| e-texts navigator |
| Wylie |
24b1 འདོད་ན་བུ་གའི་སྒོ་དེ་ཉིད་དུ་ཨརྒའི་ཡམ་ཤིང་དམ། སེད་ལྡེང་གི་ཡམ་ཤིང་ལ་མེ་རབ་ཏུ་སྦར་ཏེ་ཡུངས་དཀར་སྐྱ་བོ་རྣམས་དང་རང་གི་ཁྲག་བསྲེས་ལ་སྟོང་ཕྲག་བརྒྱད་བསྲེག་བླུགས་བྱའོ།། དེ་ནས་གཞོན་ནུ་མ་རྣམས་འོད་དོ།། འོངས་ནས་ཀྱང
24b2 ལག་ནས་བཟུང་སྟེ་འཇུག་པར་བྱེད་དོ། ། ཇི་ལྟར་འདོད་པའི་རྫས་རྣམས་སྟེར་རོ།། གཞན་དུ་ན་བུད་མེད་དེ་རྣམས་འཆི་བར་འགྱུར་རོ།། ཚོན་སྣ་ལྔའི་སྲད་བུས་དཀྱིལ་འཁོར་གདབ་པར་བྱའོ།། རྡོ་རྗེས་འོག་གི་རྒྱུད་ལས་རྒྱས་པའི་ལེའུ
24b3 སྟེ་ཉི་ཤུ་འོ། ། །། དེ་ནས་བཅོམ་ལྡན་འདས་ཁྲོ་བོའི་རྒྱལ་པོ་དེས་ས་འོག་ཆེན་པོའི་ཆོ་གར་གྱུར་པ་ནི་གཞོན་ནུ་མས་བཀལ་བའི་སྲད་བུ་ལས་བ་གླང་གི་གཅིན་གྱིས་བཀྲུས་ཏེ་གསོ་སྦྱོང་དང་ལྡན་པའི་ཐགས་མཁན་གྱིས་ནག
24b4 པོའི་ཕྱོགས་ཀྱི་བཅུ་བཞི་པ་འམ་རྒྱད་པའམ་ཡང་ན་ཉལ་རྣམ་པར་བྲལ་བའི་ཕྱོགས་སུ་དེ་བཞིན་གཤེགས་པ་ལ་གསོལ་བ་བཏབ་སྟེ། དྲི་དང་མེ་ཏོག་དང་བདུག་པ་ལ་སོགས་པ་རྣམས་ཀྱིས་མཆོད་ལ། རྒྱ་ཆེན་པོའི་གཏོར་མ་དང་ལྷ
24b5 བཤོས་བྱས་ཏེ། བདེ་བར་གཤེགས་པའི་མཐོ་གང་ལས་ལྷག་པ་ཇི་ཙམ་འདོད་པའི་ཚད་ཀྱི་བྲིས་སྐུ་འཚམ་པར་བྱས་ལ། དེ་ལ་རིན་ཆེན་དང་སྨན་དང་། འབྲུས་བྱིན་གྱིས་བརླབས་པའི་བུམ་པས་མཆོད་ཡོན་སྦྲེངས་ལ་གཏོར་མ་དང་ལྷ་བཤོས
24b6 རྒྱ་ཆེན་པོ་བྱས་ཏེ། ཇི་ལྟར་འབྱོར་པའི་དགེ་སློང་ལ་གྱ་ནོམ་པའི་བཟའ་བས་ཚིམ་པར་བྱས་ནས་ཇི་ལྟར་འདོད་པའི་དངོས་གྲུབ་ཏུ་སྨོན་ཏེ་ཡན་ལག་བརྒྱད་པའི་གསོ་སྦྱོང་དང་ལྡན་པའི་རི་མོ་མཁན་ལ་བསྲུང་བ་བྱས་ལ་དཔའ་བོས་རིན་ཐང་དེས
24b7 པ་མི་བཟུང་བར་ཡོན་བྱིན་ཏེ། ཁ་དོག་མ་འདྲེས་པས་བཅོམ་ལྡན་འདས་ཁྲོ་བོའི་རྒྱལ་པོ་དཔའ་བོ་གཅིག་པ་རྡོ་རྗེ་ས་འོག་ཆེན་པོ་བྲི་བར་བྱའོ།། བཻ་དཱུརྱ་སྔོན་པོ་དང་སྤྲིན་ཆེན་པོ་འདྲ་བ་སྦྲུལ་གྱི་མཆོད་ཕྱིར་ཐོགས་འཆང་བ་ཀླུའི་རྒྱལ་པོ་ནོར
24b8 རྒྱས་ཀྱི་སྐ་རགས་བྱས་པ་དགའ་བོ་དང་སྟོབས་ཀྱི་རྒྱུས་རྣ་བ་བརྒྱན་པ་ཨ་ཤི་བི་ཤས་ལག་པ་དང་རྐང་པ་བརྒྱན་པ། སྟག་གི་ལྤགས་པའི་ཤམ་ཐབས་ཅན། སྤྱན་གསུམ་པ་འཇིགས་བྱེད་ཆེན་པོ་ཊ་ཊས་བཞད་པ་མཆེ་བ་བརྩིགས
iiif viewer powered by OpenSeadragon
