| e-texts navigator |
| Wylie |
23a1 པར་བྱའོ། ། དེ་ནས་རྡོ་རྗེ་ཞགས་པའི་ཕྱག་རྒྱས་དཀྱིལ་འཁོར་བསྡུས་ཏེ། ཆོག་བཞིན་དུ་ཕྱག་རྒྱ་དང་སྔག་ས་ལྷ་རྣམས་གཤེགས་སུ་གསལ་བར་བྱའོ།། དེ་ནས་དཀྱིལ་འཁར་མཐོང་ནས་དམ་ཚིག་དམ་པས་བྱིན་གྱི
23a2 བརླབས་པ་དང་། གསང་སྔགས་ཐམས་ཅད་ཀྱིས་བྱིན་གྱིས་བརླབས་པ་དང་། ལེགས་པར་བགྲོད་པ་དང་། འདོད་པའི་དོན་ཐམས་ཅད་ཀྱི་དངོས་གྲུབ་ཐོབ་པ་དང་། འདུལ་བ་རྣམས་ལ་རབ་ཏུ་སྦྱོར་བ་དང་། རྒྱུད་རྣམས་ཀྱིས་འགོག་པ
23a3 དང་། འཆིང་བ་དང་སྟོན་པ་དང་། བྱེད་པ་དང་། བསྐྱོད་པ་དང་། ཕུར་བུས་བསྣུན་པ་དང་། འབྱེད་པ་དང་རྒྱུད་ཐམས་ཅད་ཀྱི་དོན་ཐོབ་པ་དང་སྒྲོགས་པ་དང་། དཔྱོད་པ་དང་ཟློས་པ་དང་། བསྒོམ་པ་དང་རྣལ་འབྱོར་དུ་བྱེད་པ་དང་། གདུག་པ་ཐམས
23a4 ཅད་ལ་དྲག་ཤུལ་སྤྱོད་པ་དང་། གཞོན་ནུ་མ་རྣམས་དང་འཁྲུལ་འཁོར་རྣམས་འབྱེད་པ་དང་། གཅོད་པ་དང་སྒྲུབ་པ་དང་། རྣམ་པ་ཐམས་ཅད་དུ་དོན་ཐམས་ཅད་གྲུབ་པ་རྙེད་པ་འདི་བཅོམ་ལྡན་འདས་རྡོ་རྗེ་འཛིན་པས་བཀའ་སྩལ་ཏོ།།
23a5 འཕགས་པ་རྡོ་རྗེ་ས་འོག་གི་རྒྱུད་ལས་གྲུབ་པའི་དཀྱིལ་འཁོར་གྱི་བྱ་བ་ས་འོག་གི་རྡོ་རྗེ་དཔའ་བོ་གཅིག་པའི་ལེའུ་སྟེ་བཅུ་དགུ་པའོ།། །། དེ་ནས་གཞན་ཡང་ལས་རྒྱས་པའི་རིམ་པར་ཕྱེ་བ་ནི་རྡོ་རྗེས་བསྣུན་པའི་ཤིང་ལས་རྡོ
23a6 རྗེ་བྱས་ལ་འབུམ་ཕྲག་གསུམ་བཟླ་བར་བྱའོ། ། དེ་ནས་ཟླ་བ་ཉ་བ་ལ་མཆོད་པ་བྱ་སྟེ། ལག་མཐིལ་དུ་བཟུང་ལ་ཇི་སྲིད་ཙི་ཊི་ཙི་ཊི་ཞེས་སྒྲོགས་ཀྱི་བར་དུ་བཟླ་བར་བྱའོ།། དེ་ནས་འགྲུབ་པར་འགྱུར་རོ།། འཁྲུལ་འཁོར་ཐམས་ཅད་འཇོམས
23a7 པར་འགྱུར་རོ། ། བསྲེག་པར་འགྱུར་རོ།། དེ་ནས་བུད་མེད་རྣམས་མཆོད་ཡོན་བཟུང་ནས་འོང་བར་འགྱུར་རོ།། དེ་ནས་འཁྲུལ་འཁོར་མེད་པར་འཇུག་པར་བྱེད་དོ།། གང་འདོད་པའི་རྫས་དེ་ལ་སྟེར་རོ།། བཅོམ་ལྡན་འདས་ལྷའི་ལྷ་ལྷ་ཡིས
23a8 ཕྱག་བྱས་ཤིང་མཆོད་པ་རིག་པའི་རྒྱལ་པོ་ཆེན་པོའི་བདག་པོ་དཔལ་དང་ལྡན་པའི་ཁྲོ་བོའི་རྒྱལ་པོ་འདི་མ་བསྒྲུབས་ཀྱང་ལས་རྣམས་བྱེད་པར་འགྱུར་རོ། ། ལྷ་མ་ཡིན་གྱི་བུ་མོ་ལ་དམིགས་ཏེ། བུ་གའི་སྒོར་སྟོང་ཕྲག་བརྒྱ་བཟླས
iiif viewer powered by OpenSeadragon
