| e-texts navigator |
| Wylie |
24a1 དུ་རྡོ་རྗེ་བཞག་ལ་གསོ་སྦྱོང་དང་ལྡན་པས་ཐམས་ཅད་ལ་ཙན་དན་གྱི་རང་བཞིན་དུ་བྱས་ཏེ། དཔལ་གྱི་སྒོར་བཞག་པར་བྱའོ།། ལོ་མ་དང་ནས་ཟན་དང་སྲོང་བཟ་ཞིང་འབུམ་ཕྲག་གསུམ་བཟླ་བར་བྱའོ།། དེ་ནས་འཁྲུལ་འཁོར
24a2 ཐམས་ཅད་ལྟུང་བར་འགྱུར་རོ། ། དེ་རྣམས་རང་ཉིད་འོངས་ནས་འཇུག་པར་བྱེད་དོ།། གལ་ཏེ་དེ་རྣམས་མ་འོངས་ན་ལས་གཞན་ཡང་བཤད་པར་བྱ་སྟེ། ཡུངས་དཀར་སྐྱ་བོ་དང་དུག་དང་ཁྲག་བསྲེས་པས་སྟོང་ཕྲག་བརྒྱད་བཟུང་ལ་རེ་རེ་ལ
24a3 ཡོངས་སུ་བཟླས་ཏེ་རྡོ་རྗེ་ལ་བསྣུན་པས་དེ་ནས་འོངས་ཏེ། ལག་ནས་བཟུང་ནས་འཇུག་པར་བྱེད་དོ།། སྐྱེས་བུ་དཔའ་བོས་ལས་སུ་གྱུར་པ་གཞན་ཡང་དུག་དང་ཁྲག་བསྲེས་པས་སྟོང་ཕྲག་བརྒྱད་བསྲེག་ཐུགས་བྱས་པས་དེ་ནས་འོང་བར།།
24a4 འགྱུར་རོ།། རྡོ་རྗེ་བཟུང་ལ་འཇུག་པར་བྱའོ་ཞེས་བཅོམ་ལྡན་འདས་རྡོ་རྗེ་འཛིན་པས་བཀའ་སྩལ་ཏོ།། དེ་ནས་ལས་གཞན་ཡང་བཤད་པར་བྱ་སྟེ། ལོ་མ་ལ་སོགས་པ་ཟ་ཞིང་དུས་གསུམ་དུ་ཁྲུས་བྱས་ལ་མི་སྨྲ་བའི་བརྟུལ་ཞུགས་ཀྱིས
24a5 འབུམ་ཕྲག་གསུམ་བཟླས་པར་བྱའོ། ། དེ་ནས་རྡོ་རྗེས་བསྣུན་པའི་ཤིང་ལ་མཐེ་བོ་ཙམ་གྱི་རྡོ་རྗེ་ཆ་ཤས་བཅུ་དྲུག་པ་རྩེ་མོ་གསུམ་པ་བྱས་ཏེ་ཙན་དན་དམར་པོའི་ཁྲི་ལ་རྡོ་རྗེ་དེ་བཞག་པར་བྱའོ།། མེ་ཏོག་དམར་པོ་དང་དྲི་ལ་སོགས་པ
24a6 རྣམས་ཀྱིས་མཆོད་དེ། གཏོར་མ་བྱིན་ལ་ཉིན་མཚན་དུ་གསོ་སྦྱོང་དང་ལྡན་པས་ཀ་ར་བི་རིའི་མེ་ཏོག་གིས་རྡོ་རྗེ་ལ་བརྒྱད་བརྒྱར་བསྣུན་པར་བྱའོ།། དེ་ནས་རྣམ་པ་གསུམ་འགྲུབ་པར་འགྱུར་ཏེ། རྡོ་རྗེ་ལ་ཙི་ཊི་ཙི་ཊི་འབྱུང་བ་དང་། བུ་གར་དུ
24a7 བའི་སྡོང་བུ་འབྱུང་བ་དང་གཞོན་ནུ་མ་རྣམས་འོང་བར་འགྱུར་རོ། ། གང་གི་ཚེ་ཞུགས་ཤིག་ཅེས་སྨྲ་ན། དེ་ནས་འཇུག་པའི་དུས་སུ་ཉིན་མཚན་དུ་གསོ་སྦྱོང་ལ་གནས་པས་ལྟས་བརྟག་པར་བྱ་སྟེ། གང་གི་ཚེ་རྡོ་རྗེ་ལ་ཙི་ཊི་ཙི་ཊི་ཞེས་སྒྲོགས
24a8 ན་འཕྲུལ་འཁོར་རྣམས་འབྱེད་པ་ཡིན་ནོ། ། གང་གི་ཚེ་དུ་བ་འབྱུང་བར་མཐོང་ན་དེ་ནས་འཁྲུལ་འཁོར་ཐམས་ཅད་འཇིག་པ་ཡིན་ནོ།། དེ་ནས་རང་གི་ཁང་པ་བཞིན་དུ་འཇུག་པར་བྱའོ།། གང་འདོད་པའི་རྫས་དེས་སྟེར་བར་འགྱུར་རོ།། གལ་ཏེ་མི
iiif viewer powered by OpenSeadragon
