| e-texts navigator |
| Wylie |
31a1 རྫས་ལ་ཐེ་ཚོམ་མེད། ། ལྷོ་ཡི་སྒོ་རུགང་གྱུར་པ།། ལྷོ་ཡི་ཕྱོགས་སུ་མངོན་ཕྱོགས་པ།། དེ་ན་རྫས་རྣམས་ཐམས་ཅད་དེ།། ལྷ་ཡི་ཁང་བར་རྣམ་པར་བསྟན།། དབང་པོའི་ཕྱོགས་སུ་མངོན་ཕྱོགས་པ།། དེ་ནས་རྫས་རྣམས
31a2 ཀུན་བསྡུས་པའོ། ། བྱང་དུ་ཕྱོགས་ཏེ་ལེགས་གནས་པ།། བྲིས་སྐུ་བཀབ་པའི་རྫས་སུ་བཤད།། ནུབ་ཏུ་ཕྱོགས་ཏེ་ལེགས་གནས་པ།། དེ་ན་ཡང་ནི་བསྒྲིབས་ནས་གནས།། རིག་སྔགས་བཀླགས་པས་འགྲུབ་འགྱུར་ཏེ།། འཇིག་རྟེན
31a3 གསུམ་ཤེས་བླ་ན་མེད། ། རིན་ཆེན་རྣམ་པ་སྣ་ཚོགས་པའི།། ལྷ་ཡི་གནས་སུ་རྣམ་པར་བསྟན།། ཤར་ནས་ཤར་དུ་མངོན་ཕྱོགས་པའི།། འཁྲུལ་འཁོར་དུ་ནི་རྣམ་པར་བཤད།། ལྷོ་རུ་མངོན་པར་ཕྱོགས་གནས་པ།། ལྷོ་ཡི
31a4 ཕྱོགས་ཀྱིས་རྣམ་པར་བསྟན། ། ནུབ་ཀྱི་ཕྱོགས་སུ་མངོན་ཕྱོགས་པ།། ནུབ་ཀྱི་ཕྱོགས་པར་རྣམ་པར་བསྟན།། འདི་ཡིས་བྱང་དུ་བཤད་པ་དང་།། དབང་ལྡན་གྱིའང་དེ་བཞིན་ནོ།། ཕྱོགས་རྣམས་ཀྱིའང་མཚན་ཉིད་ནི།། བསྟན་པ་འདི
31a5 ལཐེ་ཚོམ་མེད། ། འདི་ལྟར་ཤེས་པའི་མཁས་པ་ཡིས།། ཕྱོགས་ཀྱི་འཁྲུལ་འཁོར་མཚོན་པར་བྱ།། སྔོན་བཞིན་ལེགས་པར་ཤེས་པ་ཡིས།། རྫས་རྣམས་ཀྱང་ནི་བློ་ལྡན་གྱིས།། དེ་འདྲའི་ཕྱོགས་སུ་འཁོད་ནས་ནི།། དེ་ཡིས
31a6 ལམ་ནི་བལྟ་བར་བྱ། ། གཉིས་པ་ཡི་ནི་ལམ་གྱུར་པ།། འཁྲུལ་འཁོར་མེད་པས་བརྟག་མི་དགོས།། གསུམ་པ་ཡང་ནི་ཤེས་བྱ་སྟེ།། བཞི་པ་ཡང་ནི་མཚུངས་པའོ།། ལམ་ནི་རྣམ་པ་བཞིར་བཤད་པས།། འདོད་ལྡན་ལ་ནི་འབྲས་བུ
31a7 སྟེར། ། དང་པོ་རུ་ནི་མི་སྤྱད་པར། བཟའ་བར་བྱ་བ་མ་ཡིན་ནོ།། གཉིས་པ་རུ་ནི་བཟའ་བར་བྱ།། གསུམ་པ་ལ་ཡང་དེ་བཞིན་ནོ།། བཞི་པར་ཡང་ནི་བཟའ་བར་བྱ།། དེ་དག་འཁྲུལ་འཁོར་མེད་པར་བསྟན།། ཕྱོགས་ཀྱི་ཆ་ནི་ཐམས་ཅད་དུ།།
31a8 ཡོངས་སུ་གང་བར་ཤེས་པར་བྱ།། ཕྱི་མ་ཡི་ནི་ཆོ་ག་ཡིས།། ཚོད་འདུས་ཟེ་འབྲུ་རྒྱུ་བའོ།། འཕགས་པ་རྡོ་རྗེ་ས་འོག་གི་རྒྱུད་ལས་ཕྱོགས་ཀྱི་མཚན་ཉིད་ཀྱི་ལེའུ་སྟེ་ཉི་ཤུ་བཞི་པའོ།། །། འཕགས་པ་རྡོ་རྗེས་འོག་ཅེས་བྱ་བའི
iiif viewer powered by OpenSeadragon
