| e-texts navigator |
| Wylie |
30a1 བསྲ་ག་ཟུགས་བྱས་ལ་ད་ཉིད་དུ་འཁད་དཛ་ལྟར་ནུས་པའི་མཆད་པ་དང་གཏོར་མ་འཆོག་བྱའོ། ། དེ་ནས་རིག་པ་འཛིན་པད་རངས་པས་གཉིད་འོག་པ་དང་སྟོན་པར་འགྱུར་བའམ་རྗེས་སུ་གདམས་བསྟོན་པར་འབྱུར་རོ།།
30a2 གལ་ཏེ་མ་འོངས་ན་ཉི་མ་ཕྱི་མ་ལ་དེ་བཞིན་དུ་གཏོར་མའི་ཆོ་ག་བྱས་ཏེ་རྡོ་རྗེ་ཁྲོ་བོ་དང་ལྷན་ཅིག་ཏུ་སྟོང་ཕྲག་བརྒྱད་བཟླའོ།། དེ་ནས་རིག་པའི་ལྷ་དེ་ཉིད་ཁྲོ་བོ་དང་ལྷན་ཅིག་ཏུ་རྨི་ལམ་དུ་མཐོང་ནས་ཆད་པ་དང་། ལྷག་པ་དང་ཕྱི་མོ་དམན
30a3 པ་དང་། ཡི་གེ་གཞན་དུ་གྱུར་པ་ཡང་སྟོན་པར་འགྱུར་རོ།། གལ་ཏེ་ཡོངས་སུ་རྫོགས་པར་གྱུར་ན་དེ་ནས་དངོས་གྲུབ་སྟེར་བར་འགྱུར་རོ།། བསྒྲུབ་པ་དང་པོ་ལ་ལས་འདི་མི་བྱ་ལ་ཇི་སྲིད་ལན་བདུན་བསྒྲུབས་ཀྱང་མགྲུབ་ན་དེ་ནས་ལས
30a4 འདི་བྱའོ། ། དེ་རྣམས་རྫས་སྒྲུབ་པའི་དུས་སུ་གྱུར་ན་དེའི་མཐར་སྲོད་དམ་ན་མ་གུང་དང་ཉི་མ་ཤར་བ་ན་རིག་པ་འཛིན་པས་རྨི་ལམ་ལྟ་བུར་གསང་སྔགས་གང་འདོད་པ་ཡིད་ལ་སེམས་ཤིང་བཟླ་བར་བྱའོ།། གཞན་དུ་ན་ལོག་པར
30a5 འདྲེན་པ་རྣམས་ཞུགས་པར་གྱུར་ནས་རིག་པའི་ལྷ་མངོན་དུ་མི་འགྱུར་རོ། ། གཞན་གྱི་གོས་ལ་རེག་པར་མི་བྱ་ཞིང་བགོ་བ་གསུམ་བྱས་ཏེ། གཅིག་གྱོན་ལ་ཁྲུས་བྱའོ།། གཉིས་པས་བཟླ་བར་བྱའོ།། གསུམ་པས་མཚན་མོ་གྱོན
30a6 པར་བྱའོ། ། དཀྱིལ་དཀྲུང་གིས་གནས་ཏེ་རིག་པའི་ལྷའི་མཚན་མ་མཐོང་ནས་ཏིལ་དང་མར་བསྲེས་པའི་བསྲེག་ཟུགས་བྱའོ།། རིག་པའི་སྟོབས་འཕེལ་བར་འགྱུར་རོ།། ཏིལ་མེད་ན་དན་དུལ་དང་སྲན་མ་ཤ་དང་མུ་ག་རྣམས
30a7 ཀྱིས་བྱའོ། ། དང་ཤ་དང་ཆང་བཏུང་བར་མི་བྱ་སྟེ།། ཉེས་པ་དེས་ལོག་པར་འདྲེན་པ་རྣམས་ཀྱིས་ཟིལ་གྱིས་གནོན་པར་འགྱུར་རོ།། རྟག་ཏུ་སངས་རྒྱས་དང་ཆོས་དང་དགེ་འདུན་ལ་བསྙེན་བཀུར་བ་དང་ལྡན་པས་བྱང་ཆུབ་ཀྱི་སེམས
30a8 ཆེན་པོ་བསྐྱེད་པར་བྱའོ། ། དམ་ཚིག་ཤེས་པར་གྱུར་པས་འདི་ལྟར་བྱས་ན་རིང་པོ་མི་ཐོགས་པར་འགྲུབ་པར་འགྱུར་རོ།། རིག་པ་འཛིན་པས་སྔར་བཤད་པར་བྱའོ།། རྟག་ཏུ་ལྷ་ཐམས་ཅད་ལ་བདུག་པ་དང་། ལྷ་བཤེས་ཀྱི་འབྲས
iiif viewer powered by OpenSeadragon
