ཅད་གྲོལ་བར་འགྱུར་རོ།། དབྱར་ཟླ་འབྲིང་པོ་ནག་པོའི་བཅུ་བཞི་ལ་ཕུར་བུའི་ཉིན་པར་དང་སྐར་མ་རྒྱལ་ལ་ནམ་གྲུ་འཛོམ་པ་ལ་བུ་ག་ཐམས་ཅད་ངེས་པར
31b8 གྲོལ་བར་འགྱུར་རོ། ། གྲོང་གི་མི་འཁོར་དང་བཅས་པ་ཐམས་ཅད་འཇུག་པར་བྱའོ།། སྟོན་ཟླ་ར་བའི་ནག་པོའི་བཅུ་བཞི་ལ་ཕུར་བུའི་ཉེན་པར་དང་། སྐར་མ་ཕལ་གུ་ནི་འཇོམ་པ་ན་ངེས་པར་བུ་གའི་སྒོ་གྲོལ་བར་འགྱུར་རོ།། ལྷམ
iiif viewer powered by OpenSeadragon
