| e-texts navigator |
| Wylie |
28b1 དབང་དུ་བྱེད་པ་འགྲུབ་པར་འགྱུར་རོ། ། རྫས་བཏགས་ཏེ་མིང་མེད་ཀྱིས་རི་ལུ་ལྔ་བྱའོ། རས་མཉམས་པའི་སྟེང་དུ་བཞག་སྟེ། གྲིབ་མ་ལ་སྐམ་པར་བྱའོ།། དེ་ནས་ཨ་ཤྲད་ཐའི་ཤིང་གི་སྟེང་དུ་བཞག་ནས་ཞག་བདུན་དུ་ལྷག་པར
28b2 གནས་པར་བྱའོ། ། དེ་ནས་ཐོག་མ་སྒྲུབ་པའི་ཉིན་མོ་སྔ་དྲོའི་ཚེ་ཡོངས་སུ་ལྟུང་བས་བསྣུན་པ་ལ་ལན་སྟོང་ཕྲག་གཅིག་སྔགས་ཏེ་དེ་ནས་བྱེ་མ་རེང་སྒྲུབ་པ་ལ་འཇུག་པར་བྱ་སྟེ། ཨ་ཤྭད་ཐའི་ལོ་མ་བཞིག་ཡས་རྐོར་དུ་བསྐོར་བ་ལ
28b3 བཞག་སྟེ་གསུམ་གྱིས་གདབ་བོ། ། ཨ་ཤྭད་ཐའི་ལོ་མ་རྣམས་འདི་ལྟ་བུའི་གནས་ནས་བླང་བར་བྱ་སྟེ། ལྗོན་ཤིང་གཞན་གྱི་གྲིབ་མས་མ་ཐོག་པ་དང་། ལྷའི་ཁང་པས་མ་ཕོག་པ་དང་དུར་ཁྲོད་དུ་སྐྱེས་པ་རྣམས་ཀྱི་ཨ་ཤྭ་ཋའི
28b4 ལོ་མ་ཡོངས་སུ་གཟུང་བར་མི་བྱའོ། ། དེ་དག་ལས་གཞན་གནས་བསྔགས་པའི་ཨ་ཤྲད་ཋའི་ཤིང་གི་ལོ་མེ་རྩེ་མོ་དཀར་བ་རྣམས་ཀྱི་སྟེང་དུ་གྲུབ་པའི་རྫས་ཆ་གསུམ་དུ་བྱས་ཏེ། ཐ་མ་དང་བདག་ཉིད་དང་ལྷན་ཅིག་པ་རྣམས་ཀྱིའོ།།
28b5 རྡོ་རྗེ་དང་འཁོར་ལོ་དང་རལ་གྲི་རྣམས་སུ་ཟློས་བཏགས་ནས་དེ་དག་ཐུན་ཚོང་ལྔར་ཡོངས་སུ་བསྐམས་ཏེ། དེ་ནས་བགླང་གི་ལྕི་བའི་ཚོགས་ཀྱི་དབུས་སུ་བཅུག་ལ་ཞག་ཉི་ཤུ་རྩ་གཅིག་ཏུ་བཞག་གོ།། དེ་ནས་བཏོན་ཏེ་བའི་རྣམ
28b6 ལྔས་བཀྲུས་ལ་དེ་ཉིད་དུ་ཞག་བདུན་ལྷག་པར་གནས་པར་བྱས་ཏེ་ཡོངས་སུ་སྲུང་བས་བསྣུན་པ་ལ་སྟོང་ཕྲག་བརྒྱད་ཡོངས་སུ་བཟླས་ལ་དེ་ནས་སྒྲུབ་པ་ལ་འཇུག་གོ། ། མིག་སྨན་དེ་དང་རུ་ཎ་དང་། རྒྱ་སྤོས་དང་། ལོ་དྲ་རྣམས་བསྲེས
28b7 ལ་བཅོམ་ལྡན་འདས་སྤྱན་མའི་སྙིང་པོ་སྟོང་ཕྲག་བརྒྱད་མངོན་པར་བསྔགས་ཏེ། སྒྲུབ་པའི་དུས་སུ་མིག་ལ་ཐུགས་པས་གཉིད་མི་འཐུང་ངོ་།། གཞན་ཡང་སྨན་དུ་གྱུར་པ་ནི་ཨ་བ་མཱ་རྒ་དཀར་པོའི་རྩ་བ་དང་། ཤུ་དག་སྐྱ་བོ་དང་། རུ་ཏ་དང་།
28b8 ཀྱི་གྲོས་དང་། གི་ཝང་དང་གུང་གུཔ་དང་ཅན་དན་དཀར་པོ་དང་ཐོག་མར་རིང་བབྲེལ་ཅན་གྱི་མཆོད་རྟེན་གྱི་མདུན་དུ་ཞག་གསུམ་དུ་བྱུང་བར་བྱས་ཏེ། རྡོ་རྗེ་གོ་ཅིའི་སྔགས་སྟོང་ཕྲག་བརྒྱད་མངོན་པར་བསྔགས་། དེ་ནས་སྒྲུབ་པའི་དུས་སུ
iiif viewer powered by OpenSeadragon
