| e-texts navigator |
| Wylie |
28a1 བ།། ལྷོར་བལྟས་ཏེ་ལས་བྱའོ།། སྒྲུབ་པ་ཆེན་པོ་དང་ཞི་བ་ལ་ཁ་ཤར་དུ་ཕྱོགས་པས་སོ།། རྒྱས་པ་ལ་བྱང་དུ་ཕྱོགས་པས་སོ།། དབང་དུ་བྱ་བ་ལ་བྱང་དུ་ཕྱོགས་པས་སོ།། སངས་རྒྱས་བཅོམ་ལྡན་འདས་ཀྱི་སྤྱན་སྔར་ལྟལ
28a2 མཆོད་པ་བྱས་ཏེ་རྒྱས་པའི་ལས་བྱའོ། ། དུང་ཁྲོད་དང་རྟགས་གཅིག་པར་དབང་དུ་བྱ་བ་ལ་མངོན་སྤྱོད་དོ།། ཞི་བ་ལ་སོགས་པ་ལ་མེ་སྦར་ཏེ་བྱའོ།། གང་གི་ཚེ་དེར་མེ་བཟང་པོར་གྱུར་ན་དེ་ནས་ལས་འགྲུབ་པར་འགྱུར་རོ།། ཐོག་མ་ཁོ་ན
28a3 སྔགས་ཀྱི་ལྷ་སྤྱན་དྲངས་ཏེ་ཕྱིས་བཅིང་བར་བྱའོ། ། ཐོག་མར་དེ་ལྟར་མ་བྱས་ན་རིག་པ་འགྲུབ་པར་མི་འགྱུར་རོ།། སྤྱན་དྲངས་ནས་དྲིའི་ཆུས་གང་བའི་སྣོད་དུ་མེ་ཏོག་དཀར་པོ་དང་ལྡན་པ་ལ་སངས་རྒྱས་བཅོམ་ལྡན་འདས་ཀྱི་སྤྱན་སྔར་ཕྱོགས
28a4 ཏེ། ། གསང་སྔགས་བརྒྱད་བརྒྱ་བགྲང་བར་བྱའོ།། སྒྲུབ་པ་ཆེན་པོ་འཐུང་བའི་མཚན་མ་རྣམས་འཐུང་སྟེ་གློ་བུར་དུ་དུང་གི་སྒྲ་འམ་འབྲུག་གི་སྒྲ་ཐོས་པ་དང་དྲི་ཞིམ་པོ་བྱུང་ན་དེ་ནས་རིག་པའི་ལྷ་འོངས་པར་ཤེས་པར་བྱའོ།། གལ་ཏེ་མ་འོངས
28a5 ན་བཅོམ་ལྡན་འདས་སྤྱན་དང་ལྷན་ཅིག་པ་ལ་སྔར་བཞིན་དུ་མཆོད་ཡོན་བཟུང་སྟེ་བརྒྱད་བརྒྱ་བཟླའོ། ། འོང་བར་འགྱུར་རོ།། བྱོན་པ་དང་དཀྱིལ་འཁོར་བཅིང་བ་དང་། ཕྱོགས་བཅིངས་ལ་གཏོར་མ་དང་ལྷ་བཤོས་དབུལ་བར་བྱའོ།། དེ་ནས་མིག
28a6 སྨན་དང་ལྡོང་རོས་ལ་སོགས་པ་རྣམས་བསྒྲུབ་པར་བྱའོ། ། སྔོན་དུ་སྦྱངས་ཏེ་ཕྱིས་བསྒྲུབ་པར་བྱའོ།། མིག་སྨན་དང་ལྡོང་རོས་ལ་སོགས་པ་རྣམས་ལ་ཉིན་མཚན་དུ་འོ་མས་བྲན་ཞིང་བཞག་གོ།། དེ་ནས་བཏོན་ལ་ཇི་ལྟར་ནུས་པས་དགེ་འདུན
28a7 ལ་དཀའ་སྟོན་བྱའོ། ། སར་མ་རྒྱལ་ལ་སངས་རྒྱས་བཅོམ་ལྡན་འདས་ཀྱི་སྤྱན་སྔང་མཆོད་པས་མཆོད་ལ་རས་དཀར་པོ་མཉམས་པས་གཡོགས་ཏེ། བསོད་ནམས་མཆོད་ལ་རྟག་པར་བྱའོ།། བརྟགས་པ་ན་སྔོན་གྱི་མཚན་མ་བྱུང་ན་ལས་འགྲུས
28a8 བར་ཤེས་པར་བྱའོ། ། མཚན་མ་གཞན་ཡང་སིལ་སྙན་གྱི་སྒྲ་དང་། དུང་གི་སྒྲ་དང་། རྒྱལ་བའི་སྒྲ་བྱུང་ན་སིལ་སྙན་གྱི་སྒྲས་རིག་པ་འཛིན་པ་ཆེན་པོ་འགྲུབ་པར་འགྱུར་རོ།། རྒྱལ་བའི་སྒྲས་མཁའ་ལ་འགྲོ་བ་འགྲུབ་པར་འགྱུར་རོ།། དྲང་གི་སྒྲས
iiif viewer powered by OpenSeadragon
