| e-texts navigator |
| Wylie |
22b1 མཚམས་རྡོ་རྗེས་བྱིན་གྱིས་བརླབས་པའི་འོག་ཏུ་སྒོ་བྲལ་བཞི་བཞག་པར་བྱའོ། ། མེའི་མཚམས་སུ་མེའི་ཐབ་ཁུང་ངོ་།། དྲུང་དུ་ཆུའི་ཐབ་ཁུང་ངོ་།། བདེན་བྲལ་དུ་བདུག་སྤོས་ཀྱི་ཐབ་ཁུང་ངོ་།། དབང་ལྡན་དུ་སྦྲུལ་གྱི་རྣམ་པ་བཞག་པར་བྱའོ།། དེ
22b2 ནས་དེ་རྣམས་སྤྱན་དྲངས་ལ། རྡོ་རྗེ་ཁྲོ་བོ་འབེབས་པ་ཆེན་པོས་བྱིན་གྱིས་བརླབ་པར་བྱའོ།། བུམ་པ་རྩ་བ་ནག་པོ་མེད་པ་བཞི་ལྗོན་པ་ལྔ་དང་སྨན་ལྔ་དང་། རིན་པོ་ཆེ་ལྔ་དང་ལྡན་པ་ལ་རས་པྲ་བ་དྲི་ཞིམ་པ་སྒྲ་མེད་པས་མགུལ་བ་བཅིང
22b3 ཏེ་མཚམས་བཞི་པོ་རྣམས་སུ་རྡོ་རྗེས་བྱིན་གྱིས་བརླབས་པ་ལ། ཡུངས་དཀར་གྱིས་བྱིན་གྱིས་བརླབས་ཏེ་བཞག་པར་བྱའོ།། དེ་ནས་རྡོ་རྗེའི་ཆུ་དང་། ཕྱག་རྒྱས་བྱིན་གྱིས་བརླབས་པའི་མེ་ཏོག་དང་བདུག་པ་དང་མར་མེ་དང་། དྲི་ལ་སོགས་པ་དང་།
22b4 ལྷ་བཤོས་དབུལ་བར་བྱའོ།། དེ་ནས་སྣ་ཚོགས་པའི་རོ་དང་། འབྲས་བུ་དང་། འབྲས་ཀྱི་རྒྱལ་པོའི་འབྲས་བུ་ལེགས་པར་སྦྱར་བ་ཆང་དང་ཤ་མེད་པའི་ལྷ་བཤོས་དང་གཏོར་མ་ཡིད་དུ་འོང་བ་དམ་པ། རྒྱ་ཆེན་པོས་འབྱུང་པོ་ཐམས་ཅད་ལ
22b5 བྱོགྲ་དང་མཚམས་རྣམས་སུ་བྱིན་ལ་ཉེ་རེག་བྱའོ། ། ཆོ་ག་བཞིན་དུ་ཕྱག་རྒྱ་དང་དཀྱིལ་འཁོར་གྱི་བྱ་བ་བྱས་ལ། ཁྲོ་བོའི་རྒྱལ་པོ་དཔའ་བོ་གཅིག་པ་རྡོ་རྗེས་འོག་རྗེས་སུ་དྲན་པས་བཟླས་པར་བྱའོ།། སྐྱེས་བུ་དཔའ་བོས་བྱིན་གྱིས་བརླབ
22b6 པའི་དོན་གྱི་ཕྱིར་ལྷ་མ་ཡིན་ཕྱག་རྒྱའི་འོག་ཏུ་སོན་པར་རྐང་མཐིལ་ནས་སྤྱི་གཙུག་གི་བར་དུ་གོ་ཆས་བྱིན་གྱིས་བརླབ་པོ། ། ཇི་ལྟར་མི་འབབ་ན་དེ་ནས་དྲི་བཟང་པོ་དང་། བདུག་སྤོས་ཀྱིས་བདུགས་ལ་རས་དཀར་པོ་ཕྲ་བས་གདོང་གཡོགས
22b7 ཏེ། ། ལག་པ་རྡོ་རྗེ་ཐལ་མོའི་ཕྱག་རྒྱ་སྦྱར་ལ་ལས་ཀྱི་གྲུ་ལ་རྐང་པ་གཉིས་བཞག་ཏེ་ཡོན་ཕུལ་ལ། རྣ་བ་དམ་ཚིག་གིས་བྱིན་གྱིས་བརླབས་པས་སངས་རྒྱས་དང་། ཆོས་དང་། དགེ་འདུན་དང་བྱང་ཆུབ་སེམས་དཔའི་རིགས་རྣམས་ཀྱི
22b8 དམ་ཚིག་ཕྱེ་བ་རྣམས་དང་དམ་ཚིག་མཚུངས་པར་འགྱུར་རོ། ། འདི་ལྟ་བུའི་དམ་ཚིག་ཐོས་ནས་མེ་ཏོག་དོར་བར་བྱའོ།། གང་གི་སྟེང་དུ་ལྷུང་བ་དེའི་རིགས་སོ།། ཐོག་མར་ཕྱག་རྒྱ་བཅིངས་པས་བྱིན་གྱིས་བརླབས་ནས་དེ་ནས་ཡོན་འབུལ
iiif viewer powered by OpenSeadragon
