| e-texts navigator |
| Wylie |
21a1 གཡས་པ་བསྒྲེང་ནས་སུ། ། གཡོན་པ་ལ་ནི་བསྣུན་པར་བྱ།། སྟེང་དུ་ལག་པ་འོག་ཏུ་བལྟ།། བྱི་རུ་འདི་ཡིས་བསྣུན་པར་བྱ།། ཡུངས་དཀར་དང་ནི་ཐལ་བ་ཡིས།། བསྣུན་པས་སན་གཡོ་འགྱུར་ཏེ།། འཁྲུལ་འཁོར་ལྷོད་པ
21a2 ཉིད་དུ་འགྱུར། ། སླར་ཡང་དེ་ཡིས་བསྣུན་པ་ཡིས།། གདོན་མི་ཟ་བར་ལྟུང་བར་འགྱུར།། རྐང་པ་མཉམ་པར་གནས་བྱས་ནས།། ལག་པ་གཡོན་པ་སྙིང་ཁར་བཞག། གནས་དེ་ཕྱི་རུ་གར་བྱས་ཏེ།། གང་ཡང་རུང་བས་བསྣུན་པར་བྱ།།
21a3 ཧཱུཾ་དང་ལྡན་པའི་ཁྲོ་བོ་ཡིས།། ཕྱེ་མར་གྱུར་ནས་ས་ལ་ལྟུང་།། རྡོ་རྗེ་འཕྱར་བའི་ཆོ་ག་ཡིས།། ས་ལ་ལྟུང་བའི་འཁྲུལ་འཁོར་རྣམས།། སླན་ཆད་དེར་ནི་འབྱུང་མི་འགྱུར།། འཁྲུལ་འཁོར་མེད་པའི་བུ་གར་ཤེས།། ནམ་མཁའི་འཁྲུལ
21a4 འཁོར་གང་བཤད་དང་། ། གང་ཡང་དུག་གི་རླུང་འབྱུང་བ།། དེ་ཡང་ཆོ་ག་འདི་ཡིས་སུ།། མཐོང་བ་ཙམ་གྱིས་ལྟུང་བར་འགྱུར།། དམ་ཚིག་ཤེས་པ་བློ་ལྡན་དེས།། ཡང་ན་ལྷའི་གནས་མཐོང་ན།། འཕྱར་བའི་ཕྱག་རྒྱས་ལེགས་བསྣན
21a5 ཞིང་། ། བསྐོར་ཞིང་རབ་ཏུ་འཕེན་པ་ཡིས།། འབྱུང་པོ་རྣམས་ནི་དགུག་པར་བྱ།། དེ་བཞིན་དམ་ཚིག་ཉིད་ཀྱང་བསྟན།། སྒྲུབ་པ་དབང་བསྐུར་ལྡན་པ་དང་།། ལས་ཀྱི་ཆོ་ག་མཐོང་བ་ཡིས།། དེ་ཉིད་འདི་ནི་བསྟན་པར་བྱ།། གཞན་དུ་ན
21a6 ནིམིམཆི་བར་འགྱུར། ། དཔལ་གྱི་སྒོ་ཡི་སྨན་རྣམས་དང་།། དངུལ་ཆུ་གྲུབ་པའི་མིག་སྨན་སོགས།། དེ་བཞིན་བུད་མེད་རྣམས་དང་ནི།། དེ་ཉིད་དུ་ནི་མི་སྣང་འགྱུར།། གཏེར་དང་གསེར་འགྱུར་བུ་གའི་སྒོར།། དབང་དུ་བྱེད་པའང་དེ་བཞིན
21a7 དབང་བསྐར་མེད་པའི་བློ་ལྡན་གྱིས། ། མཐོང་ཡང་ཐོབ་པར་མི་འགྱུར་རོ།། ལྷ་མ་ཡིན་གྱི་ཆོ་ག་དང་།། རྡོ་རྗེས་འོག་དཀྱིལ་འཁོར་དུ།། ཇི་ལྟར་ཞུགས་པར་གྱུར་པ་ཡི།། དཀྱིལ་འཁོར་བསྲུང་བ་བྱས་ནས་སུ།། བླ་མ་ལ་ནི་ཡོན
21a8 རུལ་ཏེ། ། དྲི་དང་མེ་ཏོག་མཆོད་པ་བྱ།། རྡོ་རྗེ་ཆུ་ཡིས་ཆུས་བཀང་ནས།། པྲ་བའི་རས་ཀྱིས་མགྲིན་བཅིངས་པའི།། བུམ་པ་ལྡན་པའི་གཞན་དག་གིས།། མཚན་ཉིད་དེ་ཡིས་དབང་བསྐུར་བྱ།། དེ་ནས་དུ་སྦལ་ཕྱག་རྒྱ་བཅིང་།། བྱིན
iiif viewer powered by OpenSeadragon
