| e-texts navigator |
| Wylie |
287b1 སྦྱིན་རྣམས་དང་། རིན་པོ་ཆེའི་གོས་ཀྱི་སྤྲིན་རྣམས་དང་། རིན་པོ་ཆེའི་ལྗོན་ཤིང་གི་སྤྲིན་རྣམས་དང་། རིན་པོ་ཆོས་བཀང་བའི་སྣོད་ཀྱི་སྤྲིན་རྣམས་དང་། རིན་པོ་ཆེ་ནོར་བུ་ཆེན་པོ་སྲུངས་པའི་སྤྲིན་རྣམས་དང་། རིན་པོ་ཆེ་རྣམ་པ་སྣ་ཚོགས
287b2 ཀྱི་སྲིན་རྣམས་དང་། མར་མེའི་སྣོད་སྟོང་གི་འཇིག་རྟེན་གྱི་ཁམས་ཀྱི་ཚད་ཙམ་ལ་དྲི་ཞིམ་པོའི་འབྲུམར་གྱིས་ཡོངས་སུ་བཀང་ཞིང་སྙིང་པོའི་རས་རི་རབ་བརྒྱའི་ཙམ་དུ་འབར་བ་རྣམས་སངས་རྒྱས་བཅོམ་ལྡན་འདས་ཐམས་ཅད་དང་། བྱང་ཆུབ
287b3 སེམས་དཔའ་ཐམས་ཅད་ལ་འབུལ་ལོ། ། དེ་དག་ཐམས་ཅད་ལ་གསོལ་བ་ནི་བྱང་ཆུབ་ཀྱི་སྙིང་པོར་གཤེགས་པ་དང་། བདུད་འདུལ་བ་དང་། མངོན་པར་བྱང་ཆུབ་པ་དང་། ཆོས་ཀྱི་འཁོར་ལོ་སྐོར་བ་དང་། ཡོངས་སུ་མྱ་ངན་ལས་འདའ་བ
287b4 བཞེད་པ་དེ་དག་རྣམས་ལ་སེམས་ཅན་རྣམས་ཀྱི་དོན་དུ་སྐལ་པ་མང་པོར་བཞུགས་པར་གསོལ་ལོ། ། ཅི་ལྟར་དེ་བཞིན་གཤེགས་པ་རྣམས་ཀྱིས་མི་དམིགས་པར་བཞུགས་ཏེ་བསྔོས་པ་ལྟར་བདག་གི་བསོད་ནམས་ཐམས་ཅད་ཐ
287b5 ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོ་བར་བགྱིའོ། ། དེ་བཞིན་གཤེགས་པ་ཐམས་ཅད་དང་། བྱང་ཆུབ་སེམས་དཔའ་ཐམས་ཅད་དང་། སེམས་ཅན་ཐམས་ཅད་ཀྱི་བསོད་ནམས་ལ་རྗེས་སུ་ཡི་རང་ངོ་།། སྡིག
287b6 པ་ཐམས་ཅད་ཀྱང་སོ་སོར་བཤེགས་སོ། ། ཨོཾ་སྥ་ར་སྨ་ར། བི་མཱ་ན་ཀ་ར་མ་ཧཱ་ཛ་བ་ཧུ་མ།། །། དེའི་འོག་ཏུ་ཅི་ལྟར་འདོད་པ་བཞིན་ལྷ་རྫས་ཀྱི་མཆོད་པ་ཆེན་པོའི་སྤྲིན་རྣམས་དེ་བཞིན་གཤེགས་པ་ཐམས་ཅད་ཀྱི་སྤྱན་སྔར་འབྱུང་བར་འགྱུར
287b7 རོ། ། རིགས་ཀྱི་བུ་འམ་རིགས་ཀྱི་བུ་མོ་གང་ལ་ལ་ཞིག་སངས་རྒྱས་དམིགས་པ་ཡིད་ལ་བྱེད་པས་ཡོངས་སུ་བསྔོ་བ་ཆེན་པོའི་འཁོར་ལོ་འདི་ཉིན་པར་རམ། མཚན་མོ་འདོན་ན། དེའི་སྡིག་པ་རྣམས་ཡོངས་སུ་ཟད་པར་འགྱུར་ཞིང
287b8 ཉོན་མོངས་པ་ཐམས་ཅད་ཀྱང་བསྲབས་པར་འགྱུར་རོ། ། གོང་དུ་སྨོས་པའི་ཡོན་ཏན་རྣམས་ཀྱང་འཐོབ་པར་འགྱུར་རོ།། ལན་ཅིག་བཟླས་བརྗོད་བྱས་ན་ཚངས་པ་བརྒྱའི་བསོད་ནམས་འཐོབ་པར་འགྱུར་རོ།། རྨི་ལམ་ན་ཡང་རྟག་ཏུ་དེ་བཞིན
iiif viewer powered by OpenSeadragon
