| e-texts navigator |
| Wylie |
27a1 འགྱུར་རོ། ། བགེགས་རྣམས་ཀྱིས་བར་དུ་གཅོད་པར་མི་འགྱུར་རོ།། དཀྱིལ་འཁོར་དུ་མ་ཞུགས་ན་ཚིག་ཙམ་ཡང་སྦྱིན་པར་མི་བྱ་ན། སྔགས་འགྲུབ་པ་ལྟཅི་སྤོས། དེ་ལྟ་བུའི་ཡོན་ཏན་དང་ལྡན་པ་ལ་སྔགས་འགྲུབ་པ
27a2 གསང་བ་བཤད་པར་བྱའོ། ། རིག་པ་འཛིན་པས་ཞི་བ་དང་རྒྱས་པ་དང་། མངོན་སྤྱོད་དང་། དབང་དུ་བྱ་བ་དང་། གསོད་པ་དང་། བསྐྲད་པ་རྣམས་བསྒྲུབ་པའི་དོན་དུ་གནས་ཡོངས་སུ་གཟུང་བར་བྱའོ།། དེ་ལ་རེ་ཤིག་གནས་སུ་གྱུར་པ་ནི་རིའི་རྩེ་མོ
27a3 དང་། ཤིང་གཅིག་པ་དང་། དུར་ཁྲོད་དང་རིང་བསྲེལ་ཅན་གྱི་མཆོད་རྟེན་རྣམས་སུ་བུམ་བརྩ་བ་ནག་པོ་མེད་པར་ནོར་བུ་དང་། འབྲུ་དང་སྨན་ཐམས་ཅད་ཀྱིས་ཡོངས་སུ་བཀང་ལ་བཅོམ་ལྡན་འདས་ཀྱི་མདུན་དུ་བརྒྱད་རྒྱ་བཟླའོ།། ཨོཾ་ཨམྲྀ
27a4 ཏེ་ཧཱུཾ་ཕཊ། འཁྲུལ་འཁོར་གྱི་གནས་སུ་སྔགས་འདིས་བཟླ་བར་བྱའོ།། དེ་ནས་སའི་ཕྱོགས་སུ་བུམ་པ་ལ་ཁྲོ་བོས་བསྔགས་ཏེ་ཐམས་ཅད་ལ་བསང་གཏོར་བྱའོ།། ཆུའི་རྒྱུན་མ་ཆད་པས་ཐམས་ཅད་ལ་བསྐོར་བར་བྱའོ།། དུག་དང
27a5 ཁྲག་དང་ཡུངས་དཀར་བསྲེས་པས་ཨརྒའི་ཤིང་ལ་མེ་སྦར་ལ་སྟོང་ཕྲག་བརྒྱད་བསྲེགས་ལ་འདི་སྐད་ཅེས་ཁོ་བོས་གནས་འདི་ཡོངས་སུ་བཟུང་ངོ་ཞེས་བརྗོད་པར་བྱའོ། ། དེ་ནས་རིག་པ་འཛིན་པ་དེའི་རིག་པ་རྣམས་དང་།
27a6 གཞན་ཡང་གླགས་བལྟ་བ་འཇུག་པའི་གོ་སྐབས་རྙེད་པར་མི་འགྱུར་རོ།། ཇི་ལྟར་འདོད་པར་སེམས་པ་བསྒྲུབ་པར་བྱའོ།། ཆོ་ག་གང་བསྒྲུབ་ན་དེ་ནས་རིག་པ་འཛིན་པས་བ་གླང་གི་འོ་མ་དང་། ནས་དང་ལོ་མ་དང་། སློང་བཟ་ཞིང
27a7 དེ་བཞིན་གཤེགས་པ་ལ་ཕྱོགས་པས་འབུཾ་ཕྲག་ཅིག་བཟླ་བར་བྱའོ། ། སྔགས་ཀྱི་མཐར་གསོལ་བ་གདབ་པར་བྱ་སྟེ། གང་གི་ཚེ་བཅོམ་ལྡན་འདས་བདག་གིས་བསྒྲུབ་པ་འདི་གདོན་མི་ཟ་བར་འགྲུབ་པར་འགྱུར་བ་དེ་བདག་ལ
27a8 བཀའ་སྩལ་དུ་གསོལ་ཞེས་བརྗོད་ལ། དེ་ནས་རྗེ་བཙུན་སངས་རྒྱས་ཀྱི་མདུན་དུ་ནག་པོའི་བརྒྱད་པའི་ཉིན་མཚན་གསོ་སྦྱོང་དང་ལྡན་པས་དགོངས་ཀའི་དུས་སུ་ཇི་ལྟར་ནུས་པས་མཆོད་པ་བྱ་སྟེ། ཀུ་ཤའི་ཆུན་པོའི་སྟེང་དུ་བསྡད
iiif viewer powered by OpenSeadragon
